တမန်တော်ဝတ္ထု 12:11 - ခေတ်သစ်​မြန်မာ သမ္မာကျမ်း

¹¹ ထိုအခါ ပေတရု​သည် သတိ​ဝင်လာ​၍ “သခင်ဘုရား​သည် မိမိ​၏​ကောင်းကင်တမန်​ကို စေလွှတ်​၍ ဟေရုဒ်မင်း​၏​လက်​မှ​လည်းကောင်း၊ ဂျူးတို့​၏​အကြံအစည်​မှ​လည်းကောင်း ငါ့​ကို ကယ်တင်တော်မူကြောင်း ယခု​ငါ​အမှန်တကယ်​သိရပြီ” ဟု ဆိုလေ၏။

Common Language Bible

¹¹ ပေ​တ​ရု​သည်​ပြန်​၍​သ​တိ​ရ​လာ​သော​အ​ခါ ``သ​ခင်​ဘု​ရား​သည်​မိ​မိ​၏​ကောင်း​ကင်​တ​မန် ကို​စေ​လွှတ်​၍ ငါ့​ကို​ဟေ​ရုဒ်​၏​လက်​မှ​လည်း ကောင်း၊ ယု​ဒ​အ​မျိုး​သား​တို့​ငါ့​အား​သက်​ရောက် စေ​ရန် မျှော်​လင့်​သ​မျှ​သော​ဘေး​မှ​လည်း​ကောင်း ကယ်​ဆယ်​တော်​မူ​သည်​ကို​ယ​ခု​ငါ​သိ​ပြီ'' ဟု ဆို​၏။

Garrad Bible

¹¹ သ တိ ရ သော် ပေ တ ရု က ထာ ဝ ရ ဘု ရား သည် ကိုယ် တော့် စေ တ မန် တော် ကို လွှတ်၍ ဟေ ရုဒ် မင်း လက် မှ လည်း ကောင်း၊ ယု ဒ လူ မျိုး တို့ မျှော် လင့် သ မျှ သော ဘေး မှလည်း ကောင်း၊ ငါ့ ကို ကယ် နုတ် တော် မူ ကြောင်း ယ ခု မု ချ သိ ရ ပြီ ဟု အောက် မေ့ လျက် နား လည် ပြီး လျှင်၊

Judson Bible

¹¹ ပေ​တ​ရု​သည် သ​တိ​ရ​လျှင်၊ ယ​ခု​ပင် သ​ခင်​ဘု​ရား​သည် မိ​မိ​ကောင်း​ကင်​တ​မန်​ကို စေ​လွှတ်၍ ဟေ​ရုဒ်​မင်း​လက်​မှ​လည်း​ကောင်း၊ ယု​ဒ​လူ​တို့၏ မျှော်​လင့်​ခြင်း​မှ​လည်း​ကောင်း၊ ငါ့​ကို​ကယ်​နုတ်​တော်​မူ​သည်​ကို ငါ​အ​မှန်​သိ၏​ဟု အောက်​မေ့​စဉ်၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထိုအခါ ပေတရု​သည် သတိ​ပြန်​ဝင်လာ​၍ “သခင်​ဘုရား​သည် မိမိ​၏​ကောင်းကင်တမန်​ကို​စေလွှတ်​ပြီး ဟေရုဒ်​မင်း​၏​လက်​မှ​လည်းကောင်း၊ ဂျူး​လူမျိုး​တို့​မျှော်မှန်း​ထား​သော​အရာ​အားလုံး​မှ​လည်းကောင်း ငါ့​ကို​ကယ်နုတ်​တော်မူ​သည်​ကို ယခု ငါ​အမှန်​သိ​ပြီ”​ဟု ဆို​၏။

တမန်တော်ဝတ္ထု 12:11 ပူးပေါင်းရင်းမြစ်များ

လုကာ 15:17

ထို​အချိန်​တွင် သူ​သည် အသိတရားရလာ​၍ ‘ငါ့​အဖေ​အိမ်​တွင်​ရှိသော အလုပ်သမားများ​သည် ဝလင်စွာ​စားရကြ၏။ သို့သော် ငါ​သည် ဤ​နေရာ​တွင် ဆာလောင်​သဖြင့် သေရပါတော့မည်။

တမန်တော်ဝတ္ထု 12:7

ထိုအခါ ထာဝရဘုရား​၏​ကောင်းကင်တမန်​သည် ရုတ်တရက်​ပေါ်လာ​သဖြင့် အချုပ်ခန်း​ထဲတွင် အလင်းရောင်​ထွန်းလင်းလေ၏။ ထို့နောက် ပေတရု​နံဘေး​ကို ပုတ်​နှိုး​၍ “အလျင်အမြန်​ထလော့” ဟု ဆိုလေ၏။ ထိုအခါ သံကြိုးများ​သည် ပေတရု​၏​လက်​မှ ကျွတ်ကျလေ၏။

တမန်တော်ဝတ္ထု 24:27

နှစ်​နှစ်​ကြာသော် ပေါကိဖေတ္တုမင်း​သည် ဖေလဇ်မင်း​နေရာ​ကို ဆက်ခံလေ၏။ ဖေလဇ်မင်း​သည် ဂျူးတို့​အား ကျေးဇူးပြုလို​သဖြင့် ပေါလု​ကို အကျဉ်းချ​ထားရစ်လေ၏။

တမန်တော်ဝတ္ထု 25:9

ထိုအခါ ဖေတ္တုမင်း​သည် ဂျူးတို့​ကို ကျေးဇူးပြုလို​သဖြင့် ပေါလု​အား “သင်​သည် ဂျေရုဆလင်မြို့​သို့ တက်သွား​၍ ထို​မြို့​၌ ငါ့​ရှေ့​တွင် ဤ​စွပ်စွဲချက်များ​နှင့်​ပတ်သက်​၍ စစ်ဆေး​ခံလိုသလော” ဟု မေးလေ၏။

တမန်တော်ဝတ္ထု 5:19

သို့သော်လည်း ည​အချိန်​တွင် ထာဝရဘုရား​၏​ကောင်းကင်တမန်​တစ်ပါး​သည် ထောင်တံခါး​ကို ဖွင့်​၍ တမန်တော်တို့​ကို ခေါ်ထုတ်သွား​ကာ

ဟေ​ဗြဲ 1:14

သို့ဖြစ်လျှင် ကောင်းကင်တမန်များ​သည် ကယ်တင်ခြင်း​အမွေခံမည့်​သူများ​ကို အစေခံ​ရန် ဘုရားသခင်​စေလွှတ်တော်မူသော အစေခံ​ဝိညာဉ်များ ဖြစ်ကြသည်​မဟုတ်လော။

၂ ပေ 2:9

ထာဝရဘုရား​သည် ယခင်​က ထိုသို့​ပြုတော်မူ​သောကြောင့် ဘုရားတရား​ကိုင်းရှိုင်းသူတို့​ကို ဆင်းရဲဒုက္ခ​ထဲမှ မည်သို့​ကယ်တင်​ရမည်​ကို​လည်းကောင်း၊ မဖြောင့်မတ်သောသူတို့​ကို တရားစီရင်ရာနေ့​တိုင်အောင် မည်သို့​အပြစ်ဒဏ်ပေး​၍ ထိန်းသိမ်းထား​ရမည်​ကို​လည်းကောင်း သိတော်မူ၏။