Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




တမန်တော်ဝတ္ထု 11:20 - ခေတ်သစ်​မြန်မာ သမ္မာကျမ်း

20 သို့သော် ထို​သူတို့​အထဲ​တွင် ဆိုက်ပရပ်ကျွန်း​နှင့် ကုရေနေမြို့သား​တချို့​ပါရှိ​၍ အန္တိအုတ်မြို့​သို့​သွားကြ​ပြီးလျှင် ဂရိစကား​ပြောသော​လူတို့​အား သခင်​ယေရှု​အကြောင်း​ကို ဟောပြောကြလေ၏။

အခန်းကိုကြည့်ပါ။ ကော်ပီ

Common Language Bible

20 သို့​ရာ​တွင်​သူ​တို့​အ​ထဲ​တွင်​သ​ခင်​ယေ​ရှု ကို​ယုံ​ကြည်​သူ ကု​ပ​ရု​ပြည်​သား​နှင့်​ကု​ရေ နေ​ပြည်​သား​အ​ချို့​ပါ​၏။ သူ​တို့​သည်​အန္တိ အုတ်​မြို့​သို့​သွား​၍ လူ​မျိုး​ခြား​တို့​အား​လည်း သ​ခင်​ယေ​ရှု​၏​အ​ကြောင်း​သ​တင်း​ကောင်း ကို​ဟော​ပြော​ကြေ​ညာ​ကြ​၏။-

အခန်းကိုကြည့်ပါ။ ကော်ပီ

Garrad Bible

20 ပါ ရှိ သော ကု ပ ရု ကျွန်း သား နှင့် ကု ရေ နေ မြို့ သား အ ချို့ သည် အ န္တိ အုတ် မြို့ သို့ ရောက်၍ အ ရှင် ယေ ရှု၏ သ တင်း တော် မြတ် ကို ဂ ရိတ် လူ မျိုး တို့ အား လည်း ဟော ပြော ကြ ရာ၊

အခန်းကိုကြည့်ပါ။ ကော်ပီ

Judson Bible

20 နောက်​မှ ထို​သူ​အ​ချို့​တို့​သည် ကု​ပ​ရု​ပြည်​သား၊ ကု​ရေ​နေ​ပြည်​သား​ဖြစ်၍ အ​န္တိ​အုတ်​သို့​သွား​ပြီး​လျှင်၊ သ​ခင်​ယေ​ရှု၏ အ​ကြောင်း​တည်း​ဟူ​သော ဧ​ဝံ​ဂေ​လိ​တ​ရား​ကို ဟေ​လေ​နစ်​လူ​တို့​အား ဟော​ပြော​ကြ၏။-

အခန်းကိုကြည့်ပါ။ ကော်ပီ

မြန်​​​မာ့​​​စံ​​​မီ​​​သမ္မာ​​​ကျမ်း​​

20 သို့သော် ထို​သူ​တို့​တွင် ဆိုက်ပရပ်​ကျွန်း​နှင့်​ကုရေနေ​မြို့​မှ လူ​အချို့​တို့​ပါ​၍ သူ​တို့​သည် အန္တိအုတ်​မြို့​သို့​သွား​ပြီးလျှင် ဂရိ​စကား​ပြော​သော​သူ​တို့​နှင့်​စကားပြော​လျက် သခင်​ယေရှု​အကြောင်း​ကို ဟောပြော​ကြ​၏။

အခန်းကိုကြည့်ပါ။ ကော်ပီ




တမန်တော်ဝတ္ထု 11:20
28 ပူးပေါင်းရင်းမြစ်များ  

သူတို့​ထွက်သွားကြ​စဉ် လမ်း​တွင် ရှိမုန်​ဟု ခေါ်သော ကုရေနေမြို့သား​တစ်ဦး​ကို တွေ့​သဖြင့် သူ့​အား ယေရှု​၏ လက်ဝါးကပ်တိုင်​ကို အတင်းအကျပ်​ထမ်းစေကြ၏။


ဂျူးခေါင်းဆောင်များ​က “ငါတို့ မတွေ့​နိုင်အောင် သူ​သည် မည်သည့်​အရပ်​သို့ သွား​ရန် ကြံစည်​နေပါသနည်း။ ဂရိလူမျိုးများ​ကြားတွင် ပျံ့နှံ့​နေထိုင်​လျက်​ရှိသော ငါတို့​ဂျူးလူမျိုးများ​ထံသို့ သွား​၍ ဂရိလူမျိုးတို့​ကိုပင် သွန်သင်​ရန် ကြံစည်နေသလော။


သတေဖန်​သေဆုံး​ပြီးနောက် ဖြစ်ပေါ်လာသည့် ညှဉ်းပန်းနှိပ်စက်ခြင်း​ကြောင့် ကွဲလွင့်ပျံ့နှံ့သွားကြသော​သူများ​သည် ဖိုနီးရှားပြည်၊ ဆိုက်ပရပ်ကျွန်း​နှင့် ဆီးရီးယားပြည်​ရှိ​အန္တိအုတ်မြို့​ထိတိုင် ရောက်သွားကြ​ပြီး ဂျူးလူမျိုးတို့​ကိုသာ ဘုရားသခင်​၏​နှုတ်ကပတ်တရား​ကို ဟောပြောကြ၏။


ဂျေရုဆလင်မြို့​ရှိ အသင်းသားများ​သည် ဤ​သတင်း​ကို ကြား​သဖြင့် ဗာနဗ​ကို အန္တိအုတ်မြို့​တိုင်အောင် စေလွှတ်ကြ၏။


ရှောလု​ကို တွေ့​သောအခါ အန္တိအုတ်မြို့​သို့ ခေါ်ဆောင်လာ၏။ ထို​မြို့​၌ တစ်နှစ်ပတ်လုံး အသင်းတော်​နှင့်​တွေ့ဆုံစည်းဝေး​၍ လူ​များစွာ​ကို သွန်သင်ပေးလေ၏။ တပည့်တော်များ​သည် ခရစ်ယာန်​ဟု အန္တိအုတ်မြို့​တွင် ပထမဦးဆုံး​ခေါ်ဝေါ်ခြင်း ခံကြရ၏။


ထို​အချိန်​တွင် ပရောဖက်များ​သည် ဂျေရုဆလင်မြို့​မှ အန္တိအုတ်မြို့​သို့ ဆင်းလာကြ၏။


ဆီးရီးယားပြည် အန္တိအုတ်မြို့​ရှိ အသင်းတော်​တွင် ပရောဖက်များ​နှင့် ဆရာများ ရှိကြ၏။ ထို​သူတို့​မှာ ဗာနဗ၊ လူမည်း​ဟု ခေါ်သော​ရှိမောင်၊ ကုရေနေမြို့သား လုကိ၊ နယ်စား​ဟေရုဒ်​၏​ငယ်ပေါင်း မာနင်​နှင့် ရှောလု​တို့​ဖြစ်ကြ၏။


ထို​အတ္တလိမြို့​မှ​တစ်ဆင့် ရွက်လွှင့်​၍ အန္တိအုတ်မြို့​သို့ ပြန်သွားကြ၏။ ထို​အန္တိအုတ်မြို့​သည် ယခု​ဆောင်ရွက်​ပြီးစီးသွားသော​အမှု​အတွက် ဘုရားသခင်​၏​ကျေးဇူးတော်​၌ အပ်နှံခဲ့သော မြို့​ဖြစ်၏။


ထို့နောက် တမန်တော်များ၊ အသင်းတော်​အကြီးအကဲများ​နှင့် အသင်းတော်​တစ်ခုလုံး​သည် သူတို့​အထဲ​မှ လူများ​ကို​ရွေးချယ်​၍ ပေါလု၊ ဗာနဗ​တို့​နှင့်အတူ ဆီးရီးယားပြည်​ရှိ​အန္တိအုတ်မြို့​သို့ စေလွှတ်​ရန် ဆုံးဖြတ်ကြ၏။ ထို​သူတို့​မှာ ယုံကြည်သူများ​ထဲမှ ခေါင်းဆောင်​ဖြစ်သော​ဗာရှဗ​ခေါ် ယုဒ​နှင့် သိလ​တို့​ဖြစ်ကြ၏။


ထို​သူတို့​နှင့်အတူ ပေးလိုက်သော​စာ​တွင် သင်တို့​၏​ညီအစ်ကိုများ​ဖြစ်သည့် တမန်တော်များ​နှင့် အသင်းတော်​အကြီးအကဲများ​သည် အန္တိအုတ်မြို့၊ ဆီးရီးယားပြည်​နှင့် ဆီလီဆီးယားပြည်​ရှိ လူမျိုးခြား​ယုံကြည်သူများ​အား နှုတ်ခွန်းဆက်သလိုက်ပါ၏။


ဤသို့ဖြင့် သူတို့​ကို လွှတ်လိုက်​သောအခါ သူတို့​သည် အန္တိအုတ်မြို့​သို့ သွား​၍ ယုံကြည်သူတို့​ကို စုဝေးစေပြီး​လျှင် စာလွှာ​ကို ပေးအပ်ကြ၏။


ဧပိကုရု​၏​တပည့်များ​နှင့် သတောအိတ်​အတွေးခေါ်​ပညာရှင် တချို့​သည်လည်း သူ​နှင့်အတူ အချေအတင်​ငြင်းခုံဆွေးနွေးကြ၏။ တချို့​က “ဤ​စကားအိုး​သည် မည်သည့်အရာ​ကို ပြောလိုသနည်း” ဟု ပြောကြ၏။ အခြား​သူတို့​ကလည်း “သူ​သည် တိုင်းတစ်ပါး နတ်ဘုရားများ​အကြောင်း​ကို ပြောပြနေဟန်​ရှိ၏” ဟု ဆိုကြ၏။ ဤသို့​ပြောဆိုခြင်း​မှာ ပေါလု​သည် ယေရှု​အကြောင်း​နှင့် သေရာ​မှ​ပြန်ရှင်ခြင်း​အကြောင်းတို့​ကို ဟောပြောနေ​သောကြောင့်​ဖြစ်၏။


ဆီဇာရီးယားမြို့​သို့ ရောက်​သောအခါ ဂျေရုဆလင်မြို့​သို့​တက်​၍ အသင်းတော်​ကို​နှုတ်ဆက်ပြီး​လျှင် အန္တိအုတ်မြို့​သို့ ဆင်းသွား၏။


ဖြူဂိပြည်​နှင့် ပံဖုလိပြည်၊ အီဂျစ်ပြည်​နှင့် ကုရေနေမြို့​ပိုင်သော လိဗုပြည်​၏​နယ်မြေဒေသများ​မှ လာကြသူများ၊ ရောမမြို့​မှ ခရီးသွားများ၊ ဂျူးလူမျိုး​နှင့် ဂျူးဘာသာဝင်​ဖြစ်လာသူများ၊


ထို​သူတို့​တွင် ယောသပ်​အမည်​ရှိ​သူ​တစ်ယောက် ရှိ၏။ တမန်တော်များ​က သူ့​အား ဗာနဗ​ဟု ခေါ်ကြ၏။ ထို​အမည်​မှာ “နှစ်သိမ့်ခြင်း​၏​သား” ဟူ၍ အဓိပ္ပာယ်​ရ၏။ ထို​သူ​သည် လေဝိ​မျိုးနွယ်​တစ်ဦး​ဖြစ်၍ ဆိုက်ပရပ်ကျွန်းသား​လည်း​ဖြစ်၏။


ထို့နောက် ယေရှု​သည် ခရစ်တော်​ဖြစ်သည်​ဟူသော သတင်းကောင်း​ကို ဗိမာန်တော်​၌​လည်းကောင်း၊ အိမ်များ​၌​လည်းကောင်း နေ့စဉ်​မရပ်မနား ဟောပြော​သွန်သင်ကြ၏။


ထို​နေ့ရက်များ​၌ ယုံကြည်သူများ​အရေအတွက်​တိုးလာ၏။ ထိုအခါ ဂရိစကား​ပြောသော​ဂျူးတို့​က မိမိတို့​၏​မုဆိုးမများ​သည် နေ့စဉ်​ဝေသော​အစားအစာများ​ကို မရကြောင်း ဟေဗြဲ​စကားပြောသော​ဂျူးတို့​အား အပြစ်တင်ကြ၏။


တမန်တော်တို့​ပြောသော​အရာများ​ကို ယုံကြည်သူများ​အားလုံး​သည် နှစ်သက်ကြ​လျက် ယုံကြည်ခြင်း​နှင့်​လည်းကောင်း၊ သန့်ရှင်းသော​ဝိညာဉ်တော်​နှင့်​လည်းကောင်း ပြည့်စုံသော​သတေဖန်​နှင့်တကွ ဖိလိပ္ပု၊ ပြောခေါ်၊ နိကနော်၊ တိမုန်၊ ပါမေန​နှင့် ဂျူးဘာသာဝင်​ဖြစ်လာသူ အန္တိအုတ်မြို့သား​နိကောလ​တို့​ကို ရွေးချယ်ကြ၏။


ထို့နောက် “လိဗေရတိန်” ဟု ခေါ်သော ဂျူးဝတ်ပြုဆောင်​မှ လူ​တချို့​သည် သတေဖန်​နှင့်​ငြင်းခုံပြောဆိုကြ၏။ ထို​သူတို့​မှာ ကုရေနေမြို့သားများ၊ အလက်ဇန်းဒါးမြို့သားများ​မှစ၍ ဆီလီဆီးယားပြည်​နှင့် အာရှပြည်​တို့​မှ လာသော​သူများ​ဖြစ်ကြ၏။


ထိုအခါ ဖိလိပ္ပု​က ထို​ကျမ်းချက်​ကို အခြေခံ​၍ ယေရှု​အကြောင်း​ကို စတင်​ဟောပြောလေ၏။


ဖိလိပ္ပု​သည် ရှမာရိပြည်​၏​မြို့တော်​သို့ ဆင်းသွား​၍ ခရစ်တော်​အကြောင်း​ကို သူတို့​အား ဟောပြောလေ၏။


ထို့နောက် ချက်ချင်း​ပင် ရှောလု​က “ယေရှု​သည် ဘုရား​သားတော်​ဖြစ်ပေသည်” ဟူ၍ ဂျူးဝတ်ပြုဆောင်များ​တွင် ဟောပြောလေ၏။


သူ​သည် ဂရိစကား​ပြောသော​ဂျူး​တို့​နှင့် အချေအတင်​ပြောဆို​ဆွေးနွေးလေ၏။ သို့သော် သူတို့​က ရှောလု​ကို သတ်​ရန် ကြိုးပမ်းကြ၏။


အဘယ်ကြောင့်ဆိုသော် ကျွန်ုပ်​သည် သင်တို့​နှင့်အတူ ရှိစဉ် လက်ဝါးကပ်တိုင်​တွင် အသေခံတော်မူခဲ့သော ယေရှု​ခရစ်တော်​၏​အကြောင်း​မှလွဲ၍ အခြား​မည့်သည့်​အရာ​ကိုမျှ မသိ​သကဲ့သို့​နေရန် ဆုံးဖြတ်ထား​သောကြောင့်​ဖြစ်၏။


အန္တိအုတ်မြို့​သို့ ပေတရု​ရောက်လာ​သောအခါ သူ​၏ လုပ်ရပ်​သည် အလွန်​မှားယွင်း​သောကြောင့် ကျွန်ုပ်​သည် သူ့​ကို မျက်နှာချင်းဆိုင်​၍ ဆုံးမခဲ့၏။


ကျွန်ုပ်​သည် ယုံကြည်သူများ​ထဲတွင် အသေးနုပ်ဆုံးသောသူ ဖြစ်​သော်လည်း ဘုရားသခင် ပေးသနားတော်မူသော ကျေးဇူးတော်​ကို ခံစားရ၏။ ဤသို့ ခံစားရခြင်း​သည် လူမျိုးခြားတို့​ကို ခရစ်တော်​၏ အကန့်အသတ်မဲ့ ကြွယ်ဝခြင်း​အကြောင်း ဟောပြော​ရန်​နှင့်


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ