တမန်တော်ဝတ္ထု 21:24 - ခေတ်သစ်​မြန်မာ သမ္မာကျမ်း

²⁴ ထို​သူတို့​ကို ခေါ်သွား​၍ သင်​သည်လည်း ထို​သူတို့​နှင့်အတူ သန့်ရှင်းစင်ကြယ်ခြင်း​ဝတ်​ကို ပြုလော့။ သူတို့​၏​ဆံပင်ရိတ်​ရန် ကုန်ကျ​သမျှ​ကိုလည်း သင်​ပေးဆောင်လော့။ ဤသို့ဖြင့် သင်​နှင့်​ပတ်သက်​၍ သူတို့​ကြားသိထားသော​သတင်း​သည် မဟုတ်မမှန်ဘဲ သင်​ကိုယ်တိုင်​ပင်လျှင် ပညတ်တရား​ကို စောင့်ထိန်း​လျက် လိုက်နာနေကြောင်း အားလုံး​က​သိမြင်လာကြ​လိမ့်မည်။

Common Language Bible

²⁴ ထို​သူ​တို့​ကို​ခေါ်​သွား​ပြီး​လျှင်​သန့်​စင်​ခြင်း မင်္ဂ​လာ​ကို​သူ​တို့​နှင့်​အ​တူ​ပြု​ပါ​လော့။ သူ​တို့ အ​တွက်​ဦး​ခေါင်း​ရိတ်​ခ​ငွေ​ကို​သင်​ကျ​ခံ​ပါ။ ဤ​သို့​ပြု​ပါ​မူ​သင့်​အ​ကြောင်း​လူ​တို့​ကြား​ခဲ့ ကြ​သည့်​သ​တင်း​စ​ကား​များ​မှာ အ​ခြေ​အ​မြစ် မ​ရှိ​ကြောင်း​ကို​လည်း​ကောင်း၊ သင်​ကိုယ်​တိုင်​ပင် လျှင်​ပ​ညတ်​တ​ရား​ကို​တိ​ကျ​စွာ​စောင့်​ထိန်း ကြောင်း​ကို​လည်း​ကောင်း​လူ​တိုင်း​သိ​ရှိ​ပါ လိမ့်​မည်။-

Garrad Bible

²⁴ ထို သူ တို့ နှင့် ပေါင်း သင်း ၍ အ တူ ကိုယ် ကို သန့် ခြား ထား လျက် ဦး ဆံ ရိတ် ကြ စေ ရန် စ ရိတ် ခံ လျှင်၊ ညီ မောင် နှင့် စပ်၍ ကြား သော သ တင်း မ မှန်။ ပ ညတ် တ ရား တော် အ တိုင်း လိုက် လျှောက် စောင့် ထိန်း သူ ဖြစ် ကြောင်း၊ ခပ် သိမ်း တို့ သိ ကြ လိမ့် မည်။

Judson Bible

²⁴ ထို​သူ​တို့​ကို ယူ၍ သူ​တို့​နှင့်​တ​ကွ စင်​ကြယ်​ခြင်း​ကို​ပြု​လျက်၊ သူ​တို့​ခေါင်း​ရိတ်​ခြင်း​စ​ရိတ်​ကို ပေး​ပါ​လော့။ ထို​သို့​ပြု​လျှင် လူ​အ​ပေါင်း​တို့​သည် မိ​မိ​တို့​ကြား​သော သ​တင်း​စ​ကား​မ​မှန်​သည်​ကို​လည်း​ကောင်း၊ သင်​သည် ကိုယ်​တိုင် ပ​ညတ်​တ​ရား​ကို​စောင့်​ရှောက်၍ ကျင့်​နေ​သည်​ကို​လည်း​ကောင်း သိ​ရ​ကြ​လိမ့်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထို​သူ​တို့​ကို ခေါ်သွား​၍ သူ​တို့​နှင့်အတူ သန့်ရှင်း​စင်ကြယ်​ခြင်း​ဝတ်​ကို​ခံယူ​လျက် သူ​တို့​ခေါင်း​ကို ခေါင်းတုံး​ရိတ်​ရန် သူ​တို့​အတွက် စရိတ်​ခံ​ပေး​ပါ​လော့။ သို့ပြုလျှင် သင်​နှင့်​ပတ်သက်၍ သူ​တို့​ကြားသိ​ထား​သော​သတင်း​သည် မ​ဟုတ်​မ​မှန်​ဘဲ သင်​ကိုယ်တိုင် ပညတ်​တရား​ကို​စောင့်ထိန်း​လျက် လိုက်လျှောက်​နေ​ကြောင်း သူ​တို့​အားလုံး​သိ​ကြ​လိမ့်မည်။

တမန်တော်ဝတ္ထု 21:24 ပူးပေါင်းရင်းမြစ်များ

ရှင်ယောဟန် 11:55

ဂျူးလူမျိုးတို့​၏ ပသခါပွဲတော် နီးလာ​သဖြင့် ကျေးရွာ​အသီးသီး​မှ လူများစွာတို့​သည် သန့်ရှင်းစင်ကြယ်ခြင်း​အမှု​ကို ပြု​ရန် ပွဲတော်​မစမီ ဂျေရုဆလင်မြို့​သို့ ကြိုတင်​ရောက်လာကြ၏။

ရှင်ယောဟန် 3:25

ထိုအခါ သန့်ရှင်းစင်ကြယ်ခြင်း​ဓလေ့ထုံးတမ်း​နှင့်​ပတ်သက်၍ ယောဟန်​၏ တပည့်များ​နှင့် ဂျူး​လူမျိုး​တစ်ဦး​သည် အငြင်းပွားကြ၏။

တမန်တော်ဝတ္ထု 18:18

ပေါလု​သည် ကောရိန္သုမြို့​၌ ရက်ပေါင်း​များစွာ နေ​ပြီးနောက် ယုံကြည်သူတို့​အား နှုတ်ဆက်​ကာ ကင်ခြေမြို့​သို့ သွားလေ၏။ ပေါလု​သည် ယခင်က သစ္စာပြုထားခဲ့​သည် ဖြစ်​၍ ရွက်​မလွှင့်မီ ကင်ခြေမြို့​တွင် ဆံပင်ရိတ်လေ၏။ ထို့နောက် ပြစ်ကိလ၊ အာကုလ​တို့​နှင့်အတူ ဆီးရီးယားပြည်​သို့ ရွက်လွှင့်ကြ၏။

တမန်တော်ဝတ္ထု 21:26

နောက်​တစ်နေ့​တွင် ပေါလု​သည် ထို​လေးဦး​တို့​ကို​ခေါ်​၍ သူတို့​နှင့်တကွ သန့်ရှင်းစင်ကြယ်ခြင်း​ဝတ်​ကို ပြု၏။ ထို့နောက် ဗိမာန်တော်​ထဲသို့​ဝင်​၍ သူတို့​တစ်ဦးစီ​အတွက် ပူဇော်စရာ​ဆက်သမည့်​အချိန်​ဖြစ်သော သန့်ရှင်းစင်ကြယ်ခြင်း​ဝတ်​ကို ပြုသည့်​ရက်များ ပြီးဆုံးမည့်​အချိန်​ကို အသိပေး​ကြေညာလေ၏။

တမန်တော်ဝတ္ထု 24:18

သန့်ရှင်းစင်ကြယ်ခြင်း​ဝတ်​ကို​ပြု​ပြီးနောက် ဗိမာန်တော်​၌ ပူဇော်စရာများ​လှူဒါန်း​နေစဉ် သူတို့​သည် အကျွန်ုပ်​ကို​တွေ့မြင်ခဲ့ပါ၏။ ထို​အချိန်​တွင်​အကျွန်ုပ်​နှင့်အတူ လူစုလူဝေး​လည်း​မရှိပါ။ ရုန်းရင်းဆန်ခတ်​ဖြစ်ခြင်း​လည်း​မရှိပါ။

၁ ကော 9:20

ဂျူးလူမျိုးတို့​နှင့်အတူ​ရှိစဉ်က ဂျူးလူမျိုးတို့​ကို ကယ်တင်​နိုင်ရန် ဂျူးလူမျိုး​ကဲ့သို့ နေထိုင်၏။ ဂျူးလူမျိုးတို့​၏ ပညတ်တရား​ကို လိုက်နာ​စောင့်ထိန်းသူ​မဟုတ်​သော်လည်း ထို​ပညတ်တရား​ကို လိုက်နာ​စောင့်ထိန်းသော​ဂျူးလူမျိုးတို့​ကို ကယ်တင်​နိုင်ရန် ပညတ်တရား​ကို စောင့်ထိန်းသူ​ကဲ့သို့ နေထိုင်၏။

ဂ​လာ​တိ 2:12

သူ​သည် ယာကုပ်​စေလွှတ်လိုက်သော​သူများ ရောက်မလာ​မီ လူမျိုးခြားတို့​နှင့်အတူ စားသောက်​လေ့​ရှိ၏။ သို့သော် ထို​သူတို့ ရောက်လာ​သောအခါ လူမျိုးခြားတို့​နှင့် မစားသောက်တော့ပေ။ အဘယ်ကြောင့်ဆိုသော် အရေပြားလှီးခြင်း​မင်္ဂလာ​ကို ခံယူ​ရန် လိုအပ်ကြောင်း အခိုင်အမာ​ပြောဆိုသော​သူတို့​၏ ဝေဖန်မှု​ကို ကြောက်​သောကြောင့်​ဖြစ်၏။