ဂ​လာ​တိ 1:16 - ခေတ်သစ်​မြန်မာ သမ္မာကျမ်း

¹⁶ ထို့နောက် သားတော်​၏ သတင်းကောင်း​ကို လူမျိုးခြားတို့​ထံ ဟောပြော​နိုင်ရန် အလိုတော်​နှင့်​အညီ ကျွန်ုပ်​ကို သားတော်​နှင့် သိကျွမ်းစေတော်မူ၏။ ထိုအခါ ကျွန်ုပ်​သည် မည်သူ့​ထံက​မျှ အကြံဉာဏ်​မတောင်းခဲ့။

Judson Bible

¹⁶ သား​တော်၏ ဧ​ဝံ​ဂေ​လိ​တ​ရား​ကို တစ်​ပါး​အ​မျိုး​သား​တို့၌ ဟော​ပြော​စေ​မည်​အ​ကြောင်း၊ မိ​မိ​အ​လို​တော် နှင့်​အ​ညီ သား​တော်​ကို ငါ့​အား ပြ​တော်​မူ​သော​အ​ခါ၊ ငါ​သည်​အ​သွေး​အ​သား​နှင့် တိုင်​ပင်​ခြင်း​ကို​မ​ပြု။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ မိမိ​၏​သား​တော်​အကြောင်း​ကို လူမျိုးခြား​တို့​တွင်​ဟောပြော​စေရန်​အတွက် ထို​သား​တော်​ကို ငါ့​အား​ဖော်ပြ​ရန် အလိုရှိ​တော်မူ​သောအခါ ငါ​သည် အသွေး​အသား​နှင့်​တိုင်ပင်​ခြင်း​ကို​မ​ပြု။

ဂ​လာ​တိ 1:16 ပူးပေါင်းရင်းမြစ်များ

မဿဲ 16:17

ယေရှု​က “ယောန​၏​သား​ရှိမုန်… သင်​သည်​မင်္ဂလာရှိ၏။ သင်သည် ဤ​အရာ​ကို လူ့​အနေဖြင့်​သိသည်​မဟုတ်။ ကောင်းကင်ဘုံ​၌​ရှိတော်မူသော ငါ​၏ ခမည်းတော်​က ဖော်ပြတော်မူ​၍ သိခြင်း​ဖြစ်၏။

မဿဲ 26:41

ဖြားယောင်း​သွေးဆောင်ခြင်း​ထဲသို့ လိုက်ပါမသွား​စေရန် သတိ​နှင့် စောင့်နေ​လျက် ဆုတောင်းကြလော့။ စိတ်ဝိညာဉ်​သည် ဆန္ဒရှိ​သော်လည်း ကိုယ်ခန္ဓာ​မှာမူ အားနည်း၏” ဟု မိန့်တော်မူ၏။

တမန်တော်ဝတ္ထု 22:21

ထိုအခါ သခင်ဘုရား​က ‘သွားလော့။ ငါ​သည် သင့်​ကို ရပ်ဝေးရှိ​လူမျိုးခြားတို့​ထံသို့ စေလွှတ်မည်’ ဟူ၍ မိန့်တော်မူသည်” ဟု ပြောလေ၏။

တမန်တော်ဝတ္ထု 5:42

ထို့နောက် ယေရှု​သည် ခရစ်တော်​ဖြစ်သည်​ဟူသော သတင်းကောင်း​ကို ဗိမာန်တော်​၌​လည်းကောင်း၊ အိမ်များ​၌​လည်းကောင်း နေ့စဉ်​မရပ်မနား ဟောပြော​သွန်သင်ကြ၏။

တမန်တော်ဝတ္ထု 9:15

သို့သော် သခင်ဘုရား​က “သွားလော့။ ထို​သူ​သည် လူမျိုးခြားများ၊ ဘုရင်များ​နှင့် အစ္စရေးလူမျိုးတို့​ရှေ့​တွင် ငါ့​အကြောင်း​ကို ပြောကြား​ရန် ငါ​ရွေးကောက်ထားသော တန်ဆာပလာ​ဖြစ်၏။

တမန်တော်ဝတ္ထု 9:20

ထို့နောက် ချက်ချင်း​ပင် ရှောလု​က “ယေရှု​သည် ဘုရား​သားတော်​ဖြစ်ပေသည်” ဟူ၍ ဂျူးဝတ်ပြုဆောင်များ​တွင် ဟောပြောလေ၏။

ရော​မ 1:5

ကျွန်ုပ်တို့​သည် ထို​သားတော်​အားဖြင့် တမန်တော်​ဖြစ်ခြင်း အခွင့်ထူး​ကို ရရှိကြ၏။ ဤသည်​မှာ ထို​သခင်​၏ နာမတော်​အတွက် ယုံကြည်ခြင်း​ကြောင့် ဖြစ်လာသော နာခံခြင်း​အကြောင်း​ကို လူမျိုးခြား​အပေါင်းတို့​ထဲတွင် ဟောပြော​ရန် ဖြစ်၏။

ရော​မ 11:13

လူမျိုးခြား​ဖြစ်သော သင်တို့​ကို ကျွန်ုပ်​ပြောမည်။ ကျွန်ုပ်​သည် လူမျိုးခြားတို့​၏ တမန်တော်​ဖြစ်သည့်​အလျောက် ထို​ရာထူး​ကို ဂုဏ်ယူ​လျက်

၁ ကော 15:50

ညီအစ်ကို​မောင်နှမတို့… ကျွန်ုပ်​ဆိုလိုသည်​မှာ အသွေးအသား​ဖြင့်​ဖွဲ့စည်းထားသော​လူ့​ခန္ဓာ​သည် ဘုရားသခင်​၏ နိုင်ငံတော်​ကို အမွေ​မခံနိုင်ပေ။ ပုပ်ပျက်တတ်သော​အရာ​သည် မပုပ်ပျက်​နိုင်သော​အဖြစ်​ကို အမွေ​ဆက်ခံ​နိုင်မည်​မဟုတ်ပေ။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

၂ ကော 5:16

ထို့ကြောင့် ယခု​မှစ၍ ကျွန်ုပ်တို့​သည် မည်သူ့​ကိုမျှ လောကီ​ရှုထောင့်​မှ အကဲမဖြတ်ကြတော့ပေ။ တစ်ချိန်က ကျွန်ုပ်တို့​သည် ခရစ်တော်​ကို လောကီ​ရှုထောင့်​မှ အကဲဖြတ်ခဲ့ကြ​သော်လည်း ယခု​တွင်မူ ထိုသို့​အကဲမဖြတ်ကြတော့ပေ။

ဂ​လာ​တိ 2:1

ထို့နောက် ဆယ့်လေးနှစ်​ကြာ​သော် ကျွန်ုပ်​သည် ဗာနဗ​နှင့်အတူ ဂျေရုဆလင်မြို့​သို့ တစ်ဖန်​သွား၏။ တိတု​ကိုလည်း ခေါ်သွား၏။

ဧ​ဖက် 3:1

ဤ​အကြောင်း​ကြောင့် လူမျိုးခြား သင်တို့​အတွက် ယေရှု​ခရစ်တော်​၏ အကျဉ်းသား ဖြစ်သော ကျွန်ုပ်​ပေါလု​သည် ဘုရားသခင်​ထံ ဆုတောင်း၏။

ဧ​ဖက် 6:12

အဘယ်ကြောင့်ဆိုသော် ကျွန်ုပ်တို့​သည် အသွေးအသား ရှိသောသူတို့​နှင့် ရင်ဆိုင်​တိုက်ခိုက်နေကြသည် မဟုတ်။ ကောင်းကင်​အရပ်​ရှိ ဝိညာဉ်ဆိုးများ၊ အမှောင်​လောက​ကို အစိုးရသော​မင်းများ၊ အုပ်ချုပ်သူများ၊ အာဏာရှိသူများ​နှင့် ရင်ဆိုင်​တိုက်ခိုက်နေကြခြင်း ဖြစ်၏။

၁ သက် 2:16

လူမျိုးခြားများ ကယ်တင်​ခံရ​ရန် ကျွန်ုပ်တို့​ဟောပြောသည်​ကို သူတို့​တားမြစ်ကြ၏။ ဤသို့​လုပ်ဆောင်ခြင်း​ဖြင့် သူတို့​သည် မိမိတို့​၏ အပြစ်များ​ကို အစဉ်​ပွားများစေကြ၏။ နောက်ဆုံး​တွင် ဘုရားသခင်​၏ အမျက်တော်​သည် သူတို့​အပေါ်သို့ သက်ရောက်လေ၏။

၁ တိ 2:7

ထို့ကြောင့် လူမျိုးခြားတို့​ကို ယုံကြည်ခြင်း​နှင့် သမ္မာတရား​အကြောင်း သင်ကြား​ရန် ကျွန်ုပ်​သည် တရားဟောဆရာ​အဖြစ်​လည်းကောင်း၊ တမန်တော်​အဖြစ်​လည်းကောင်း ခန့်အပ်ခံရ၏။ ထိုသို့ ဆိုသော် ကျွန်ုပ်​သည် မလိမ်ညာဘဲ အမှန်​အတိုင်း​သာ ပြောဆိုခြင်း​ဖြစ်၏။

၂ တိ 1:11

ဤ​သတင်းကောင်း​အတွက် တရားဟောဆရာ၊ တမန်တော်​နှင့် ဆရာ​အဖြစ် ကျွန်ုပ်​ကို ခန့်ထားတော်မူပြီ။

ဟေ​ဗြဲ 2:14

ထို​သားသမီးတို့​သည် အသွေးအသား​ရှိ​သဖြင့် ကိုယ်တော်​သည် အသွေးအသား​ကို ခံယူတော်မူ၏။ ဤသို့ဖြင့် ကိုယ်တိုင်​အသေခံ​၍ သေခြင်း​ကို အစိုးရသော မာရ်နတ်​၏​တန်ခိုး​ကို ဖျက်ဆီး​ကာ