Yohane 14:2 - Apam Foforɔ

² Tenabea pii ya m’Agya fie. Sɛ ɔnte saa a, nka mɛka akyerɛ ho sɛ, meekosiesie baabi ama ho?

Yohane 14:2 ပူးပေါင်းရင်းမြစ်များ

Luka 14:22

Akoa he yɔɔ saa wieeeɛ he, ɔkaa sɛ, ‘Me wura, maayɔ nea wo hyɛɛ me he, nso kwane da so ya hɔ.’

Yohane 13:33

Mma nkumaa, mene ho ya hɔ mmerɛ tiaa bi. Hobɛhwehwɛ me, na sɛnea maka akyerɛ Yudafoɔ he sɛ, ‘Baabi a meekɔ hontumi mma hɔ he, saa ne seesei meeka akyerɛ ho nso.’

Yohane 13:36

Simon Petro bisaa no sɛ, “Awurade, hefa ne wookɔ?” Yesu buaa sɛ, “Baabi a meekɔ he wontumi nni m’akyi seesei, nso akyire yi wobedi m’akyi aba hɔ.”

Yohane 14:28

Hoate sɛ meka kyerɛɛ ho sɛ, ‘Meekɔ na mɛba ho nkyɛne.’ Sɛ hodɔ me a nka ho ani bɛgye sɛ meekɔ Agya he nkyɛne efiri sɛ m’Agya he yɛ keseɛ kyɛne me.

Yohane 16:4

Na maaka yei nyinaa akyerɛ ho na saa berɛ he duru a, hoakae sɛ maaka akyerɛ ho dada. “Na manka saa nsɛm yi ankyerɛ ho mfitiaseɛ he, efiri sɛ na meya ho nkyɛne.

Yohane 17:24

Agya mepɛ sɛ bɛ a wode bɛ ama me he ba baabi a meya he. Bɛmmɛka me ho na benhu m’animuonyam a wode ama me he, efiri sɛ wodɔɔ me ansa na wohyɛɛ wiase fapem ase.

Asomafoɔ 9:16

Na m’ankasa mɛkyerɛ no amaneɛ a otwa sɛ ɔba no so ɔnam me dini nti.”

2 Korintofoɔ 5:1

Na yenim sɛ, sɛ bɛsɛe yɛ asaase yi so ntomadane a yɛte mu yi a, yɛwɔ ntomadane a ofiri Nyankopɔn hɔ, ntomadane a bɛamfa nsa ne siiɛ, a ɔya soro hɔ daa,

1 Tesalonikafoɔ 5:9

efiri sɛ Nyankopɔn anyi yɛ amma n’abufuo, na oyii yɛ sɛ yɛ Awurade Yesu Kristo nti, yemmenya nkwa.

Tito 1:2

daa nkwa ho anidasoɔ a Nyankopɔn a onni torɔ, hyɛɛ ho bɔ too hɔ ansa na adebɔ ɔɔbɛhyɛ aseɛ—

Hebrifoɔ 11:10

Na ɔɔtwɛne kuro a ɔwɔ fapem a ne kyekyerefoɔ ne ne yɔfoɔ ne Nyankopɔn.

Hebrifoɔ 13:14

efiri sɛ yenni kuro a ɔtena hɔ daa ya ha yi, na mmom nea ɔɔba he na yɛɛhwɛ no kwane dendene.

Hebrifoɔ 6:20

baabi a yɛ nti Yesu adi kane ahyɛne hɔ na wayɛ sɔfopanyini ya daa Sɔfopanyini Melkisedek asɔfoyɛ kwane so.

Hebrifoɔ 9:8

Nti Honhom Kronkron da no adi pefee sɛ mmerɛ tentene a na ntomadane a odi kane he da so si hɔ he, na bennya nyii kwane a ɔkɔ kronkronbea he adi.

Adiyisɛm 1:5

ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

Adiyisɛm 21:2

Na mehuu Kuro Kronkron a ɔyɛ Yerusalem foforɔ sɛ osiane afiri soro afiri Nyankopɔn nkyɛne ɔɔba fam, a bɛasiesie ne ho sɛ ayeforɔ a bɛahyehyɛ no ama ne kunu.

Adiyisɛm 3:12

Nea obedi nkunim he, mɛma no ayɛ me Nyankopɔn asɔredane he fapem titire, na ommfiri mu bio da. Mɛtwerɛ me Nyankopɔn dini ne me Nyankopɔn kuro dini a ɔyɛ Yerusalem foforɔ a obefiri soro me Nyankopɔn nkyɛne aba he agu ne ho. Bio, mɛtwerɛ me dini foforɔ agu ne ho.

Adiyisɛm 3:21

Mɛma nkunimdifoɔ he atena m’ahennwa he so sɛnea madi nkunim nti mete m’Agya ahennwa so seesei he.