Yohane 19:9 - Apam Foforɔ

⁹ Ɔkɔɔ n’abane mu bio, na obisaa Yesu sɛ, “Wofiri he?” Na Yesu ammua no.

Yohane 19:9 ပူးပေါင်းရင်းမြစ်များ

Mateo 26:63

Nso Yesu yɔɔ komm. Afei sɔfo panyini he ka kyerɛɛ no sɛ, “Meka Nyankopɔn teasefoɔ he ntam gu wo so sɛ, sɛ wo ne Kristo, Nyankopɔn Ba he a, ka kyerɛ yɛ!”

Mateo 27:27

Afei amrado asraafoɔ he faa Yesu kɔɔ amrado he abane mu, na bɛboaboa kuo he nyinaa ano twaa ne ho hyiaeɛ.

Luka 23:9

Afei ofirii aseɛ bisaa no nsɛm bebree; nso Yesu ammua no.

Yohane 18:28

Na bɛde Yesu firii Kaiafa hɔ kɔɔ amrado Pilato abane mu. Na ɔyɛ anɔpatutuutu. Na Yudafoɔ he ankasa ankɔ amrado abane he mu sɛnea ɔbɛyɛ a bengu bɛ ho fi na bɛatumi adi Twam he bi.

Yohane 18:33

Nti Pilato kɔɔ amrado abane he mu hɔ bio, na ɔfrɛɛ Yesu bisaa no sɛ, “Wo ne Yudafoɔ hene he?”

Yohane 18:34

Yesu buaa sɛ, “W’ankasa na woabɔ wo tim ɔɔka yei anaa nipa bi ne kaa me ho asɛm kyerɛɛ wo?”

Yohane 18:37

Pilato bisaa no sɛ, “Nti woyɛ hene?” Yesu buaa sɛ, “Wone wooka sɛ meyɛ hene. Me deɛ yei nti ne bɛwoo me, na mebaa wiase sɛ meebedi nɔkorɛ he ho adanseɛ. Biaa a ofiri nɔkorɛ he tie me nne.”

Yohane 19:10

Na Pilato ka kyerɛɛ no sɛ, “Wommua me? Wonnim sɛ mewɔ tumi sɛ megyae wo anaa mebɔ wo asennua mu?”

Yohane 19:8

Afei berɛ a Pilato tee yei he, osuroo paa.

Yohane 8:14

Yesu buaa sɛ, “Mpo sɛ medi meaa me ho adanseɛ a, m’adanseɛ he yɛ nɔkorɛ, efiri sɛ, menim baabi a mefiri baeɛ ne baabi a meekɔ. Na ho deɛ honnim baabi a mefiri ne baabi a meekɔ.

Filipifoɔ nwoma 1:28

na ho atamfoɔ antumi anhunahuna ho bibiaa mu. Na bɛ deɛ, yei yɛ bɛ sɛeɛ ho nsɛnkyerɛnne pefee, na ho deɛ, ɔyɛ ho nkwagyeɛ ho nsɛnkyerɛnne. Na yei deɛ ɔyɛ Nyankopɔn nsa ano adwuma,