Yohane 15:2 - Apam Foforɔ

² Mmane biaa ɔnso aba he, oyi firi ho; na nea ɔsõ aba he oyiyi ho ma ne so bebree.

Yohane 15:2 ပူးပေါင်းရင်းမြစ်များ

Mateo 13:12

Na bɛ a bɛwɔ ahennie he ho nteaseɛ he, bɛde nteaseɛ bebree bɛka bɛ ho ama bɛanya no mmorosoɔ, na bɛ a benni bi he, nteaseɛ ketewa bi a bɛwɔ he mpo befiri bɛ nsa.’

Mateo 13:33

Na ɔmaa bɛ mfantoho foforɔ bi sɛ, “Soro ahennie te sɛ baa bi a ɔfaa mmɔreka na ɔde fraa sam susukuruwa mmeɛnsa kosii sɛ ne nyinaa tuiɛ.”

Mateo 15:13

Obuaa sɛ, “Dua biaa a ɔnyɛ m ‘Agya a ɔya soro he ne duaeɛ he bebetu.

Mateo 21:19

Ohuu borɔdoma dua bi kwane nkyɛne; na ɔkɔɔ ho sɛ ɔɔkɔ pɛ n’aba he bi, nso wanhu hwee dua he so sɛ ahahane nkoaa. Na ɔdomee dua he sɛ, “Wonso aba bio da!” Na borɔdoma he wuu amonom hɔaa.

Mateo 25:29

Na bɛ a bɛanya bi aka nea bɛde ama bɛ ho he, bɛde bebree bɛka bɛ ho, na bɛanya ama no abu so; na bɛ a bɛanya hwee anka nea bɛde ama bɛ ho he deɛ, kakra a bɛwɔ he mpo, bɛbɛgye afiri bɛ nsam.

Mateo 3:10

Mpo seesei bɛde akuma ato dua he nhini ase; nti dua biaa a ɔnnso aba he bebetwa na bɛato atwene gya mu.

Mateo 3:12

Okita ne huhuammoa ne nsam, na ɔbɛpra n’ayuporobea hɔ na woaboaboa n’ayuo ano akogu pata so; nso ntɛ he deɛ, ɔde gya a onnum da bɛhye ne nyinaa.”

Mateo 7:19

Dua biaa a ɔnso aba pa he betwa to twene gya mu.

Marko 4:20

Na nea beguu no asaase pa mu he gyina hɔ ma nnipa a bɛte asɛm he a bɛgye na bɛsõ aba mmɔho aduasa ne aduosia ne mmɔho ha.”

Luka 8:13

Nea oguu abotane so he gyna hɔ ma bɛ a bɛte asɛm he a bɛde anigye gye, nso yeinom nni nhini; bɛgyidi berɛ tiaa bi mu, nso oduru sɔhwɛ berɛ a, na bɛawae.

Yohane 15:1

“Mene bobe trodoo he, m’Agya ne kuafoɔ he.

Yohane 15:16

Ɔnyɛ ho na hoayi me, na mmom mene maayi ho. Na maayi ho sɛ honkɔso aba, na hoaba he atena hɔ, sɛ ɔbɛyɛ a nea hobebisa Agya he me dini mu biaa ɔde bɛma ho.

Yohane 15:3

Asɛm a maka akyerɛ ho nti, ho ho afiri dada.

Yohane 15:6

Sɛ bi antena me mu a, betwa no twene sɛ mmabaa a mfasoɔ nni so; na bɛboaboa ano de kogu gya mu ma ɔhye.

Yohane 15:8

Nea ɔhyɛ m’Agya animuonyam ne sɛ hobɛkɔ so aso aba bebree na hoada ho ho adi sɛ m’asuafoɔ.

Yohane 17:12

Meya bɛ nkyɛne he, mede bɛ siee wo dini mu. Mekoraa bɛ yie na bɛ mu baako pɛ mpo annyera gye sɛ yera ba he, na ama twerɛsɛm he aba mu.

Romafoɔ 11:17

Nso sɛ mmane he bi bu firii ho a, na wo, wuram ngodua, bɛde wo hyɛɛ ananem sɛ wobenya ahonya a ɔya ngodua nhini he mu bi a,

Romafoɔ 11:22

Hyɛ Nyankopɔn ayamyɛ ne ne dene yɛ nso: ɔdene ma bɛ a bɛhwee ase, nso Nyankopɔn ayamyɛ ya hɔ ma wo, gye sɛ wo toa so n’ayamyɛ he mu; anyɛ saa a wo nso bebetwa wo atwene.

Romafoɔ 8:28

Yenim sɛ bɛ a bɛdɔ Nyankopɔn he, bɛ a ɔnam ne pɛ so afrɛ bɛ he, ɔfa adeɛ nyinaa so di boa bɛ ma no wie bɛ yie.

1 Korintofoɔ 13:1

Sɛ mede nnipa ne abɔfoɔ kɛtrɛma kasa na menni dɔ a, mete sɛ twene a ɔyɔ dede anaa akasaa a ɔɔwoso.

Tito 2:14

Ɔno ne de ne ho maeɛ ɔnam yɛ nti sɛ ɔbɛgye yɛ afiri amumuyɔ nyinaa mu na wate yɛ ho afa yɛ ayɛ ɔno ankasa ne nkurofoɔ a bɛbɔ mmɔdene nwuma pa mu.

Hebrifoɔ 12:15

Honhwɛ yie na Nyankopɔn adom he ammɔ biaa; na nhini biaa a nwonwono yam amfifiri ho mu na ammɛyɛ haw amma ho, na angu nnipa bebree ho fi.

1 Yohane 2:19

Nɔkwasɛm ne sɛ, befiri yɛ mu ne kɔeɛ deɛ, nso na benni yɛ afa, na sɛ bɛya yɛ afa a, nka bɛne yɛ tenaa hɔ. Nso begyaa yɛ hɔ sɛnea bebehu no pefee sɛ benni yɛ afa.

Adiyisɛm 3:19

Mekɔ so twe bɛ a medɔ bɛ he nyinaa aso. Nti bɔ mmɔdene na sakra w’adwene.