Yohane 16:7 - Apam Foforɔ

⁷ Nso meeka nɔkorɛ akyerɛ ho sɛ, ɔyɛ ma ho sɛ mɛkɔ, efiri sɛ, sɛ mankɔ a, Kyigyinafoɔ he ɔmma ho nkyɛne. Na sɛ mekɔ a, mɛsoma no ama no aba ho nkyɛne.

Yohane 16:7 ပူးပေါင်းရင်းမြစ်များ

Luka 24:49

Na hwɛ, meesoma nea m’Agya ahyɛ ho bɔ he aba ho so. Ho deɛ, hontena kuro he mu nkosi sɛ bɛbɛma ho ahoɔdene a ofiri soro.”

Luka 4:25

Meeka akyerɛ ho nɔkorem sɛ, Elia nna he mu he, na akunafoɔ bebree ya Israel berɛ a nsuo antɔ mfie mmeɛnsa ne abosome nsia maa kɔm kɛseɛ baa asaase he nyinaa so he,

Luka 9:27

Nɔkwasɛm, meeka akyerɛ ho sɛ, bɛ a begyina ha yi mu bi ya hɔ a bɛnka wuo nhwɛ da kosi sɛ bebehu Nyankopɔn ahennie he.”

Yohane 14:26

Na Kyigyinafoɔ a ɔno ne Honhom Kronkron a m’Agya bɛsoma no me dini mu he, ɔno ne bɛkyerɛkyerɛ ho nnoɔma nyinaa na ɔbɛkae ho nea maka akyerɛ ho nyinaa.

Yohane 14:28

Hoate sɛ meka kyerɛɛ ho sɛ, ‘Meekɔ na mɛba ho nkyɛne.’ Sɛ hodɔ me a nka ho ani bɛgye sɛ meekɔ Agya he nkyɛne efiri sɛ m’Agya he yɛ keseɛ kyɛne me.

Yohane 14:3

Na sɛ mekosiesei baabi ma ho a, mɛba bio, na mabɛfa ho akɔ me nkyɛne, na nea meya he ho nso hoaba hɔ.

Yohane 15:26

“Sɛ Kyigyinafoɔ a mɛsoma no afiri Agya he nkyɛne aba ho hɔ he, Nɔkorɛ Honhom a ofiri Agya nkyɛne he nya ba a, ɔno ne bedi me ho adanseɛ.

Yohane 16:8

Na sɛ ɔba a, obeyi wiase atɛne afa bɔne ne tenenee ne atemmuo ho:

Yohane 7:39

Nso ɔkaa yei faa Honhom a na bɛ a bɛbɛgye no adi he benya he ho, saa berɛ he na Honhom he nnya mmaeɛ, efiri sɛ na bennya nhyɛɛ Yesu animuonyam.

Asomafoɔ 10:34

Na Petro biee n’ano kaa sɛ, “Nɔkwasɛm di, maahu sɛ Nyankopɔn nyɛ nyiyimu,

Asomafoɔ 2:33

Afei bɛmaa no so kɔɔ Nyankopɔn nifa, na onyaa Agya he nkyɛne Honhom bɔhyɛ he nti ne wahwie nea hohu na hote yi agu.

Romafoɔ 8:28

Yenim sɛ bɛ a bɛdɔ Nyankopɔn he, bɛ a ɔnam ne pɛ so afrɛ bɛ he, ɔfa adeɛ nyinaa so di boa bɛ ma no wie bɛ yie.

2 Korintofoɔ 4:17

Na saa amanehunu kakra yi a yɛɛfam yi, oosiesie yɛ ama daa animuonyam a ɔboro adeɛ nyinaa so a yentumi mfa seesei amanehunu yi ntoto ho koraa,