ဂ​လာ​တိ 2:18 - ခေတ်သစ်​မြန်မာ သမ္မာကျမ်း

¹⁸ ဘုရားသခင်​ရှေ့တော်​၌ ဖြောင့်မတ်သည်ဟု သတ်မှတ်ခံရ​ရန်အတွက် ပညတ်တရား​ကို ပြန်၍​နာခံသည်​မှာ မိမိ​ဖျက်ဆီးခဲ့သော​အရာ​ကို ပြန်လည်​တည်ဆောက်ခြင်း​ဖြစ်ပြီး မိမိကိုယ်ကိုယ် ပညတ်တရား​ချိုးဖောက်သူ​ဖြစ်ကြောင်း ဖော်ပြရာ​ရောက်​လိမ့်မည်။

Common Language Bible

¹⁸ အ​ကယ်​၍​မိ​မိ​ဖြို​ဖျက်​ခဲ့​သော​အ​ရာ​ကို ပြန်​လည်​တည်​ဆောက်​မည်​ဆို​ပါ​က ငါ​သည် ပညတ်​တ​ရား​ကို​ချိုး​ဖောက်​သူ​ဖြစ်​ကြောင်း ဖော်​ပြ​ရာ​ရောက်​ပေ​သည်။-

Garrad Bible

¹⁸ ငါ ဖြို ဖျက် ပြီး သော တ ရား ကို ငါ တည် ဆောက် ပြန် လျင် မူ ကား အ ပြစ် ကျူး လွန် သူ ငါ ဖြစ် ကြောင်း ထင် ရှား ခဲ့ လေ ပြီ။

Judson Bible

¹⁸ ထို​သို့​မ​ဖြစ်​နိုင်​ရာ။ အ​ထက်​က ငါ​ဖြို​ဖျက်​သော အ​ရာ​ကို နောက်​တစ်​ဖန် ငါ​တည်​ဆောက်​ပြန်​လျှင်၊ ကိုယ်​အ​ပြစ်​ရှိ​သည်​ကို ကိုယ်ထင်​ရှား​စွာ​ပြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ အကြောင်းမူကား ငါ​သည် မိမိ​ဖြိုဖျက်​ခဲ့​သော ထို​အရာ​များ​ကို ပြန်လည်​တည်ဆောက်​လျှင် ကိုယ့်ကိုယ်ကိုယ် ပညတ်​တရား​ဖောက်ဖျက်​ကျူးလွန်​သူ​ဖြစ်​ကြောင်း ထင်ရှား​စေ​ရာ​ရောက်​၏။

ဂ​လာ​တိ 2:18 ပူးပေါင်းရင်းမြစ်များ

ရော​မ 14:15

အခြား​ယုံကြည်သောသူ​တစ်ယောက်​သည် သင်​စားသော​အစာ​ကြောင့် စိတ်အနှောင့်အယှက်​ဖြစ်​လျှင် သင်​သည် မေတ္တာတရား​ဖြင့် အသက်ရှင်​နေထိုင်ရာ မကျတော့ပေ။ ထို​သူ​အတွက် ခရစ်တော်​အသေခံ​ပေးတော်မူခဲ့သည်​ဖြစ်ရာ သင်​စားသော​အစားအစာ​ကြောင့် သူ့​ကို မပျက်စီးစေနှင့်။

ရော​မ 2:25

ဘုရားသခင်​၏ ပညတ်တရား​ကို သင်​လိုက်နာကျင့်သုံး​လျှင် ဂျူးဓလေ့ထုံးတမ်း​ဖြစ်သော အရေပြားလှီးခြင်း​မင်္ဂလာ​သည် အကျိုး​ရှိ၏။ သို့သော် ပညတ်တရား​ကို ချိုးဖောက်​ပါက သင်​၏ အရေပြား​လှီးခြင်း​သည် အရေပြား​မလှီး​သကဲ့သို့​ပင်​ဖြစ်၏။

ရော​မ 3:5

သို့သော်လည်း ကျွန်ုပ်တို့​၏ မတရားမှု​သည် ဘုရားသခင်​၏ ဖြောင့်မတ်ခြင်း​ကို ပေါ်လွင်​ထင်ရှားစေ​လျှင် မည်သို့​ဆိုမည်နည်း။ ကျွန်ုပ်တို့​အပေါ် အမျက်တော်​ကျရောက်စေတော်မူသော ဘုရားသခင်​သည် မဖြောင့်မတ်သော​အရှင်​ဖြစ်သလော။ ဤ​အရာ​ကို လူသား​တစ်ယောက်​အနေဖြင့် ကျွန်ုပ်​ပြောဆိုခြင်း​ဖြစ်၏။

ဂ​လာ​တိ 2:21

ကျွန်ုပ်​သည် ဘုရားသခင်​၏ ကျေးဇူးတော်​ကို မပစ်ပယ်။ လူ​သည် ပညတ်တရား​ကို လိုက်နာခြင်း​အားဖြင့် ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်​ခံရ​လျှင် ခရစ်တော်​၏ အသေခံတော်မူခြင်း​သည် အချည်းနှီး​ဖြစ်၏။

ဂ​လာ​တိ 5:11

ညီအစ်ကို​မောင်နှမတို့… အရေပြားလှီးခြင်း​မင်္ဂလာ​တရား လိုအပ်ကြောင်း​ကို ကျွန်ုပ်​ဟောပြောနေ​သေး​လျှင် အဘယ်ကြောင့် ညှဉ်းဆဲခံနေရ​သေးသနည်း။ ထိုသို့ ဟောပြောသည်​မှန်​လျှင် ကျွန်ုပ်​ဟောပြောသည့် လက်ဝါးကပ်တိုင်​၌ ခရစ်တော်​အသေခံခြင်း​အကြောင်း​သည် အနှောင့်အယှက် ဖြစ်တော့မည်​မဟုတ်ပေ။