Yuda 1:4 - Apam Foforɔ

⁴ Na nnipa bi awiawia bɛ ho aba mu a befiri tete atwerɛ bɛ ho asɛm ato hɔ ama saa atemmuo yi, amumuyɔfoɔ a bɛde akohwibra bu Nyankopɔn adom he animtia, na bɛpo Owura korɔ a ɔne Awurade Yesu Kristo he.

Yuda 1:4 ပူးပေါင်းရင်းမြစ်များ

Mateo 13:25

na berɛ a nnipa daeɛ he, tamfoɔ bi ba beguu wuraa fraa ayuo he mu, na ɔkɔeɛ.

Yohane 17:3

Na yei ne daa nkwa sɛ bebehu wo, wo a aoyɛ Nyankopɔn kann koro he, ne Yesu Kristo nea wasoma no he.

Asomafoɔ 11:23

Berɛ a oduruu hɔ na ohuu Nyankopɔn adom he, odii ahurusie na ofiri aseɛ hyɛɛ bɛ nyinaa nkurane sɛ bɛnkɔ so mfa akoma a onhinhim ntena Awurade mu daa.

Asomafoɔ 15:24

Esiane sɛ yɛate sɛ yɛ mu bi de nsɛm ɔɔteetee ho pɛ sɛ bɛsɛeɛ ho adwene berɛ a yɛmmaa bɛ akwankyerɛ biaa nti,

Galatifoɔ 2:4

Nso ɔnam sɛ na anuanom atorɔfoɔ bi awiawia bɛ ho aba yɛ mu sɛ bɛbɛtetɛ yɛ ahwɛ ahofadie a yɛwɔ no Kristo Yesu mu, sɛnea ɔbɛyɛ a bɛde yɛ bɛkɔ Mmara nkoasom mu nti

Galatifoɔ 5:13

Na adehyedie mu ne bɛafrɛ ho aba, me nuanom; homma ahofadie he nyɛ akwannya mma honnyɔ bɔne, na mmom ho mfa dɔ so nyɛ nkoa ma ho ho,

Efesofoɔ 4:14

sɛ ɔbɛyɛ a yɛnkɔ so nyɛ te sɛ mmɔfra a bedi akɔneaba, na nkyerɛkyerɛ biaa, te sɛ mframa a ɔnam nnipa mmradɛtoɔ so, ne torɔ ne nnaadaa akwane so, woso bɛ.

1 Timoteo 5:8

Na sɛ bi anhwɛ ɔnoaa ankasa n’abusuafoɔ, ne titire ne fiefoɔ a, waapa gyidie he, na deɛ ɔnnye nni mpo yɛ kyɛne no.

2 Timoteo 2:12

sɛ yegyina pintinn a, yɛ ne no bedi hene nso; sɛ yɛpo no a ɔno nso bɛpo yɛ;

2 Timoteo 3:6

Na yeinom mu bi ne bɛ a bɛkɔ afie mu na bɛfa mmaa adwenemharefoɔ na bɔne ahyɛ bɛ ma, na akɔnnɔ ahodoɔ afa bɛ nommum,

1 Petro 2:16

Hontena ase sɛ nnipa a bɛde bɛ ho, na bɛmfa bɛ ahofadie he nyɔ bɔne biaa nso. Na hontena ase sɛ Nyankopɔn nkoa.

1 Petro 2:8

ne sintiboɔ ne sintiduatoɔ botane ama bɛ. Bɛne besonti, efiri sɛ bɛanyɛ setie amma asɛm he. Ɔno nti na beyii bɛ maeɛ.

1 Petro 4:18

Na sɛ, “ɔdene sɛ bɛbɛgye nipa pa nkwa a, hedeɛ bɛ a bɛnnye asɛm he nni ne nnebɔnyɛfoɔ he deɛ, mmɛ ne bɛba bɛ so?”

2 Petro 2:10

ne titire he, bɛ a bedi bɛ honam akɔnnɔ akyi na bebu Nyankopɔn tumi he animtia. Saa atorɔ akyerɛkyerɛfoɔ yi yɛ aniɔdenfoɔ ne ahopɛfoɔ, bensuro sɛ bɛbɛkasa atia animuonyamfoɔ henom.

2 Petro 2:7

na ɔgyee Lot a ɔyɛ teneneeni he firii nnipa nnebɔnyɛfoɔ bɛde akohwibra haa no he nsam

2 Petro 3:7

Nso soro ne asaase a ɔya hɔ seesei yi deɛ, bɛnam Nyankopɔn asɛm heaa so ɔɔkora ama gya asɛe no. Bɛɛkora ama da a bebebu nnebɔnyɛfoɔ atɛne na bɛasɛe bɛ he.

1 Yohane 2:22

Afei, hwane ne torɔfoɔ he? Torɔfoɔ he ne nea ɔka sɛ Yesu nyɛ Kristo he. Ɔno ne Kristo-kotiafoɔ he. Saa nipa he ne nea ɔpo Agya he ne Ba he nyinaa.

Yuda 1:15

na bɛabebu ho nyinaa atɛne na bɛabu nnebɔnyɛfoɔ nyinaa atɛne bɛ bɔne a bɛayɔ ne nsɛm a ano ɔdene a bɛaka atia Nyankopɔn he ho.”

Yuda 1:18

bɛkaa sɛ, “Sɛ awieeɛ he duru a, fɛwdifoɔ bɛba a, bebedi bɛaa bɛ amumuyɔ akɔnnɔ akyi.”

Adiyisɛm 15:4

Awurade, hwane na oonsuro wo na ɔɔnhyɛ wo dini animuonyam? Efiri sɛ wo nkoaa ne woyɛ kronkron, na amane nyinaa bɛba abɛkoto w’anim, efiri sɛ w’atɛne tenenee ada adi.