Yohane 5:30 - Apam Foforɔ

³⁰ “M’ankasa mentumi mmɔ me tim nyɔ hwee. Nea mete heaa ne megyina so bu atɛne, na atɛne a mebu he tene, efiri sɛ menhwehwɛ nea m’ankasa mepɛ, na mmom nea ɔsomaa me he apɛdeɛ.

Yohane 5:30 ပူးပေါင်းရင်းမြစ်များ

Mateo 26:39

Na ɔkɔɔ anim kakra he, ɔde n’anim kobutuu fam bɔɔ mpaeɛ sɛ, “M’Agya sɛ obetumi a, ma kuruwaa yi ntwam me ho, nso ɔnyɛ deɛ mepɛ na mmom deɛ wopɛ (ne nyɛ hɔ).”

Yohane 14:10

Wonnye nni sɛ meya Agya he mu, na Agya he nso ya me mu anaa? Nsɛm a meka kyerɛ ho he, omfiri meaa me tim ne meka, na Agya a ɔte me mu he ne yɔ ne nnwuma.

Yohane 17:4

Mawie adwuma a wode ama me sɛ menyɔ he de ahyɛ wo animuonyam asaase so.

Yohane 18:11

Yesu ka kyerɛɛ Petro sɛ, “Fa sekane he hyɛ bɔha he mu. Nti ɔnsɛ sɛ mennom kuruwa a Agya he de ama me he anaa?”

Yohane 4:34

Yesu ka kyerɛɛ bɛ sɛ, “M’aduane ne sɛ mɛyɔ nea ɔsomaa me he apɛdeɛ, na mawie n’adwuma.

Yohane 5:19

Yesu buaa bɛ sɛ, “Nɔkorɛ meeka akyerɛ ho sɛ, Ba he ankasa ntumi mmɔ ne ti mu nyɔ hwee, gye sɛ nea ohu sɛ Agya he yɔ, efiri sɛ bibiaa Agya he yɔ he, ɔno ne Ba he nso yɔ.

Yohane 6:38

efiri sɛ mefiri soro ne aba sɛ hobɛyɔ nea ɔsomaa me he apɛdeɛ, na ɔnyɛ m’ankasa me deɛ.

Yohane 8:28

Nti Yesu ka kyerɛɛ bɛ sɛ, “Sɛ honya ma nipa ba he so a, saa berɛ he ne hobehu sɛ mene no, na memmɔ m’ankasa me tim nyɔ bibiaa, na nea Agya he kyerɛkyerɛ me he, ɔno ne meka.

Yohane 8:42

Yesu ka kyerɛɛ bɛ sɛ, “Sɛ Nyankopɔn yɛ ho Agya a nka hobɛdɔ me, efiri sɛ mefiri Nyankopɔn hɔ ne baeɛ. Ɔnyɛ mene mede mepɛ baeɛ na mmom ɔno ne somaa me.

Yohane 8:50

Nso menhwehwɛ animuonyam mma me ho, bi ya hɔ a ɔhwehwɛ na obu atɛne.

Romafoɔ 15:3

efiri sɛ Kristo ammɛsɔ ɔnoaa ankasa ani; na mmom, sɛnea bɛatwerɛ sɛ, “Atɛm a bedii wo he abegu me so.”

Romafoɔ 2:2

Hoka sɛ, “Yenim sɛ Nyankopɔn atemmuo a ɔba bɛ a bɛyɔ saa he so he tene.”

Romafoɔ 2:5

Nso w’akoma pirim ɔne sesa a wompɛ sɛ wosesa nti, wooboaboa Nyankopɔn abufuo ano ama wo ho ama abufuo da he, berɛ a Nyankopɔn atemmuo a ɔtene he beyi ne ho adi;