ကော​လော​သဲ 1:15 - ခေတ်သစ်​မြန်မာ သမ္မာကျမ်း

¹⁵ သားတော်​သည် မျက်စိ​ဖြင့်​မမြင်ရသော ဘုရားသခင်​၏ ပုံသဏ္ဌာန်တော်​ဖြစ်ပြီး ဘုရားသခင်​ဖန်ဆင်းတော်မူ​သမျှသော အရာ​အားလုံး​တွင် သားဦး​ဖြစ်တော်မူ၏။

Common Language Bible

¹⁵ ခ​ရစ်​တော်​သည်​မျက်​စိ​ဖြင့်​မ​မြင်​နိုင်​သော ဘု​ရား​သ​ခင်​၏​ပုံ​သဏ္ဌာန်​တော်​ဖြစ်​တော်​မူ​၏။ ကိုယ်​တော်​သည်​သား​ဦး​ဖြစ်​သ​ဖြင့်​အ​ဖန် ဆင်း​ခံ​အ​ရာ​အ​ပေါင်း​တို့​ထက်​ကြီး​မြတ် တော်​မူ​ပေ​သည်။-

Garrad Bible

¹⁵ ထို သား တော် သည် မျက် မြင် မ ရ သော ဘု ရား သ ခင်၏ ပုံ သ ဏ္ဌာန် တော် ဖြစ် သည့် ပြင် သ တ္တ ဝါ ခပ် သိမ်း တွင် သြ ရ သ ဖြစ် တော် မူ လျက်၊

Judson Bible

¹⁵ ထို​သား​တော်​သည် မျက်​မြင်​မ​ရ​သော ဘု​ရား​သ​ခင်၏ ပုံ​သ​ဏ္ဌာန်​တော်​ဖြစ်၏။ ဝေ​နေ​ယျ​သ​တ္တ​ဝါ အ​ပေါင်း​တို့​တွင်​လည်း သား​ဦး​ဖြစ်​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သား​တော်​သည် မ​မြင်ရ​သော​ဘုရားသခင်​၏​ပုံသဏ္ဌာန်​တော်​ဖြစ်​ပြီး ဖန်ဆင်း​တော်မူ​သော​အရာ​အားလုံး​တို့​တွင် သားဦး​ဖြစ်​တော်မူ​၏။

ကော​လော​သဲ 1:15 ပူးပေါင်းရင်းမြစ်များ

ရှင်ယောဟန် 1:1

နှုတ်ကပတ်တော်​သည် အစဦး​ကပင် ရှိတော်မူခဲ့၏။ ထို​နှုတ်ကပတ်တော်​သည် ဘုရားသခင်​နှင့်အတူ ရှိတော်မူ၏။ နှုတ်ကပတ်တော်​သည်လည်း ဘုရားသခင်​ဖြစ်တော်မူ၏။

ရှင်ယောဟန် 1:14

နှုတ်ကပတ်တော်​သည် လူသား​အဖြစ် ခံယူ​၍ ကျေးဇူးတော်၊ သစ္စာတော်​တို့​နှင့် ပြည့်ဝ​လျက် ကျွန်ုပ်တို့​လူသားများ​အကြား​တွင် စံမြန်းတော်မူ၏။ ကျွန်ုပ်တို့​သည်လည်း ထို​အရှင်​၏ ဘုန်းတော်​ကို ဖူးမြင်ကြရ၏။ ထို​ဘုန်းတော်​သည် ခမည်းတော်​၏ တစ်ပါးတည်းသော​သားတော်​အဖြစ် ခံယူရရှိသော​ဘုန်းတော်​ဖြစ်၏။

ရှင်ယောဟန် 1:18

ဘုရားသခင်​ကို မည်သူ​မျှ မမြင်ဖူးချေ။ သို့သော် ခမည်းတော်​၏ ရင်ခွင်တော်​၌ ရှိသည့် တစ်ပါးတည်းသော​သားတော်​သည် ဘုရားသခင်​ကို ကျွန်ုပ်တို့​သိမြင်​နိုင်ရန် ဖော်ပြတော်မူပြီ။

ရှင်ယောဟန် 14:9

ယေရှု​က “ဖိလိပ္ပု… ငါ​သည် သင်​နှင့်အတူ အမြဲ​ရှိနေခဲ့​ပါလျက်​နှင့် ငါ​မည်သူ​ဖြစ်သည်​ကို ယခု​တိုင်အောင် မသိသေးသလော။ ငါ့​ကို မြင်သောသူ​သည် ခမည်းတော်​ကို မြင်၏။ သို့ဖြစ်လျှင် သင်​သည် ခမည်းတော်​ကို အကျွန်ုပ်တို့​အား ပြပါ​ဟု အဘယ်ကြောင့်​ဆိုသနည်း။

ရှင်ယောဟန် 15:24

ငါ​သည် သူတို့​ရှေ့​တွင် မည်သူမျှ​မပြုနိုင်​သည့် နိမိတ်​လက္ခဏာများ​ကို မပြုဘဲ​နေခဲ့​လျှင် သူတို့​၌ အပြစ်​ရှိမည်​မဟုတ်။ ယခု​မှာမူ သူတို့​သည် ငါ​ပြုသည့် နိမိတ်​လက္ခဏာများ​ကို တွေ့မြင်​လျက်​နှင့် ငါ့​ကိုလည်းကောင်း၊ ငါ့​ခမည်းတော်​ကိုလည်းကောင်း မုန်းကြ၏။

ရှင်ယောဟန် 3:16

ဘုရားသခင်​သည် လောကီသားတို့​ကို အလွန်​ချစ်​သောကြောင့် မိမိ​၏​တစ်ပါးတည်းသော​သားတော်​ကို စွန့်တော်မူ၏။ ထိုသို့​စွန့်တော်မူခြင်း​မှာ သားတော်​ကို ယုံကြည်သောသူ​တိုင်း မပျက်စီးဘဲ ထာဝရ​အသက်​ကို ရရှိ​စေရန်​ဖြစ်၏။

ရော​မ 8:29

ဘုရားသခင်​သည် မိမိ​လူတို့​ကို ကြိုတင်​သိတော်မူ​၍ ထို​သူတို့​ကို မိမိ​သားတော်​ကဲ့သို့ ဖြစ်လာ​စေရန် ရွေးချယ်တော်မူ၏။ ဤသို့​ပြုတော်မူသည်​မှာ ညီအစ်ကို​မောင်နှမ​များစွာ​ထဲတွင် ခရစ်တော်​ကို သားဦး​ဖြစ်​စေရန်​ပင် ဖြစ်၏။

၂ ကော 4:4

ဤ​လောက​၏ ဘုရား​ဖြစ်သော စာတန်​သည် မယုံကြည်သောသူတို့​၏ စိတ်နှလုံး​ကို ကွယ်စေခဲ့၏။ ထို့ကြောင့် သူတို့​သည် ဘုရားသခင်​၏ ပုံသဏ္ဌာန်တော်​ဖြစ်သည့် ခရစ်တော်​၏ ဘုန်းအသရေ​နှင့်​ပြည့်စုံသော သတင်းကောင်း​၏​အလင်း​ကို မမြင်နိုင်ခြင်း​ဖြစ်၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

ဖိ​လိပ္ပိ 2:6

ယေရှု​ခရစ်တော်​သည် မိမိ​၌ ဘုရားသခင်​၏ အသွင်​သဏ္ဌာန်တော်​ရှိ​သော်လည်း ထိုသို့​ဘုရားသခင်​နှင့် တန်းတူ​ဖြစ်ခြင်း​ကို ကိုယ်ကျိုး​အတွက် အသုံးပြု​ရမည်​ဟု မှတ်ယူတော်မမူဘဲ

ကော​လော​သဲ 1:13

ဘုရားသခင်​သည် ကျွန်ုပ်တို့​ကို အမှောင်​၏ အုပ်စိုးမှု​ထဲမှ ကယ်တင်​၍ မိမိ​ချစ်တော်မူသော သားတော်​၏ နိုင်ငံတော်​ထဲသို့ ခေါ်သွင်းတော်မူ၏။

၁ တိ 1:17

ထာဝရ​ဘုရင်​ဖြစ်တော်မူသော၊ ထာဝရ​အသက်ရှင်တော်မူသော၊ လူ့​မျက်စိ​ဖြင့် မမြင်နိုင်သော၊ တစ်ဆူတည်းသော ဘုရားသခင်​သည် ကမ္ဘာ​အဆက်ဆက် ဂုဏ်သရေ၊ ဘုန်းသရေ ရှိတော်မူပါစေသော။ အာမင်။

၁ တိ 6:16

ဘုရားသခင်​တစ်ပါးတည်း​သာလျှင် သေခြင်း​နှင့်​ကင်းတော်မူ​၍ ကိုယ်တော်​သည် မည်သူ​မျှ မချဉ်းကပ်နိုင်သည့် အလင်း​၌ ကိန်းဝပ်တော်မူ၏။ ကိုယ်တော်​ကို မည်သူမျှ မမြင်ဖူး​သကဲ့သို့ မြင်​လည်း မမြင်နိုင်။ ကိုယ်တော်​၌ ဂုဏ်အသရေ​နှင့် ထာဝရ​ဘုန်းတန်ခိုး ရှိတော်မူပါစေသော။ အာမင်။

ဟေ​ဗြဲ 1:3

သားတော်​သည် ဘုရားသခင်​၏ ဘုန်းရောင်ခြည်​နှင့် ထွန်းတောက်​လျက်​ရှိပြီး ဘုရားသခင်​၏ စစ်မှန်သည့် စရိုက်​လက္ခဏာ​ကို ထင်ရှားစေတော်မူ၏။ ကိုယ်တော်​သည် မိမိ​၏​တန်ခိုးကြီးသော အမိန့်တော်​ဖြင့် အရာ​အားလုံး​ကို တည်တံ့​စေတော်မူ​ကာ လောကီသားတို့​၏ အပြစ်များ​ကို ဖယ်ရှား​ပြီးနောက် အထက်​ကောင်းကင်ဘုံ​၌ ဘုန်းကြီးသော​တန်ခိုးရှင်​၏ လက်ယာတော်​ဘက်​၌ ထိုင်တော်မူ၏။

ဟေ​ဗြဲ 1:6

ဘုရားသခင်​သည် မိမိ​၏​သားဦး​ကို ဤ​လောက​သို့ စေလွှတ်တော်မူ​သောအခါ “ဘုရားသခင်​၏ ကောင်းကင်တမန်​အားလုံးတို့​သည် ထို​အရှင်​ကို ကိုးကွယ်​ရမည်” ဟု မိန့်တော်မူ၏။

ဟေ​ဗြဲ 11:27

ရှင်ဘုရင်​၏​အမျက်​ကို မကြောက်ဘဲ ယုံကြည်ခြင်း​ဖြင့် အီဂျစ်ပြည်​ကို စွန့်ခွာ​၍ မမြင်နိုင်သော ဘုရားသခင်​ကို မြင်ရ​သကဲ့သို့ ဇွဲလုံ့လ​ထားခဲ့၏။

ဗျာ​ဒိတ် 3:14

လောဒိကိမြို့​၌​ရှိသော အသင်းတော်​၏​ကောင်းကင်တမန်​ထံသို့ စာရေးလော့။ အာမင်​ဖြစ်သောသူ၊ စစ်မှန်​၍ သစ္စာရှိသည့်​သက်သေ​ဖြစ်သောသူ၊ ဘုရားသခင်​ဖန်ဆင်းတော်မူသော​အရာတို့​၏​အစအဦး​ဖြစ်သောသူ​က ဤသို့​မိန့်တော်မူ၏။