တမန်တော်ဝတ္ထု 20:27 - ခေတ်သစ်​မြန်မာ သမ္မာကျမ်း

²⁷ အဘယ်ကြောင့်ဆိုသော် ဘုရားသခင်​၏​အကြံစည်တော်​ရှိသမျှ​ကို သင်တို့​အား ဟောပြောရာ​၌ ကျွန်ုပ်​သည် မတွန့်ဆုတ်ခဲ့​သောကြောင့်​ဖြစ်၏။

Common Language Bible

²⁷ အ​ဘယ်​ကြောင့်​ဆို​သော်​ငါ​သည်​ဘု​ရား​သ​ခင် ၏​အ​ကြံ​အ​စည်​တော်​ကို သင်​တို့​အား​အ​ကုန် အ​စင်​ဖော်​ပြ​ပြီး​သော​ကြောင့်​ဖြစ်​၏။-

Judson Bible

²⁷ ဘု​ရား​သ​ခင်၏​အ​လို​တော်​ကို သင်​တို့​အား အ​ကုန်​အ​စင် ဟော​ပြော​ပြ​သ​ခြင်း​အ​မှု​ကို ငါ​သည်​မ​လွှဲ​မ​ရှောင်​ဘဲ ပြု​ခဲ့​ပြီ။

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ အကြောင်းမူကား ငါ​သည် တွန့်ဆုတ်​ခြင်း​မ​ရှိ​ဘဲ ဘုရားသခင်​၏​အကြံအစည်​တော်​ကို သင်​တို့​အား အကုန်အစင်​ဖော်ပြ​ခဲ့​ပြီ။

တမန်တော်ဝတ္ထု 20:27 ပူးပေါင်းရင်းမြစ်များ

မဿဲ 28:20

သင်တို့​အား ငါ​ပေးသမျှသော ပညတ်တော်​အားလုံး​ကို သူတို့​အား သွန်သင်လော့။ ငါ​သည်လည်း ကမ္ဘာ​ကုန်ဆုံးသည့်​တိုင်အောင် သင်တို့​နှင့်အတူ အစဉ်အမြဲ​ရှိနေမည်” ဟု မိန့်တော်မူ၏။ ရှင်မဿဲ​ခရစ်ဝင်ကျမ်း​ပြီးပါပြီ။

လုကာ 7:30

သို့သော်လည်း ဖာရိရှဲများ​နှင့် ကျမ်းတတ်​ပညာရှင်တို့​သည် မိမိတို့​ကိုယ်ကျိုး​အတွက် ဘုရားသခင်​၏ အကြံအစည်တော်​ကို ငြင်းပယ်​၍ ယောဟန်​ပေးသော နှစ်ခြင်းမင်္ဂလာ​ကို မခံယူကြပေ။

ရှင်ယောဟန် 15:15

ယခု​မှစ၍ သင်တို့​ကို ‘ကျွန်’ ဟူ၍ ငါ​ခေါ်တော့မည်​မဟုတ်။ အဘယ်ကြောင့်ဆိုသော် ကျွန်​သည် မိမိ​သခင် လုပ်ဆောင်နေသော​အရာ​ကို မသိပေ။ ငါ​ကမူ ခမည်းတော်​ပြောပြ​သမျှ​ကို သင်တို့​အား အကုန်အစင်​ပြော၏။ ထို့ကြောင့် ယခု သင်တို့​ကို ‘မိတ်ဆွေ’ ဟူ၍ ငါ​ခေါ်ပြီ။

တမန်တော်ဝတ္ထု 13:36

ဒါဝိဒ်မင်း​သည် မိမိ​လက်ထက်​တွင် ဘုရားသခင်​၏​အလိုတော်​ကို ဆောင်ရွက်​ပြီးနောက် ကွယ်လွန်​၍ မိမိ​ဘိုးဘေးတို့​၏​သင်္ချိုင်း​တွင် သင်္ဂြိုဟ်ခံရ​ပြီး ပုပ်ပျက်ခဲ့ရ၏။

တမန်တော်ဝတ္ထု 2:23

ဘုရားသခင်​၏​တိကျသော​အကြံအစည်တော်​အားဖြင့်​လည်းကောင်း၊ ကြိုတင်​သိမြင်သော​ဉာဏ်တော်​အားဖြင့်​လည်းကောင်း သင်တို့​လက်​၌ အပ်နှံခံရသော​ဤ​ယေရှု​ကို သင်တို့​သည် တရားမဲ့သော​သူတို့​၏​လက်​ဖြင့် လက်ဝါးကပ်တိုင်​ပေါ်တွင် အသေသတ်ခဲ့ကြ၏။

တမန်တော်ဝတ္ထု 20:20

ဤသို့ဖြင့် လူထု​ပရိသတ်​ရှေ့​တွင်​ဖြစ်စေ၊ တစ်အိမ်ဝင်​တစ်အိမ်ထွက်​ဖြစ်စေ၊ သွန်သင်ရာ​တွင် ကျွန်ုပ်​သည် သင်တို့​အတွက် အကျိုး​ရှိသော​အရာ​ကို ဟောပြော​ရန် မတွန့်ဆုတ်။

တမန်တော်ဝတ္ထု 20:35

ဤ​အရာ​အားလုံးတို့​တွင် အလုပ်​ကို ကြိုးစား​လုပ်ဆောင်ခြင်း​အားဖြင့် ဆင်းရဲသားများ​အား မစထောက်ပံ့​ရမည်​ကို ကျွန်ုပ်​ပြသခဲ့၏။ ထို့ကြောင့် သခင်​ယေရှု​ကိုယ်တိုင် မိန့်တော်မူခဲ့သည့် ‘ပေးကမ်းခြင်း​သည် ရယူခြင်း​ထက် ပို၍​မင်္ဂလာရှိ၏’ ဟူသော စကားတော်​ကို သတိရကြလော့” ဟု ဆိုလေ၏။

၁ ကော 11:23

ကျွန်ုပ်​သည် သခင်ဘုရား​ထံတော်မှ ခံယူရရှိသော​အရာ​ကို သင်တို့​အား လက်ဆင့်ကမ်း၏။ ထို​အရာ​မှာ သခင်​ယေရှု​သည် သစ္စာဖောက်ခံရသော​ည​တွင် မုန့်​ကို ယူ​၍

၂ ကော 4:2

ကျွန်ုပ်တို့​သည် ဆိတ်ကွယ်ရာ​၌ ပြုသော ရှက်ရွံ့ဖွယ်​အမှုတို့​ကို ရှောင်ကြဉ်ကြ၏။ ပရိယာယ်​ကို မသုံးကြ။ ဘုရားသခင်​၏ နှုတ်ကပတ်တော်​ကိုလည်း မှောက်လှန်​၍ မဟောပြောကြ။ ဘုရားသခင်​ရှေ့တော်​၌ ကျွန်ုပ်တို့​မှာ မည်သို့သော​သူများ​ဖြစ်သည်​ကို သူတို့​စိတ်​ထဲက သိနိုင်​ရန် အမှန်တရား​ကိုသာ အတိအလင်း​ဖော်ပြကြ၏။

ဂ​လာ​တိ 4:16

ယခု​မှာမူ ကျွန်ုပ်​သည် သင်တို့​အား သမ္မာတရား​ကို ဟောပြော​သောကြောင့် သင်တို့​၏​ရန်သူ ဖြစ်လေပြီလော။

ဧ​ဖက် 1:11

အရာ​အားလုံး​ကို မိမိ​အလိုတော်​နှင့်​ညီသော အကြံအစည်တော်​အတိုင်း လုပ်ဆောင်တော်မူသည့်​ဘုရားသခင်​သည် ကျွန်ုပ်တို့​ကို ခရစ်တော်​နှင့် တပေါင်းတစည်းတည်း ဖြစ်စေခြင်း​အားဖြင့် ရှေးယခင်​ကပင် ကြိုတင်​သတ်မှတ်တော်မူသည့်​အတိုင်း မိမိ​၏​အမွေခံများ​အဖြစ် ရွေးချယ်တော်မူ၏။

၁ သက် 2:4

ထိုသို့​ပြုမည့်​အစား ဘုရားသခင်​သည် ကျွန်ုပ်တို့​အား ယုံကြည်ထိုက်သူများ​အဖြစ် လက်ခံတော်မူသည်​နှင့်အညီ သတင်းကောင်း ဟောပြော​ရန်အတွက် တာဝန်ပေးတော်မူ၏။ သို့ဖြစ်၍ ကျွန်ုပ်တို့​သည် လူ​ကို ကျေနပ်​စေရန် မဟုတ်ဘဲ ကျွန်ုပ်တို့​၏ စိတ်နှလုံးသား​ကို စစ်ဆေး​တော်မူသော ဘုရားသခင်​ကို ကျေနပ်​စေရန် ဟောပြောကြ၏။