ဂ​လာ​တိ 6:2 - ခေတ်သစ်​မြန်မာ သမ္မာကျမ်း

² အချင်းချင်းတို့​၏ ဝန်ထုပ်ဝန်ပိုးများ​ကို ကူညီ​ထမ်းရွက်ကြလော့။ ဤသို့​ပြုခြင်း​အားဖြင့် သင်တို့​သည် ခရစ်တော်​၏ တရားတော်​ကို လိုက်နာ​လိမ့်မည်။

Common Language Bible

² အ​ချင်း​ချင်း​၏​ဝန်​များ​ကို​ကူ​ညီ​ထမ်း​ရွက် သော​အား​ဖြင့် ခ​ရစ်​တော်​၏​တ​ရား​တော်​ကို ကျင့်​ကြ​လော့။-

Garrad Bible

² တ ယောက် ဝန် ကို တ ယောက် ထမ်း ဆောင် သ ဖြင့် ခ ရစ် တော်၏ တ ရား တော် ကို ပြည့် စုံ စေ က ရ လော့။

Judson Bible

² ထမ်း​ရွက်​စ​ရာ​ဝန်​ချင်း​တို့​ကို အ​ချင်း​ချင်း​ကူ​ညီ၍ ထမ်း​ရွက်​သော​အား​ဖြင့် ခ​ရစ်​တော်၏​တ​ရား​ကို ကျင့်​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² အချင်းချင်း​၏​ဝန်ထုပ်ဝန်ပိုး​များ​ကို ကူညီ​ထမ်းရွက်​ပေး​ကြ​လော့။ ထိုသို့​ပြု​ခြင်း​အားဖြင့် သင်​တို့​သည် ခရစ်တော်​၏​တရား​တော်​ကို ပြည့်စုံ​စေ​ကြ​လိမ့်မည်။

ဂ​လာ​တိ 6:2 ပူးပေါင်းရင်းမြစ်များ

မဿဲ 8:17

ဤ​အရာ​သည် ပရောဖက်​ဟေရှာယ​အားဖြင့် မိန့်တော်မူသော ဘုရားသခင်​၏​စကားတော်​အတိုင်း ဖြစ်ပျက်လာ​ရန်​ပင် ဖြစ်၏။ ထို​ဟောပြောချက်​မှာ “ကိုယ်တော်​သည် ကျွန်ုပ်တို့​၏ ဖျားနာခြင်း​နှင့် ရောဂါဝေဒနာများ​ကို ယူဆောင်သွားတော်မူ၏” ဟူ၍ ဖြစ်၏။

လုကာ 11:46

ယေရှု​က “ကျမ်းတတ်​ပညာရှင်​တို့… သင်တို့​သည် အမင်္ဂလာ​ရှိကြ၏။ အဘယ်ကြောင့်ဆိုသော် သင်တို့​သည် ထမ်းရခက်သော​ဝန်ထုပ်များ​ကို လူတို့​အား ထမ်းစေကြ​သော်လည်း ကိုယ်တိုင်​ကမူ ထို​အရာတို့​ကို လက်ဖျား​နှင့်မျှ မတို့ကြ​သောကြောင့်​ဖြစ်၏။

ရှင်ယောဟန် 13:34

ထို့ကြောင့် ‘သင်တို့​သည် အချင်းချင်း​ချစ်ကြလော့။ ငါ​သည် သင်တို့​ကို ချစ်သည့်​နည်းတူ သင်တို့​သည်လည်း အချင်းချင်း​ချစ်ကြလော့’ ဟူသော ပညတ်​အသစ်​ကို သင်တို့​အား ငါ​ပေး၏။

ရှင်ယောဟန် 15:12

ငါ့​ပညတ်​မှာ ငါ​သည် သင်တို့​ကို ချစ်​သကဲ့သို့ သင်တို့​သည် အချင်းချင်း​ချစ်ကြလော့။

ရော​မ 15:1

ယုံကြည်ခြင်း​အားကြီးသော ကျွန်ုပ်တို့​သည် မိမိတို့​စိတ်ကြိုက်​မပြုမူဘဲ အားနည်းသော​သူတို့​၏ အားနည်းချက်များ​ကို ထောက်ထား​ညှာတာ​ရမည်။

ရော​မ 8:2

အဘယ်ကြောင့်ဆိုသော် အသက်​ပေးပိုင်တော်မူသော ဝိညာဉ်တော်​၏ တရား​သည် ယေရှု​ခရစ်တော်​အားဖြင့် သင့်​ကို အပြစ်တရား​နှင့် သေခြင်းတရား​၏ လက်​မှ လွတ်မြောက်စေ​သောကြောင့် ဖြစ်၏။

၁ ကော 9:21

ဂျူးလူမျိုးတို့​၏​ပညတ်တရား​ကို မကျင့်သုံးသော လူမျိုးခြားတို့​နှင့်အတူ​ရှိစဉ်က ထို​သူတို့​ကို ကယ်တင်​နိုင်ရန် ပညတ်တရား​ကို မကျင့်သုံးသောသူ​ကဲ့သို့ နေထိုင်၏။ သို့ရာတွင် ဘုရားသခင်​၏ ပညတ်တရား​ကို လျစ်လျူ​မရှု၊ ခရစ်တော်​၏ ပညတ်တရား​ကို နာခံ​ကျင့်သုံး၏။

၁ သက် 5:14

ထို့ပြင် ညီအစ်ကို​မောင်နှမတို့… ပျင်းရိသူများ​ကို သတိပေး​ဆုံးမကြလော့။ စိတ်ပျက်​အားလျော့သူများ​ကို အားပေးကြလော့။ အားနည်းသူများ​ကို ကူညီကြလော့။ လူ​တိုင်း​အပေါ်​တွင် စိတ်ရှည်​ကြလော့။

ယာ​ကုပ် 1:25

သို့သော် လွတ်လပ်ခြင်း​သို့ ရောက်စေသည့် ပြီးပြည့်စုံသော တရားတော်​ကို ဆက်လက်​၍ ဂရုတစိုက် ကြည့်ရှုသူ​သည် ကြားနာရသည်​ကို မမေ့လျော့ဘဲ လိုက်နာ​ကျင့်သုံးသောသူ​ဖြစ်လျှင် ထိုသို့​ပြု​သောကြောင့် ဘုရားသခင်​သည် ထို​သူ​ကို ကောင်းချီးပေးတော်မူ​လိမ့်မည်။

ယာ​ကုပ် 2:12

ထို့ကြောင့် သင်တို့​အား လွတ်မြောက်စေမည့် ပညတ်တရား​အားဖြင့် စီရင်ခံရမည့်​သူများ​ကဲ့သို့ ပြောဆို​ပြုမူကြလော့။

ယာ​ကုပ် 2:8

ကျမ်းစာ​တွင် ပါသည့် “ကိုယ်​နှင့်​သက်ဆိုင်သော​သူ​ကို ကိုယ်​နှင့်​အမျှ ချစ်လော့” ဟူသော ရွှေ​ပညတ်တော်​ကို အမှန်တကယ် လိုက်နာ​ကျင့်သုံးနိုင်​လျှင် သင်တို့​သည် မှန်ကန်​စွာ ပြု၏။

၁ ပေ 2:24

ကျွန်ုပ်တို့​သည် အပြစ်​မကျူးလွန်တော့ဘဲ ဖြောင့်မတ်​စွာ ပြုမူနေထိုင်​နိုင်ရန် ကိုယ်တော်​သည် သစ်တိုင်​ပေါ်၌ အသေခံခြင်း​အားဖြင့် ကိုယ်ခန္ဓာတော်​၌ ကျွန်ုပ်တို့​၏​အပြစ်များ​အတွက် ပြစ်ဒဏ်​ခံတော်မူ၏။ ကိုယ်တော်​၏​ဒဏ်ရာဒဏ်ချက်များ​ကြောင့် သင်တို့​သည် အနာ​ပျောက်ကင်းကြ၏။

၂ ပေ 2:21

ဖြောင့်မတ်ခြင်းတရား လမ်း​ကို သိ​ပြီးနောက် မိမိတို့​အား ပေးအပ်ထားသည့် သန့်ရှင်းသော​ပညတ်တော်​ကို စွန့်ပစ်သည်​ထက် ထို​တရား​လမ်း​ကို မသိခဲ့ခြင်း​က သူတို့​အတွက် ပို​၍​ကောင်း၏။

၂ ပေ 3:2

သန့်ရှင်းသော​ပရောဖက်များ ယခင်​က ဟောပြောခဲ့သော​စကားများ​နှင့် သင်တို့​၏ တမန်တော်များ​အားဖြင့် ကျွန်ုပ်တို့​၏​သခင်​နှင့် ကယ်တင်ရှင် ဖြစ်တော်မူသော​အရှင်​၏ ပညတ်တော်တို့​ကို သင်တို့​အား သတိရ​စေလို၏။

၁ ယော 4:21

“ဘုရားသခင်​ကို ချစ်သော​သူ​သည် ညီအစ်ကို​မောင်နှမ​ကိုလည်း ချစ်ရမည်” ဟူသည့် ပညတ်တော်​ကို ကိုယ်တော်​သည် ကျွန်ုပ်တို့​အား ပေးတော်မူ၏။