တမန်တော်ဝတ္ထု 13:23 - ခေတ်သစ်​မြန်မာ သမ္မာကျမ်း

²³ ဘုရားသခင်​သည် ကတိပြုတော်မူသည့်​အတိုင်း ဒါဝိဒ်မင်း​၏​မျိုးဆက်​မှ အစ္စရေးလူမျိုး​အတွက် ယေရှု​ဟူသော​ကယ်တင်ရှင်​တစ်ပါး​ကို ပို့ဆောင်ပေးတော်မူ၏။

Common Language Bible

²³ ဘု​ရား​သ​ခင်​သည်​မိ​မိ​၏​က​တိ​တော်​အ​တိုင်း ဣ​သ​ရေ​လ​အ​မျိုး​သား​တို့​အ​ဖို့​ကယ်​တင်​ရှင် ကို ထို​သူ​၏​သား​မြေး​များ​အ​ထဲ​မှ​ပေါ်​ထွန်း စေ​တော်​မူ​၏။ ထို​အ​ရှင်​ကား​သ​ခင်​ယေ​ရှု​ပင် ဖြစ်​သ​တည်း။-

Garrad Bible

²³ ထို မင်း မျိုး မှ လည်း ဘု ရား သ ခင် သည် က တိ တော် အ တိုင်း ဣ သ ရေ လ လူ မျိုး တို့ ထံ ယေ ရှု တည်း ဟူ သော ကယ် တင် ရှင် ကို ပေါ် ထွန်း စေ တော် မူ ပြီ။

Judson Bible

²³ ထို​သူ၏​အ​မျိုး​အ​နွယ်​ထဲ၌ ဘု​ရား​သ​ခင်​သည် က​တိ​တော်​အ​တိုင်း ကယ်​တင်​သော​သ​ခင်​ယေ​ရှု​ကို ဣ​သ​ရေ​လ​လူ​တို့​အား ပေါ်​ထွန်း​စေ​တော်​မူ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ဘုရားသခင်​သည် ကတိ​တော်​အတိုင်း အစ္စရေး​လူမျိုး​အတွက် ကယ်တင်ရှင်​ယေရှု​ကို ဤ​ဒါဝိဒ်​၏​အမျိုးအနွယ်​မှ ပေါ်ထွန်း​စေ​တော်မူ​၏။

တမန်တော်ဝတ္ထု 13:23 ပူးပေါင်းရင်းမြစ်များ

မဿဲ 1:1

အာဗြဟံ​နှင့် ဒါဝိဒ်မင်း​တို့​ထံမှ ဆင်းသက်တော်မူသော ယေရှု​ခရစ်တော်​၏​ဆွေစဉ်မျိုးဆက်​စာရင်း​မှာ အောက်ပါအတိုင်း​ဖြစ်၏။

မဿဲ 1:21

သူ​သည် သားယောက်ျား​ကို မွေးဖွား​လိမ့်မည်။ ထို​သား​သည် မိမိ​လူမျိုးတို့​ကို သူတို့​၏ အပြစ်များ​မှ ကယ်တင်မည့်​သူ ဖြစ်​သောကြောင့် သူ့​ကို ယေရှု​ဟူ၍ မှည့်ခေါ်​ရမည်” ဟု ဆိုလေ၏။

မဿဲ 21:9

ယေရှု​ရှေ့တော်​နှင့် နောက်တော်​တွင် လိုက်ပါသော​လူထုတို့​က “ဒါဝိဒ်မင်း​၏ သားတော်​ကို ချီးမွမ်းကြ​ပါစေသော။ ထာဝရဘုရား​၏ အမည်​နာမ​နှင့် ကြွလာသော​အရှင်​သည် မင်္ဂလာ​ရှိပါစေသော။ အမြင့်ဆုံးသော ကောင်းကင်ဘုံ​၌ ဘုရားသခင်​၏ ဂုဏ်တော်​ကို ချီးမွမ်းကြ​ပါစေသော” ဟု ကြွေးကြော်ကြ၏။

မဿဲ 22:42

“ခရစ်တော်​ကို မည်သို့​ထင်မှတ်ကြသနည်း။ မည်သည့်​မျိုးဆက်​မှ မွေးဖွားလာသော​သူ​ဖြစ်သနည်း” ဟု မေးတော်မူ​လျှင် ဖာရိရှဲတို့​က “ဒါဝိဒ်မင်း​၏ သားတော်​ဖြစ်သည်” ဟု လျှောက်ကြ၏။

လုကာ 1:69

ကိုယ်တော်​သည် အကျွန်ုပ်တို့​ကို ရန်သူတို့​၏​လက်မှ​လည်းကောင်း၊ အကျွန်ုပ်တို့​ကို မုန်းသော​သူ​အပေါင်းတို့​၏​လက်မှ​လည်းကောင်း ကယ်တင်တော်မူမည်​ဟု ရှေးအခါ​က သူ​၏​သန့်ရှင်းသော​ပရောဖက်များ​အားဖြင့် မိန့်တော်မူခဲ့သည့်​အတိုင်း သူ​၏​အစေခံ ဒါဝိဒ်မင်း​အမျိုးအနွယ်​ထဲမှ တန်ခိုးကြီးသော​ကယ်တင်ရှင်​ကို ပေါ်ထွန်းစေတော်မူပြီ။

ရှင်ယောဟန် 4:42

ထို​သူတို့​က အမျိုးသမီး​အား “ယခု ငါတို့​ယုံကြည်ကြသည်​မှာ သင့်​စကား​ကြောင့်​မဟုတ်တော့ဘဲ ငါတို့​ကိုယ်တိုင် ကြားနာရ​သောကြောင့်​ဖြစ်၏။ ဤ​အရှင်​သည် ကမ္ဘာလောက​၏​ကယ်တင်ရှင် အမှန်​ဖြစ်ကြောင်း ယခု​ငါတို့​သိရပြီ” ဟု ဆိုကြ၏။

ရှင်ယောဟန် 7:42

ကျမ်းစာ​၌ ခရစ်တော်​သည် ဒါဝိဒ်မင်း​၏​အမျိုး၊ ဒါဝိဒ်မင်း​၏​မွေးရပ် ဗက်လင်မြို့​မှ ပေါ်ထွန်း​လိမ့်မည်​ဟု ဖော်ပြထား​သည် မဟုတ်လော” ဟု ဆိုကြ၏။

တမန်တော်ဝတ္ထု 13:32

ကျွန်ုပ်တို့​သည် ဘိုးဘေးများ​အား ဘုရားသခင်​ကတိပြုသော ထို​သတင်းကောင်း​ကို သင်တို့​ထံ ယူဆောင်လာကြ၏။

တမန်တော်ဝတ္ထု 2:30

သူ​သည် ပရောဖက်​တစ်ပါး​ဖြစ်​၍ ဘုရားသခင်​သည် သူ​၏​မျိုးဆက်များ​ထဲ​မှ တစ်ဦး​ကို သူ​၏​ရာဇပလ္လင်​ပေါ်​တွင် ထိုင်စေ​လိမ့်မည်​ဟု သစ္စာ​နှင့် ကျိန်ဆိုတော်မူသည်​ကို သိခဲ့ပြီး​ဖြစ်၏။

တမန်တော်ဝတ္ထု 3:26

သင်တို့​တစ်ဦးချင်းစီ​တိုင်း​သည် အပြစ်ဒုစရိုက်​လမ်းများ​မှ ပြန်လှည့်လာခြင်း​ဖြင့် ဘုရားသခင်​သည် သင်တို့​အား ကောင်းချီး​ပေး​ရန် မိမိ​အစေခံ​အား ပေါ်ထွန်းစေတော်မူ​၍ သင်တို့​ထံသို့ ဦးစွာ​စေလွှတ်တော်မူသည်” ဟု ပြောလေ၏။

တမန်တော်ဝတ္ထု 4:12

ကယ်တင်ခြင်း​သည် အခြား​မည်သူ​၌မျှ​မရှိ။ အဘယ်ကြောင့်ဆိုသော် ကောင်းကင်​အောက်​တွင် ထို​အရှင်​၏​အမည်​နာမ​မှတစ်ပါး ကျွန်ုပ်တို့​ကို ကယ်တင်နိုင်သော​အခြား​အမည်​နာမ မရှိပါ” ဟု ဖြေဆိုလေ၏။

ရော​မ 1:3

ဘုရားသခင်​၏​သားတော်​အကြောင်း ဖြစ်၏။ ထို​သားတော်​သည် လူသား​အဖြစ် ဒါဝိဒ်မင်း​၏​မျိုးနွယ်​မှ မွေးဖွား​လာတော်မူခဲ့၏။

ရော​မ 11:26

သို့ဖြစ်၍ အစ္စရေးလူမျိုး​တစ်မျိုးလုံး​သည် ကယ်တင်တော်မူခြင်း​ကို ခံရ​လိမ့်မည်။ ကျမ်းစာ​၌လည်း “ကယ်တင်မည့်​အရှင်​သည် ဂျေရုဆလင်မြို့​မှ ကြွလာ​၍ အစ္စရေးလူမျိုးတို့​ထံမှ ဘုရားတရားမဲ့ခြင်း​ကို ဖယ်ရှားတော်မူ​လိမ့်မည်။

တိ​တု 1:4

ကျွန်ုပ်​နှင့် ယုံကြည်ချက်​တူညီ​၍ ကျွန်ုပ်​၏ သား အရင်းအချာ​ကဲ့သို့ ဖြစ်သော တိတု​ထံသို့ ဤ​စာ​ကို ပို့လိုက်၏။ ကျွန်ုပ်တို့​၏ အဖ​ဘုရားသခင်​နှင့် ကယ်တင်ရှင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင့်​အပေါ် သက်ရောက်ပါစေသော။

၂ ပေ 1:1

ကျွန်ုပ်​သည် ယေရှု​ခရစ်တော်​၏ အစေခံ​နှင့် တမန်တော် ရှိမုန်​ပေတရု​ဖြစ်၏။ ကျွန်ုပ်တို့​၏ ဘုရားသခင်​နှင့် ကယ်တင်ရှင်​ဖြစ်တော်မူသော ယေရှု​ခရစ်တော်​၏ ဖြောင့်မတ်ခြင်း​အားဖြင့် ကျွန်ုပ်တို့​၏​ယုံကြည်ခြင်း​ကဲ့သို့ တန်ဖိုး​ရှိသည့် ယုံကြည်ခြင်း​ကို လက်ခံရရှိသော​သူတို့​ထံသို့ ကျွန်ုပ်​စာရေးလိုက်၏။

၂ ပေ 1:11

ထို့နောက် ဘုရားသခင်​သည် သင်တို့​အား ကျွန်ုပ်တို့​၏ သခင်​နှင့် ကယ်တင်ရှင် ဖြစ်တော်မူသော ယေရှု​ခရစ်တော်​၏ ထာဝရ​နိုင်ငံတော်​ထဲသို့ ဝင်ရောက်ခွင့်​ကို အပြည့်အဝ​ပေးသနားတော်မူ​လိမ့်မည်။

၂ ပေ 2:20

ကျွန်ုပ်တို့​၏ သခင်​နှင့် ကယ်တင်ရှင် ယေရှု​ခရစ်တော်​ကို သိကျွမ်းခြင်း​ကြောင့် လောကီ​ညစ်ညမ်းမှု​မှ လွတ်ကင်း​ပြီးနောက် ထို​အရာ​နှင့် ပြန်လည်​ပတ်သက်မိ​သဖြင့် အနိုင်ယူ​စိုးမိုးခံရ​လျှင် ထို​သူတို့​၏ အခြေအနေ​သည် အစ​က​ထက် အဆုံး​တွင် ပိုမို​ဆိုးရွား၏။

၂ ပေ 3:18

ကျွန်ုပ်တို့​၏ သခင်​နှင့် ကယ်တင်ရှင် ယေရှု​ခရစ်တော်​ကို သိကျွမ်းခြင်း​၌​လည်းကောင်း၊ ကျေးဇူးတော်​၌​လည်းကောင်း ကြီးထွားကြလော့။ ကိုယ်တော်​သည် ယခု​မှစ၍ ထာဝရ​ကာလ​ပတ်လုံး ဘုန်းကြီးတော်မူပါစေသော။ အာမင်။ ရှင်ပေတရု​ဩဝါဒစာ​ဒုတိယစောင် ပြီးပါပြီ။

၂ ပေ 3:2

သန့်ရှင်းသော​ပရောဖက်များ ယခင်​က ဟောပြောခဲ့သော​စကားများ​နှင့် သင်တို့​၏ တမန်တော်များ​အားဖြင့် ကျွန်ုပ်တို့​၏​သခင်​နှင့် ကယ်တင်ရှင် ဖြစ်တော်မူသော​အရှင်​၏ ပညတ်တော်တို့​ကို သင်တို့​အား သတိရ​စေလို၏။

၁ ယော 4:14

ခမည်းတော်​သည် သားတော်​ကို ဤ​လောက​၏​ကယ်တင်ရှင်​ဖြစ်​ရန် စေလွှတ်တော်မူခဲ့သည်​ကို ကျွန်ုပ်တို့​မြင်​၍ သက်သေခံကြ၏။

ယု​ဒ 1:25

ကျွန်ုပ်တို့​၏​ကယ်တင်ရှင်၊ တစ်ဆူတည်းသော​ဘုရားသခင်​သည် ကျွန်ုပ်တို့​၏​သခင် ယေရှု​ခရစ်တော်​အားဖြင့် ယခင်​ကာလ​အစဉ်အဆက်၊ ယခု​ကာလ​နှင့် နောင်​ကာလ​အစဉ်အဆက် ဘုန်းအသရေတော်၊ ဘုန်းတန်ခိုးတော်၊ အစွမ်းသတ္တိ​နှင့် အာဏာစက်တို့​ရှိတော်မူပါစေသော။ အာမင်။ ရှင်ယုဒ​ဩဝါဒစာ ပြီးပါပြီ။

ဗျာ​ဒိတ် 22:16

ငါ​ယေရှု​သည် အသင်းတော်များ​၌​ရှိသော သင်တို့​အား ဤ​အကြောင်းအရာများ​ကို သက်သေခံ​ရန် ငါ​၏ ကောင်းကင်တမန်​ကို စေလွှတ်ထား၏။ ငါ​သည် ဒါဝိဒ်​၏​အမြစ်၊ ဒါဝိဒ်​၏ အမျိုး​ဖြစ်၏။ တောက်ပသော​မိုးသောက်ကြယ်​လည်း​ဖြစ်၏” ဟု မိန့်တော်မူ၏။