Yohane 17:11 - Apam Foforɔ

¹¹ Na afei nso, menni wiase bio, na mmom bɛ deɛ bɛya wiase, na meeba wo nkyɛne. Agya Kronkron, bɔ bɛ a wode bɛ ama me he ho bane wo dini mu na bɛayɛ baako sɛ yɛyɛ baako he.

Yohane 17:11 ပူးပေါင်းရင်းမြစ်များ

Mateo 10:16

“Hwɛ, meesoma ho sɛ nnwane akɔ mpataku mfimfini; nti honya nyansa sɛ wɔ, na honyɛ nnipa a ho ho nni asɛm te sɛ mmuburo.

Mateo 5:48

Honyɛ pɛ, efiri sɛ, ho Agya ɔya soro he yɛ pɛ.

Mateo 6:9

Nti hommɔ mpaeɛ sɛ: Yɛ Agya a woya soro, anidie nka wo dini,

Yohane 13:1

Na afei Twam afahyɛ he oobeduru he, na Yesu nim sɛ berɛ he aduru sɛ oobefiri wiase akɔ Agya he nkyɛne. Na ɔdɔɔ ɔnoaa ne deɛ a na bɛya wiase he, na ɔdɔɔ bɛ de kosii awieeɛ.

Yohane 13:3

Na esiane sɛ na Yesu nim sɛ Agya he de nnoɔma nyinaa ahyɛ ne nsa, na ofiri Nyankopɔn nkyɛne, na ɔɔkɔ Nyankopɔn hɔ nti,

Yohane 14:20

Da heaa, hobehu sɛ meya m’Agya mu, na hoya me mu.

Yohane 16:28

Mefiri Agya he nkyɛne ne aba wiase. Afei deɛ meefiri wiase akɔ Agya he nkyɛne.”

Yohane 16:33

Maaka yeinom nyinaa akyerɛ ho sɛ ɔbɛyɛ a hobenya asomdwie me mu. Hobehyia taa wiase mu. Nso homma ho bo ntɔ ho yam; na maadi wiase so nkunim dada!

Yohane 17:23

Meya bɛ mu, na woya me mu, sɛ ɔbɛyɛ a bebewie pɛyɛ baakoyɛ mu, na wiase ahu sɛ wone woasoma me na wodɔ bɛ sɛnea wodɔ me he.

Yohane 17:25

“Oo! Agya Teneneeni, wiase nnim wo, nso menim wo, na yeinom nim sɛ woasoma me.

Yohane 17:6

“Maada wo dini adi akyerɛ bɛ a wode befiri wiase ama me he. Bɛyɛ wo deɛ ne wode bɛ ama me. Na bɛadi w’asɛm so.

Yohane 7:33

Yesu ka kyerɛɛ bɛ sɛ, “Meya ho nkyɛne berɛ tiaa bi, na meebɛkɔ nea ɔsomaa me he nkyɛne.

Asomafoɔ 3:21

a ɔsɛ sɛ ɔtena soro kosi berɛ a bebesiesie nnoɔma nyinaa sɛnea Nyankopɔn nam n’adiyifoɔ kronkron he so firi teteete aka he.

Romafoɔ 12:5

saa nso ne yɛ a yɛdɔɔso yi, yɛyɛ nipadua baako Kristo mu, na yɛyeyɛ yɛ ho akwaa mmaako mmaako.

Romafoɔ 9:17

Na twerɛsɛm he ka kyerɛ Farao sɛ,” Maama wo so sɛ me botae a ɔkyerɛ me tumi he bɛda adi wɔ wo mu, sɛnea ɔbɛyɛ a bɛbɛbɔ me dini asaase nyinaa so.”

1 Korintofoɔ 1:10

Afei anuanom, menam yɛ Awurade Yesu Kristo dini so ootu ho fo sɛ, ho nyinaa honya adwene korɔ; na hommma mpaepaemu mma ho mu, na mmom honka mmom adwene korɔ mu ne nsusuiɛ korɔ mu.

Galatifoɔ 3:28

Nsonsonoeɛ nni Yudani anaa Helani, akoa anaa dehyeɛ, baa anaa beema ntam bio, efiri sɛ, ho nyinaa yɛ baako Kristo mu.

Efesofoɔ 4:4

Nipadua baako ne Honhom baako ne ya hɔ, sɛnea bɛafrɛ ho aba anidasoɔ baako mu he,

Filipifoɔ nwoma 2:9

Yei nti ne Nyankopɔn ama ne so kɛse, na wama no dini a ɔkyɛne dini nyinaa,

Hebrifoɔ 1:3

Ɔno ankasa ne da Nyankopɔn animuonyam a ɔhyerɛn he adi na ɔyɛ Nyankopɔn su nsɛso pɛpɛɛpɛ, na ɔnam n’asɛm a tumi yam so kita nnoɔma nyinaa mu. Na odwiraa yɛ bɔne wieeɛ he, ɔkɔtenaa deɛ ɔwɔ tumi boro tumi nyinaa so, na ɔya soro soro he nifa.

Hebrifoɔ 9:24

Na Kristo anhyɛne kronkronbea a bɛde nsa ayɔ a ɔyɛ kronkronbea kann he ho nhwɛsoɔ he mu, na mmom ɔhyɛnee soro ankasa sɛ afei ookoyi ne ho adi Nyankopɔn anim ama yɛ.

Yakobo 4:4

Ei awaresɛefoɔ! Honnim sɛ wiase yi adamfofa yɛ tane a bɛ tane Nyankopɔn anaa? Biaa a ɔpɛ sɛ ɔyɛ wiase adamfo yɛ Nyankopɔn tamfoɔ.

1 Petro 1:5

Na Nyankopɔn bɛfa ne tumi he so ahwɛ sɛ honam gyidie so benya nkwagyeɛ a bɛasiesie sɛ bebeyi no adi berɛ a odi akyire he mu.

1 Yohane 3:12

Ɔnsɛ sɛ yɛyɔ sɛ Kain a na ɔyɛ Bronsam deɛ nti, okuu ɔno ankasa ne nua. Na ɛɛne nti ne Kain kuu no? Ɔyɔɔ saa efiri sɛ, ɔnoaa ne nnwuma a ɔyɔeɛ he, na ɔyɛ bɔne. Nso ne nua he deɛ, ɔyɔɔ deɛ ɔtene.

1 Yohane 5:19

Yenim sɛ wiase nyinaa hyɛ bɔnefoɔ he tumi ase, nso yɛ deɛ yɛyɛ Nyankopɔn nkurofoɔ.

Yuda 1:1

Yesu Kristo akoa Yuda a ɔyɛ Yakobo nua twerɛ krataa yi de kɔma bɛ a bɛafrɛ bɛ a Agya Nyankopɔn dɔ bɛ na bɛakora bɛ ama Yesu Kristo he.

Yuda 1:24

Na nea obetumi asɔ ho mu na hoansonti, na ɔde ho asi n’animuonyam anim sɛ nnipa a benni dɛm ahosane mu he,

Adiyisɛm 15:4

Awurade, hwane na oonsuro wo na ɔɔnhyɛ wo dini animuonyam? Efiri sɛ wo nkoaa ne woyɛ kronkron, na amane nyinaa bɛba abɛkoto w’anim, efiri sɛ w’atɛne tenenee ada adi.

Adiyisɛm 19:12

N’ani te sɛ gya a ɔɔdɛre, na na ɔbɔ ahemmotire bebree. Na bɛatwerɛ ne dini bi a biaa nnim gye sɛ ɔno nkoaa.

Adiyisɛm 4:8

Na ateasefoɔ nnan he mu biaa wɔ ntabane nsia a ani tuatua akyire ne animu nyinaa. Anadwo ne awia nyinaa bɛto nnwom sɛ, “Kronkron, Kronkron, Kronkron ne Awurade Nyankopɔn Tumfoɔ a na ɔya hɔ tetentredee, na seesei nso ɔya hɔ, na ɔya hɔ daa.”