Yakobo 2:18 - Apam Foforɔ

¹⁸ Nso bi bɛka sɛ, “Wowɔ gyidie, na me nso mewɔ nnwuma.” Kyerɛ me wo gyidie a nwuma nka ho, na mede me nnwuma bɛkyerɛ wo me gyidie.

Yakobo 2:18 ပူးပေါင်းရင်းမြစ်များ

Romafoɔ 14:23

Nso bɛ a bɛ adwene nsi bɛ pi he sɛ bedi a bedi fɔ, efiri sɛ bɛannyɔ no gyidie mu, na bibiaa a omfiri gyidie mu biaa yɛ bɔne.

Romafoɔ 3:28

Na yesi no pi sɛ ɔnam gyidie so ne bebu bi bem, na mmom omfiri mmara nnwuma mu.

Romafoɔ 4:6

Nti Dawid nso kasa faa nhyira a ɔba bɛ a Nyankopɔn kwati bɛ nnwuma bu bɛ bem he ho sɛ:

Romafoɔ 8:1

Nti afei afobuo biaa nni hɔ ma bɛ a bɛya Kristo Yesu mu,

Romafoɔ 9:19

Hedeɛ wobebisa me sɛ, “Mmɛ nti ne ɔda so hu mfomsoɔ? Na hwane ne betumi asi Nyankopɔn pɛ kwane?”

1 Korintofoɔ 13:2

Na sɛ mewɔ nkɔmhyɛ tumi, na meyɔ ahintasɛm ne nimdeɛ nyinaa mu nteaseɛ, na mewɔ gyidie nyinaa ma metumi tutu mmepɔ, na menni dɔ a, mensɛ hwee.

2 Korintofoɔ 5:17

Nti sɛ bi ya Kristo mu a, ɔyɛ abɔdeɛ foforɔ: nnoɔma dadaa he nyinaa atwam; hwɛ, nnoɔma nyinaa ayɛ foforɔ!

2 Korintofoɔ 7:1

Ɔnam sɛ yɛwɔ saa bɔhyɛ yi nti, adɔfoɔ, homma yɛnhohoro yɛ ho mfiri honam ne honhom fi nyinaa ho, na yɛ kronkronyɛ awie mu die Nyankopɔn suro mu.

Galatifoɔ 5:6

Na Kristo Yesu mu he, gyidie a ɔnam dɔ so yɔ adwuma nkoaa ne hia, na ɔnyɛ twetia bɛatwa bi anaa bentwaa no he ne hia.

1 Timoteo 1:5

Na afutusɛm he botae ne dɔ a ofiri akoma pa, ahonim pa ne nɔkorɛ gyidie mu ba.

Tito 2:7

Na bibiaa mu he, yi wo ho adi sɛ nnwuma pa nhwɛsoɔ, nkyerɛkyerɛ mu yi pɛyɛ, animuduro,

Hebrifoɔ 11:31

Ɔnam dwamanfoɔ Rahab gyidie so ne maa no gyee akwansrafoɔ he asomdwie mu a ne saa nti bɛ anku, na mmom bekuu asoɔdenfoɔ he.

Hebrifoɔ 11:33

yeinom ne nam gyidie so dii ahennie so nkunim, hwɛɛ sɛ atɛntenenee bɛyɔ adwuma, bɛ nsa kaa bɔhyɛ, mmua gyata ano,

Hebrifoɔ 11:6

Na sɛ gyidie nni hɔ a, biaa ntumi nsɔ Nyankopɔn ani, efiri sɛ ɔsɛ sɛ deɛ ɔba ne nkyɛne biaa gye di sɛ ɔya hɔ na ɔyɛ bɛ a bɛhwehwɛ n’akyi kwane he katuafoɔ.

Yakobo 2:14

Anuanom, mmɛ mfasoɔ ne ya so sɛ bi bɛka sɛ ɔwɔ gyidie na onni nnwuma? Saa nipa he gyidie betumi agye no nkwa anaa?

Yakobo 3:13

Ho mu hwane ne yɛ nyansafoɔ ne nimdefoɔ? Ma no mfa n’abrabɔ pa nkyerɛ sɛ ɔdwo, na ofiri nyansa mu ne yɔ ne nnwuma.