Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ဂ​လာ​တိ 4:5 - ခေတ်သစ်​မြန်မာ သမ္မာကျမ်း

5 ဤသည်​မှာ ပညတ်တရား​၏ လက်အောက်ခံ​ဖြစ်သော ကျွန်ုပ်တို့​ကို လွတ်မြောက်စေတော်မူ​၍ ကျွန်ုပ်တို့​အား သားသမီး​ဖြစ်ခွင့်​ကို ရရှိ​စေရန်​ဖြစ်၏။

အခန်းကိုကြည့်ပါ။ ကော်ပီ

Judson Bible

5 ပ​ညတ်​တ​ရား​လက်၌​ရှိ​သော ငါ​တို့​ကို ရွေး​နုတ်​စေ​ခြင်း​ငှာ၊ မိန်း​မ​ဝမ်း၌ ပ​ဋိ​သ​န္ဓေ​ယူ၍ ပ​ညတ်​တ​ရား​အောက်၌ ဖွား​မြင်​ရ​သော သား​တော်​ကို ဘု​ရား​သ​ခင်​သည် စေ​လွှတ်​တော်​မူ၏။-

အခန်းကိုကြည့်ပါ။ ကော်ပီ

မြန်​​​မာ့​​​စံ​​​မီ​​​သမ္မာ​​​ကျမ်း​​

5 ဤသည်ကား ပညတ်​တရား​အောက်၌​ရှိ​သော​သူ​တို့​ကို ရွေးနုတ်​တော်မူ​သဖြင့် ငါ​တို့​သည် သားသမီး​အရာ​ကို​ရရှိ​ကြ​ရန်​ဖြစ်​၏။

အခန်းကိုကြည့်ပါ။ ကော်ပီ




ဂ​လာ​တိ 4:5
26 ပူးပေါင်းရင်းမြစ်များ  

လူသား​ပင်လျှင် သူတစ်ပါး​ကို​စေခိုင်း​ရန် ကြွလာသည်​မဟုတ်။ သူတစ်ပါး​အား အစေခံ​ရန်​နှင့် မိမိ​အသက်​ကို စွန့်​၍ လူများ​အား ရွေးနုတ်​ရန် ကြွလာသည်” ဟု မိန့်တော်မူ၏။


“အစ္စရေးလူမျိုး​၏​ဘုရားသခင် ထာဝရဘုရား​ကို ချီးမွမ်းကြပါစေသော။ အဘယ်ကြောင့်ဆိုသော် ကိုယ်တော်​သည် မိမိ​လူမျိုး​ထံသို့​ကြွလာတော်မူ​၍ ရွေးနုတ်ကယ်တင်တော်မူခဲ့​သောကြောင့် ဖြစ်၏။


သို့ရာတွင် ထို​အရှင်​သည် မိမိ​ကို​ယုံကြည်​၍ လက်ခံ​သမျှသော​သူတို့​ကို ဘုရားသခင်​၏ သားသမီးများ​ဖြစ်ခွင့် ပေးတော်မူ၏။


ထို့ကြောင့် သင်တို့​သည် မိမိကိုယ်ကိုယ်​လည်းကောင်း၊ သိုးစု​အားလုံး​ကို​လည်းကောင်း ကြည့်ရှုပြုစုကြလော့။ သားတော်​၏​အသွေးတော်​နှင့် ရွေးဝယ်ထားသော​ဘုရားသခင်​၏​အသင်းတော်​ကို ထိန်းသိမ်းစောင့်ရှောက်​ရန် ထို​သိုးစုများ​ကို ကြည့်ရှုပြုစုသူများ​အဖြစ် သန့်ရှင်းသော​ဝိညာဉ်တော်​သည် သင်တို့​အား ခန့်ထားတော်မူ၏။


ခရစ်တော်​သည် ပညတ်တရား​ကို အဆုံးသတ်​စေတော်မူပြီ​ဖြစ်​သောကြောင့် ယုံကြည်သော​သူတို့​သည် ဖြောင့်မတ်သည်​ဟု သတ်မှတ်ခြင်း​ခံရကြ၏။


ဘုရားသခင်​၏ ဝိညာဉ်တော် ဦးဆောင်​လမ်းပြမှု​ကို ခံယူသောသူတို့​သည် ဘုရားသခင်​၏ သားသမီးများ ဖြစ်ကြ၏။


အဘယ်ကြောင့်ဆိုသော် သင်တို့​သည် ကြောက်ရွံ့တတ်သော ကျွန်​၏​သဘော​ကို ပြန်​၍ ရရှိကြသည် မဟုတ်။ သားသမီး​ဖြစ်ခွင့် ပေးသော ဘုရားသခင်​၏ ဝိညာဉ်တော်​ကို ရရှိကြခြင်း ဖြစ်၏။ ထို့ကြောင့် ကျွန်ုပ်တို့​သည် ဘုရားသခင်​အား “အဗ္ဗ၊ အဖ” ဟု ခေါ်ကြ၏။


ဘုရားသခင်​၏ သားသမီးများ​မှာ မည်သူတို့​ဖြစ်ကြောင်း ဖော်ပြတော်မူမည့်​နေ့ရက်​ကို ဖန်ဆင်းခံ​လောက​သည် အလွန်​တောင့်တ​မျှော်လင့်​လျက် ရှိ၏။


ဖန်ဆင်းခံ​လောက​သာ ညည်းတွား​နေသည်​မဟုတ်။ ဘုရားသခင်​၏ အဦးဆုံး​ဆုကျေးဇူး​ဖြစ်သည့် ဝိညာဉ်တော်​ကို ရရှိသော ကျွန်ုပ်တို့​သည်လည်း ခန္ဓာ​ရွေးနုတ်ခြင်း​ဟူသော သားသမီး​ဖြစ်ခွင့်​ကို စောင့်မျှော်​၍ ညည်းတွား​နေကြ၏။


သူတို့​သည် ဘုရားသခင်​၏ သားသမီး​အဖြစ် ရွေးချယ်ခြင်း​ခံရသော အစ္စရေးလူမျိုးများ ဖြစ်ကြ၏။ ဘုရားသခင်​သည် မိမိ​၏​ဘုန်းအသရေတော်​ကို သူတို့​အား ဖော်ပြတော်မူ၏။ သူတို့​နှင့် ပဋိညာဉ်များ​ဖွဲ့​၍ ပညတ်တရား​ကိုလည်း ပေးတော်မူ၏။ ကိုးကွယ်​ရမည့်​နည်း​နှင့် မိမိ​၏​ကတိတော်များ​ကို သူတို့​အား ပေးတော်မူ၏။


“သစ်တိုင်​ပေါ်တွင် ဆွဲထားခြင်း​ခံရသောသူ​တိုင်း ကျိန်စာသင့်သူ​ဖြစ်၏” ဟု ကျမ်းစာ​၌ ရေးသားထားသည့်​အတိုင်း ခရစ်တော်​သည် ကျွန်ုပ်တို့​ကိုယ်စား ကျိန်စာသင့်သူ​အဖြစ် ခံယူတော်မူပြီး ကျွန်ုပ်တို့​ကို ပညတ်တရား​၏ ကျိန်စာသင့်ခြင်း​ထဲမှ လွတ်မြောက်စေတော်မူ၏။


သင်တို့​အားလုံး​သည် ယေရှု​ခရစ်တော်​ကို ယုံကြည်ကြ​သောကြောင့် ဘုရားသခင်​၏ သားသမီးများ ဖြစ်ကြ၏။


ပညတ်တရား​လက်အောက်​၌ နေလိုသော​သူတို့… ကျွန်ုပ်​မေးပါမည်။ ပညတ်တရား​၌ မည်သို့​ဆိုထားသည်​ကို နားမလည်ကြသလော။


သို့ဖြစ်၍ သင်တို့​သည် ကျွန်​မဟုတ်တော့ဘဲ သား​ဖြစ်ကြပြီ။ သား​ဖြစ်​သောကြောင့် ဘုရားသခင်​သည် သင်တို့​အား အမွေခံ​ဖြစ်စေတော်မူ၏။


ယေရှု​ခရစ်တော်​အားဖြင့် မိမိ​၏​သားသမီး​အဖြစ် ကြိုတင်​သတ်မှတ်တော်မူ၏။ ဤ​အရာ​သည် ဘုရားသခင် နှစ်သက်တော်မူသော​အရာ​နှင့် အလိုရှိတော်မူသော​အရာ​ပင် ဖြစ်၏။


ဘုရားသခင်​၏ ကျေးဇူးတော် ကြွယ်ဝလှ​သဖြင့် ကျွန်ုပ်တို့​သည် သားတော်​နှင့် သားတော်​၏ အသွေးတော်​အားဖြင့် ရွေးနုတ်ခံကြရ၏။ ထို​ရွေးနုတ်ခြင်း​သည် အပြစ်​ခွင့်လွှတ်ခြင်း​ပင် ဖြစ်၏။


ခရစ်တော်​သည် ကျွန်ုပ်တို့​ကို ချစ်တော်မူ​၍ ကျွန်ုပ်တို့​အတွက် မိမိကိုယ်ကိုယ် မွှေးကြိုင်သော​ပူဇော်စရာ​ယဇ်​အဖြစ် ဘုရားသခင်​ထံ ဆက်သတော်မူ​သကဲ့သို့ သင်တို့​သည်လည်း မေတ္တာ​ပွား​လျက် ပြုမူနေထိုင်ကြလော့။


သခင်​ယေရှု​သည် ကျွန်ုပ်တို့​အား ဒုစရိုက်​အမျိုးမျိုး​မှ ရွေးနုတ်​ရန်​နှင့် ကျွန်ုပ်တို့​အား မိမိ​အတွက် စင်ကြယ်​စေရန် မိမိ​အသက်​ကို ပေးတော်မူ၏။ ဤ​သည်မှာ ကျွန်ုပ်တို့​သည် ကိုယ်တော်​၏ လူများ​ဖြစ်လာ​၍ ကောင်းမှု​ပြုရာ​တွင် စိတ်အား​ထက်သန်ကြ​ရန် ဖြစ်၏။


သားတော်​သည် ဘုရားသခင်​၏ ဘုန်းရောင်ခြည်​နှင့် ထွန်းတောက်​လျက်​ရှိပြီး ဘုရားသခင်​၏ စစ်မှန်သည့် စရိုက်​လက္ခဏာ​ကို ထင်ရှားစေတော်မူ၏။ ကိုယ်တော်​သည် မိမိ​၏​တန်ခိုးကြီးသော အမိန့်တော်​ဖြင့် အရာ​အားလုံး​ကို တည်တံ့​စေတော်မူ​ကာ လောကီသားတို့​၏ အပြစ်များ​ကို ဖယ်ရှား​ပြီးနောက် အထက်​ကောင်းကင်ဘုံ​၌ ဘုန်းကြီးသော​တန်ခိုးရှင်​၏ လက်ယာတော်​ဘက်​၌ ထိုင်တော်မူ၏။


ထို​အသန့်ရှင်းဆုံး​ဌာနတော်​သို့ ဝင်ရာ​တွင် ကိုယ်တော်​သည် ဆိတ်​နှင့် နွားသငယ်တို့​၏ အသွေး​ဖြင့် မဟုတ်ဘဲ မိမိ​ကိုယ်တိုင်​၏ အသွေးတော်​ဖြင့် တစ်ကြိမ်တည်း​နှင့် အပြီး​ပူဇော်​၍ ကျွန်ုပ်တို့​အား ထာဝရ​ရွေးနုတ်ခြင်း​အကျိုး​ကို ခံစားစေခဲ့၏။


ဤသို့ဖြင့် ရွေးချယ်ခြင်း​ခံရသူများ​သည် ဘုရားသခင် ကတိပြုတော်မူသော ထာဝရ​အမွေကို ရရှိ​နိုင်ရန် ခရစ်တော်​သည် ပဋိညာဉ်သစ်​၏ ကြားဝင်​စေ့စပ်သူ​ဖြစ်တော်မူ၏။ အကြောင်း​မှာ ခရစ်တော်​သည် ထို​ပထမ​ပဋိညာဉ်​အောက်​တွင် လူတို့​ကျူးလွန်ခဲ့သော အပြစ်များ​ကို လွတ်မြောက်​စေရန် အသေခံတော်မူခဲ့​သောကြောင့်​ဖြစ်၏။


အဘယ်ကြောင့်ဆိုသော် ခရစ်တော်​သည်လည်း အပြစ်​အတွက် တစ်ကြိမ်တည်း​နှင့်​အပြီး အသေ​ခံတော်မူ​သောကြောင့်​ဖြစ်၏။ သင်တို့​ကို ဘုရားသခင်​ထံ ပို့ဆောင်​ရန် ဖြောင့်မတ်သော​အရှင်​သည် မဖြောင့်မတ်သောသူတို့​ကိုယ်စား အသေခံတော်မူ၏။ ထိုသို့ ခန္ဓာ​အားဖြင့် သေ​သော်လည်း ဝိညာဉ်​အားဖြင့် ပြန်ရှင်တော်မူ၏။


ထို​တစ်သိန်း​လေးသောင်း​လေးထောင်သောသူတို့​သည် ဘုရားသခင်​၏ ရာဇပလ္လင်တော်၊ သတ္တဝါလေးပါး​နှင့် အကြီးအကဲတို့​ရှေ့​၌ သီချင်း​သစ်​ကို သီဆိုကြ၏။ ကမ္ဘာ​မြေကြီး​ပေါ်မှ ရွေးနုတ်​ကယ်တင်​ခံရသူ တစ်သိန်း​လေးသောင်း​လေးထောင်​မှလွဲ​၍ ထို​သီချင်း​ကို မည်သူ​မျှ မသီဆိုနိုင်။


သူတို့​သည် သီချင်းသစ်​တစ်ပုဒ်​ကို သီဆိုကြ၏။ ထို​သီချင်း​မှာ “ကိုယ်တော်​သည် စာလိပ်​ကို​ယူ​၍ တံဆိပ်​ကို​ခွာ​၍ ဖွင့်​ရန် ထိုက်တန်သော​အရှင်​ဖြစ်၏။ အဘယ်ကြောင့်ဆိုသော် ကိုယ်တော်​သည် အသေ​သတ်ခံရ​၍ မျိုးနွယ်စု​အသီးသီး၊ ဘာသာစကား​အသီးသီး​ပြောသည့်​သူများ၊ လူမျိုး​အသီးသီး​နှင့် တိုင်းနိုင်ငံ​အသီးသီးတို့​ကို ကိုယ်တော်​၏​အသွေးတော်​ဖြင့် ဘုရားသခင်​အတွက် ရွေးနုတ်​ကယ်တင်​သောကြောင့်​ဖြစ်၏။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ