Yohane 1:13 - Apam Foforɔ

¹³ Yeinom yɛ mma a omfiri mogyaa anaa nea honam pɛ anaa nea beema pɛ so ne awo bɛ, na mmom Nyankopɔn pɛ so ne ɔnam a bɛawo bɛ.

Yohane 1:13 ပူးပေါင်းရင်းမြစ်များ

Mateo 3:9

Honnsusu nka ne ho adwene mu sɛ, ‘Yɛyɛ Abraham asefoɔ’; na meeka akyerɛ ho sɛ, Nyankopɔn betumi anyane mma afiri boɔ yi mu ama Abraham sɛ mma.

Yohane 3:3

Yesu buaa no sɛ, “Meeka nɔkwasɛm paa akyerɛ wo sɛ, bɛamfiri soro anwo bi a ontumi nnya kyɛfa biaa Nyankopɔn ahennie he mu.”

1 Korintofoɔ 3:6

Meduaeɛ, Apolo guguu so nsuo, na ɔyɛ Nyankopɔn ne maa ne nyiniiɛ.

Filipifoɔ nwoma 2:13

efiri sɛ, Nyankopɔn ne yɔ ho mu adwuma, na ɔma ho pɛ a hode yɔ n’adwuma ama asɔ n’ani.

Tito 3:5

ɔgyee yɛ, ɔnyɛ tenenee nnwuma bi a yɛayɔ nti, na mmom ɔnam ne mmɔborɔhunu so faa nsuo adwareɛ a ɔnam awofoforɔ ne foforɔyɛ a ofiri Honhom Kronkron so ne gyee yɛ.

Yakobo 1:18

Ɔnam n’asɛm a ɔyɛ nɔkorɛ so ne woo yɛ, sɛdeɛ ɔbɛyɛ a ɔno ankasa ne pɛ bɛba mu, na yɛabɛyɛ sɛ n’abɔdeɛ mu aba a odi kane.

1 Petro 1:23

Na bɛamfiri aba a ɔporɔ mu, na mmom befiri nea ɔmporɔ mu, ɔne sɛ bɛnam Nyankopɔn asɛm a ɔte ase na ɔbɛtena hɔ he so ne awo bɛ foforɔ.

1 Petro 1:3

Nhyira nka yɛ Awurade Yesu Kristo Nyankopɔn; saa Nyankopon yi ne yɛ n’Agya nso. Esiane n’ahummɔborɔ pii nti, ɔnam nyane a onyanee Yesu Kristo firii wuo mu he so maa yɛ nkwa foforɔ. Yei ama yɛanya anidasoɔ a atim,

1 Petro 2:2

Honyɛ sɛ nkokoa a bɛɛpre honhom mu nofosuo kronkron anom na sɛ honom a, hoanyini akɔ nkwagyeɛ mu,

1 Yohane 3:9

Biaa a ɔyɛ Nyankopɔn ba he ntena bɔne mu, efiri sɛ, Nyankopɔn su ya ne mu na ɔnam sɛ Nyankopɔn awo no nti, ontumi ntena bɔne mu.

1 Yohane 4:7

Anuanom, homma yɛnnodɔ yɛ ho yɛ ho, efiri sɛ, dɔ firi Nyankopɔn. Nipa biaa a ɔwɔ dɔ he yɛ Nyankopɔn ba na onim Nyankopɔn nso.

1 Yohane 5:1

Nea ɔgye di sɛ Yesu ne Kristo he, Nyankopɔn ne awo no. Biaa nni hɔ a ɔdɔ bi na ɔnnɔ saa nipa he ba nso.

1 Yohane 5:18

Yenim sɛ Nyankopɔn ba biaa ntena bɔne mu, efiri sɛ, nea Nyankopɔn awo no he hwɛ ne ho so yie, na bɔnefoɔ he ntumi mfa ne nsa nka no.

1 Yohane 5:4

efiri sɛ, biaa a Nyankopɔn awo no di wiase so nkunim, na ɔnam yɛ gyidie so ama yɛadi wiase so nkunim.