Yohane 14:6 - Apam Foforɔ

⁶ Yesu ka kyerɛɛ no sɛ, “Mene kwane he, nɔkorɛ he ne nkwa he, bi nkɔ Agya he nkyɛne gye sɛ ɔfa me so.

Yohane 14:6 ပူးပေါင်းရင်းမြစ်များ

Mateo 11:27

M’Agya de nnoɔma nyinaa ahyɛ me nsa; na biaa nnim Ba he, gye Agya he; na biaa nnim Agya he nso, gye Ba he ne biaa a Ba he pɛ sɛ ɔbɛma n’ahu no.

Yohane 1:14

Na Asɛm he bɛyɛɛ honam bɛtenaa yɛ mu, na yɛahu n’animuonyam sɛ Agya he Ba a ɔwoo no koro maa yɛ, adom ne nɔkorɛ ahyɛ no ma.

Yohane 1:17

Mmara he deɛ, bɛnam Mose so ne de maeɛ, na adom ne nɔkorɛ he deɛ nam Yesu Kristo so ne baeɛ.

Yohane 1:4

Ne mu ne nkwa ya, na nkwa he ne nnipa hann.

Yohane 10:28

Mema bɛ daa nkwa, na bɛnyera da. Na biaa ntumi nhwim bɛ mfiri me nsam.

Yohane 10:7

Nti Yesu kaa bio sɛ, “Meeka akyerɛ ho nɔkorem paa sɛ, mene nnwammuo he ano pono ma nnwane he.

Yohane 10:9

Mene pono he, biaa a ɔfa me so kɔ mu he, bɛbɛgye no nkwa, na ɔbɛba mu, na wafiri adi, na wanya adidibea.

Yohane 14:19

Aaka kakra na wiase nhu me bio, na ho deɛ hobehu me efiri sɛ, mete ase, nti ho nso hobɛtena ase.

Yohane 15:1

“Mene bobe trodoo he, m’Agya ne kuafoɔ he.

Yohane 18:37

Pilato bisaa no sɛ, “Nti woyɛ hene?” Yesu buaa sɛ, “Wone wooka sɛ meyɛ hene. Me deɛ yei nti ne bɛwoo me, na mebaa wiase sɛ meebedi nɔkorɛ he ho adanseɛ. Biaa a ofiri nɔkorɛ he tie me nne.”

Yohane 5:21

Na sɛnea Agya he nyane awufoɔ na ɔma bɛ nkwa he, saa ne Ba he nso de nkwa ma bɛ a ɔno ankasa pɛ.

Yohane 6:33

Na Nyankopɔn paanoo ne nea osiane firi soro ba na ɔma wiase nkwa he.”

Yohane 6:51

Mene paanoo a nkwa yam a mesiane firi soro baeɛ he, sɛ bi di paanoo yi bi a, ɔbɛtena ase daa. Na paanoo a mede bɛma wiase nkwa he ne me honam.”

Yohane 6:57

Sɛnea Agya a ɔte ase he somaa me he, na Agya he nti mete ase he, saa ara nso ne nea odi me honam he, me nti ɔbɛtena ase.

Yohane 6:68

Simon Petro buaa sɛ, “Awurade, hwane nkyɛne ne yɛbɛkɔ? Wo nkoaa ne wowɔ daa nkwa nsɛm.

Yohane 8:32

na hobehu nɔkorɛ he, na nɔkorɛ he ama ho ayɛ adehyeɛ.”

Yohane 8:51

Meeka nɔkwasɛm paa akyerɛ ho sɛ, biaa a obedi me nsɛm so he, onwu da.”

Asomafoɔ 3:15

Na hokuu nkwa Farebae he, nea Nyankopɔn nyanee no firii awufuom he. Yɛyɛ yei ho adansefoɔ.

Asomafoɔ 4:12

Nkwagyeɛ nni bi foforɔ mu, efiri sɛ dini foforɔ biaa nni soro anaa asaase so a bɛde ama nnipa sɛ bɛmfa so nye yɛ nkwa ka Yesu dini ho.”

Asomafoɔ 9:2

kɔkaa sɛ ɔmma no nkrataa a ɔde bɛkɔ Damasko hyia adane mu, sɛnea ɔbɛyɛ a obetumi akye biaa a obehu sɛ ɔnam gyidie Kwane He so, mmeema ne mmaa, de bɛ aba Yerusalem.

Romafoɔ 15:16

sɛ mɛnyɛ Kristo somfoɔ mma Amanamane mufoɔ sɛ Nyankopɔn asɛmpa he ho asɔfodwuma, na Amanamane mufoɔ afɔrebɔ ayɛ nea Honhom Kronkron ate ho a ɔsɔ ani.

Romafoɔ 5:2

ɔno so ne yɛnam anya saa adom a yegyina so yi; na yɛhoahoa yɛ ho anidasoɔ a yɛ wɔ no Nyankopɔn animuonyam mu.

Romafoɔ 5:21

Na sɛnea bɔne dii hene wuo mu he, adom so nam tenenee so adi hene afa yɛ Awurade Yesu Kristo so kɔ daa nkwa mu.

1 Korintofoɔ 15:45

Bɛatwerɛ sɛ, “Nnipa a odi kane, Adam, bɛyɛɛ kra teasefoɔ”; na Adam a otwa toɔ deɛ, ɔbɛyɛɛ honhom a ma nkwa.

Efesofoɔ 2:18

na ɔnam ne so ne yɛ nyinaa nam Honhom baako a ɔde yɛ kɔ Agya he hɔ.

Kolosefoɔ nwoma 2:17

Yeinom yɛ nea ɔbɛba he ho mfonyini kɛkɛ, na deɛ odi mu he ankasa ne Kristo.

Kolosefoɔ nwoma 2:9

na Kristo mu ne nyame su nyinaa da adi nipadua mu,

Kolosefoɔ nwoma 3:4

Sɛ Kristo a ɔyɛ yɛ nkwa he yi ne ho adi a, bebeyi ho ne no nso adi animuonyam mu.

Hebrifoɔ 7:25

Ne saa nti berɛ biaa obetumi agye bɛ a bɛnam ne so ba Nyankopɔn nkyɛne he, efiri sɛ ɔte ase daa sɛ obedi ama bɛ.

Hebrifoɔ 9:8

Nti Honhom Kronkron da no adi pefee sɛ mmerɛ tentene a na ntomadane a odi kane he da so si hɔ he, na bennya nyii kwane a ɔkɔ kronkronbea he adi.

1 Petro 1:21

Ɔnam ne so ne hogyee Nyankopɔn a onyanee no firii awufoɔ mu na ɔmaa no animuonyam he diiɛ. Ɔnam so ama ho gyidie ne ho anidasoɔ atim Nyankopɔn mu.

1 Petro 2:4

Hommra Awurade a ɔyɛ boɔ a nkwa yam he nkyɛne. Ɔno ne nnipa poo no, na Nyankopɔn ani so deɛ ɔyɛ nea wayi no, na ɔsom bo he.

1 Petro 3:18

Na Kristo nso huu bɔne ho amane prɛko; ɔno a ɔtene he wu maa abɔnefoɔ, na ɔde ho akɔ Nyankopɔn nkyɛne; ɔno na bekuu no honam mu nso, ɔnam Honhom he so sɔreeɛ,

1 Yohane 1:8

Sɛ yɛka sɛ yenni bɔne a, na yɛdaadaa yɛ ho, na nɔkorɛ he nni yɛ mu.

1 Yohane 2:23

Na nea ɔpo Ba he po Agya he nso; nea ɔgye Ba he, gye Agya he nso.

1 Yohane 5:20

Na yenim sɛ Nyankopɔn Ba he aba, na waama yɛ nteaseɛ ama yɛahu Nyankopɔn trodoo he. Yɛ abrabɔ ya Nyankopɔn trodoo he ne ne Ba Yesu Kristo he mu. Yei ne Nyankopɔn trodoo he ne nkwa a onni awieeɛ he.

1 Yohane 5:6

Yesu Kristo ne deɛ a ɔnam nsuo ne mogyaa so baeɛ. Ɔnyɛ nsuo nkoaa so ne ɔnam baeɛ na mmom nsuo ne mogyaa so. Na ɔyɛ Honhom he ne di ho adanseɛ.

2 Yohane 1:9

Nipa biaa a ɔfom na ɔntena Kristo nkyerɛkyerɛ he mu he, onnim Nyankopɔn. Na nea ɔtena nkyerɛkyerɛ he mu he, ɔno mmom ne nea onim Agya he ne ne Ba he.

Adiyisɛm 1:5

ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

Adiyisɛm 19:11

Afei mehuu sɛ soro abie a pɔnkɔ fitaa ya hɔ. Na nea ɔte ne so he dini de “Ɔseadeɛyɔ ne Nɔkwafoɔ,” na tenenee ne ogyina so bu atɛne ko ne ko nso.

Adiyisɛm 20:15

Na biaa a bɛantwerɛ ne dini nkwa nwoma he mu he, bɛtoo no twenee gya tadeɛ he mu.

Adiyisɛm 22:1

Afei bɔfoɔ he kyerɛɛ me nkwa asubɔntene a ani te krɔgyee sɛ ahwehwɛ a ofiri Nyankopɔn ne Dwammaa he ahennwa so

Adiyisɛm 22:17

Honhom he ne ayeforɔ he dɛ, “Bra!” Na biaa a ɔte saa asɛm yi nso ka sɛ, “Bra!” Na deɛ sukɔm de no he mmra; na nea ɔpɛ he nso mmɛgye nkwa nsuo he kwa.

Adiyisɛm 3:14

“Twerɛ krataa kɔma Laodikea asafo mu bɔfoɔ he sɛ: Yei ne asɛm a ofiri Amen a ɔyɛ danseni nɔkwafoɔ a ɔyɛ bibiaa a Nyankopɔn bɔeɛ he abɔseɛ nkyɛne.

Adiyisɛm 3:7

“Twerɛ krataa kɔma Filadelfia asafo he mu bɔfoɔ he sɛ: Yei ne asɛm a ofiri nea ɔyɛ kronkron, a ɔyɛ nɔkwafoɔ a okita Dawid safoa a sɛ obie a, bi ntumi nto mu, na ɔto mu nso a, bi ntumi mmie, he nkyɛne.