Yohane 4:11 - Apam Foforɔ

¹¹ Na baa he ka kyerɛɛ no sɛ, “Owura, wonni adeɛ a bɛde sa nsuo mpo, na abura he nso mu dɔ, nti hefa ne woya nkwa nsuo yi firi?

Yohane 4:11 ပူးပေါင်းရင်းမြစ်များ

Yohane 3:4

Nikodemo bisaa no sɛ, “Ɔbɛyɛ dɛ na nipa a woanyini he, bɛatumi awo no bio? Obetumi akɔ ne maame yam ama bɛ awo no bio anaa?”

Yohane 4:14

na nea ɔbɛbɛnom nsuo a mede bɛma no he, sukɔm ɔnne no da. Na mmom nsuo a mede bɛma no he, bɛyɛ abura a ofifiri ne mu kɔ daa nkwam.”

Yohane 7:37

Da a otwa toɔ afahyɛ he mu he, Yesu gyinaa hɔ teaam sɛ, “Nea sukɔm de no he mmra me nkyɛne mɛnom nsuo.

Asomafoɔ 10:14

Nso Petro kaa sɛ, “Daabi da, Awurade, efiri sɛ mennii bibi a ho agu fi anaa ho nte biaa da.”

1 Korintofoɔ 2:14

Bɛ a Honhom he nni bɛ mu he, bennya Nyankopɔn honhom akyɛdeɛ, efiri sɛ ɔyɛ nkwaseasɛm ma bɛ, na bentumi nte aseɛ efiri sɛ saa akyɛdeɛ he mu nhunumu yɛ honhom mu asɛm.

Adiyisɛm 21:6

Na ɔkɔɔ so kaa sɛ, “Bɛawie! Mene Ahyɛaseɛ ne Awieeɛ, kyerɛ sɛ, mfitiaseɛ ne awieeɛ he. Biaa a sukɔm de no he, mɛma no nsuo a ofiri nkwa asuti mu anom kwa.

Adiyisɛm 22:1

Afei bɔfoɔ he kyerɛɛ me nkwa asubɔntene a ani te krɔgyee sɛ ahwehwɛ a ofiri Nyankopɔn ne Dwammaa he ahennwa so

Adiyisɛm 22:17

Honhom he ne ayeforɔ he dɛ, “Bra!” Na biaa a ɔte saa asɛm yi nso ka sɛ, “Bra!” Na deɛ sukɔm de no he mmra; na nea ɔpɛ he nso mmɛgye nkwa nsuo he kwa.

Adiyisɛm 7:17

efiri sɛ, Adwamaa he a ɔya ahennwa he mfinimfini he bɛyɛ bɛ dwanhwɛfoɔ de bɛ akɔ nkwa asuti ho. Na Nyankopɔn bɛpopa bɛ aniwa mu nisuo nyinaa.”