Yohane 10:14 - Apam Foforɔ

¹⁴ Mene dwanhwɛfoɔ pa he, menim me deɛ, na me deɛ nso nim me,

Yohane 10:14 ပူးပေါင်းရင်းမြစ်များ

Yohane 10:11

“Mene dwanhwɛfoɔ pa he. Dwanhwɛfoɔ pa he de ne nkwa to hɔ ma nnwane he.

Yohane 10:13

Paani he dwane efiri sɛ ɔyɛ paani, na ɔnnwene nnwane he ho.

Yohane 10:27

Me nnwane te me nne. Menim bɛ, na bedi m’akyi.

Yohane 17:3

Na yei ne daa nkwa sɛ bebehu wo, wo a aoyɛ Nyankopɔn kann koro he, ne Yesu Kristo nea wasoma no he.

Yohane 17:8

efiri sɛ nsɛm a wode maa me he mede ama bɛ; na bɛ nso bɛagye; na bɛahu ampa sɛ, mefiri wo nkyɛne ne baeɛ, na bɛagye adi sɛ wone wosomaa me.

2 Korintofoɔ 4:6

efiri sɛ Nyankopɔn kaa sɛ, “Hann mfiri sum mu nhyerɛn,” ɔnoaa ne ahyerɛn yɛ akoma mu, sɛ Nyankopɔn animuonyam a ɔya Yesu Kristo anim he nimdeɛ nhyerɛn.

Efesofoɔ 1:17

Mebɔ mpaeɛ sɛ yɛ Awurade Yesu Kristo Nyankopɔn, animuonyam Agya he, bɛma ho nyansa ne adiyie honhom berɛ a hoahu no yi,

Efesofoɔ 3:19

na hoahu Kristo dɔ a ɔtra nimdeɛ nyinaa so, sɛnea ɔbɛyɛ a hobɛyɛ ma Nyankopɔn su nyinaa mu.

Filipifoɔ nwoma 3:8

Nɔkwasɛm ne sɛ, mebu nnoɔma nyinaa adehweredeɛ, ɔnam m’Awurade Kristo Yesu ho nimdeɛ he boɔ a ɔkyɛne so he nti. Ɔno nti mahwere nnoɔma nyinaa, na mebu adeɛ nyinaa sumina so adeɛ, na manya Kristo,

2 Timoteo 1:12

ɔno nti ne mehu saa amaneɛ yi nso. Nso m’ani nwu ho, efiri sɛ menim nea maagye no adi, na menim sɛ obetumi akora nea mede ahyɛ ne nsa akosi Da he.

2 Timoteo 2:19

sɛ yei nyina mu he Nyankopɔn fapem da soaa gyina hɔ pintinn a ho ntwerɛeɛ ne sɛ: “Awurade nim ne deɛ,” ɔne, “ma nea ɔbɔ Awurade dini biaa ntwe ne ho mfiri amumuyɔ ho.”

1 Yohane 5:20

Na yenim sɛ Nyankopɔn Ba he aba, na waama yɛ nteaseɛ ama yɛahu Nyankopɔn trodoo he. Yɛ abrabɔ ya Nyankopɔn trodoo he ne ne Ba Yesu Kristo he mu. Yei ne Nyankopɔn trodoo he ne nkwa a onni awieeɛ he.

Adiyisɛm 2:13

“Menim sɛ faako a wote he, hɔ ne Satan ahennwa si, nso wokuraa me dini mu, na woampa me gyidie, nna a bekuu me danseni nɔkwafoɔ Antipa a na ɔne ho ya hɔ, deɛ a Satan te he.

Adiyisɛm 2:19

“Menim wo nnwuma. Menim wo dɔ, wo gyidie, wo som ne wo boasetɔ. Menim sɛ wooyɔ adwuma sene kane he.

Adiyisɛm 2:2

“Menim wo nnwuma. Menim nsiyɛ a wode ayɔ adwuma ne boasetɔ a wowɔ. Menim sɛ wonnye nnebɔnyɛfoɔ, na afei woasɔ bɛ a bɛfrɛ bɛ ho asomafoɔ nso bɛnyɛ bi he ahwɛ, na woahu sɛ bɛyɛ atorɔfoɔ.

Adiyisɛm 2:9

“Menim amaneɛ a wohu maa Awurade na menim wo hia nso, nso woyɛ defoɔ honhom mu. Menim nsɛm a bɛ a bɛka sɛ bɛyɛ Yudafoɔ, nso bɛnyɛ Yudafoɔ he ka tia wo. Bɛyɛ Satan apamfoɔ.

Adiyisɛm 3:1

“Twerɛ krataa kɔma Sardi asafo he mu bɔfoɔ sɛ: “Yei ne nsɛm a ofiri nea ɔwɔ Nyankopɔn ahonhom nson ne nsoromma nson he nkyɛne. “Menim wo nnwuma; wowɔ dini sɛ wote ase deɛ, nso woawu.

Adiyisɛm 3:15

“Menim wo nnwuma. Wo a wonyɛ nwunu, wo nso a wonyɛ hye. Sɛ woyɛ nwunu anaa hye a, nka ɔyɛ!

Adiyisɛm 3:8

“Menim wo nnwuma. Hwɛ, mede pono bi a mabie a bi ntumi ntom asi w’anim. Menim sɛ wowɔ tumi ketewa bi deɛ, nso woadi me nkyerɛkyerɛ he so na woampa me dini.