Romafoɔ 8:3 - Apam Foforɔ

³ Na Nyankopɔn ayɔ nea mmara he antumi anyɔ, ɔne sɛ ɔnam honam mmerɛyɛ nti ɔsomaa ɔnoaa ne Ba, honam subane mu maa no bɛyɛɛ nipa te sɛ yɛ nnipa adebɔneyɛfoɔ yi sɛ ɔne bɔne nni asie, na odii bɔne so nkunim honam mu,

Romafoɔ 8:3 ပူးပေါင်းရင်းမြစ်များ

Marko 15:27

Na bɛbɔɔ ɔne akwamukafoɔ mmienu asennuam, baako ya ne nifa ne baako ya ne benkum.

Yohane 1:14

Na Asɛm he bɛyɛɛ honam bɛtenaa yɛ mu, na yɛahu n’animuonyam sɛ Agya he Ba a ɔwoo no koro maa yɛ, adom ne nɔkorɛ ahyɛ no ma.

Yohane 9:24

Na bɛfrɛɛ nipa a na nka ɔyɛ nifirani he ne mprenu so ka kyerɛɛ no sɛ, “Fa animuonyam ma Nyankopɔn! Yɛ deɛ, yenim sɛ nipa yi yɛ debɔnyɛni.”

Asomafoɔ 13:39

Na saa Yesu yi ne ɔnam ne so a nnipa a bɛgye no di nyinaa nya bɔne fakyɛ bɔne a bɛantumi amfa Mose mmara so ammu ho bem ho.

Romafoɔ 3:20

efiri sɛ nipa biaa nni hɔ a obedi bem Nyankopɔn anim, sɛnea mmara he nnwuma teɛ, efiri sɛ yɛnam mmara he so ne yenya bɔne ho nimdeɛ.

Romafoɔ 6:6

Yenim sɛ bɛabɔ yɛ nipadua dada ne no asennua mu sɛnea ɔbɛyɛ a bɔne nipadua he bɛsɛe, na yɛankɔ so anyɔ bɔne nkoa.

Romafoɔ 7:18

Na menim sɛ bibi papa biaa nte me mu, mekyerɛ, me honam mu. Mewɔ pɛ pa sɛ mɛyɔ nea ɔyɛ, nso mentumi nyɔ,

Romafoɔ 8:32

Nea wamfa ɔno ankasa ne Ba ankame yɛ na ɔde no maa yɛ nyinaa he, ɔmmfa nnoɔma nyinaa nka ne (Ba he) ho mma yɛ kwa anaa?

Romafoɔ 9:3

Nka mepɛ sɛ bɛde me ankasa yɛ abusudeɛ na beyi me firi Kristo mu, me mane mufoɔ a bɛyɛ me honam fam abusuafoɔ nti.

2 Korintofoɔ 5:21

Na yɛ nti nea onnim bɔne he, Nyankopɔn de yɛ bɔne ho afobuo to ne so, sɛnea ɔbɛyɛ a yɛnam ne so bɛyɛ tenenee ama Nyankopɔn.

Galatifoɔ 3:13

Kristo bɛyɛɛ abusudeɛ maa yɛ, na ɔnam saa so gyee yɛ firii mmara nnomee he ase, efiri sɛ bɛatwerɛ sɛ, “Bɛadome biaa a ɔsɛne dua so”,

Galatifoɔ 3:21

Nti mmara he ko tia Nyankopɔn bɔhyɛ he anaa? Daabi da! Na sɛ bɛde mmara bi ama a otumi ma nkwa a, hedeɛ nka tenenee befiri mmara mu ne bɛba.

Filipifoɔ nwoma 2:7

na mmom ɔtoo ne ho mpan, faa akoa tebea too ne ho so, bɛyɛɛ nipa, na sɛ deɛ ɔyɔɔ n’adeɛ faeɛ he, behuu no sɛ nipa,

Hebrifoɔ 10:12

Nso mmerɛ a Kristo bɔɔ afɔreɛ baako maa bɔne afebɔɔ he, “ɔtenaa Nyankopɔn nifa so,”

Hebrifoɔ 10:14

Na ɔnam afɔreɛ baako pɛ so ama bɛ a bɛate bɛ ho nyinaa awie pɛyɛ afebɔɔ.

Hebrifoɔ 2:14

Nti sɛ mma he anya honam ne mogyaa korɔ he bi he, saa ne ɔno nso faa mu bi, sɛ ɔnam wuo so betu deɛ ɔwɔ wuo tumi a ɔne Bronsam he agu,

Hebrifoɔ 2:17

Nti na ɔsɛ sɛ ɔsɛ ne nuanom ade nyinaa mu, na wayɛ mmɔborɔhunu ne sɔfo panyini trodoo, Nyankopɔn fam nnoɔma mu, na wayɛ mane he bɔne ho mpatadeɛ.

Hebrifoɔ 4:15

efiri sɛ, sɔfopanyini a yɛwɔ he ɔnyɛ nea onni tema mma yɛ ya yɛ mmerɛyɛ mu, na ɔyɛ nea bɛasɔ no ahwɛ akwane nyinaa mu sɛ yɛ, na ne nyinaa mu he wannyɔ bɔne da.

1 Petro 2:24

Kristo he ankasa soaa yɛ bɔne ya ne honam mu kɔɔ asennua he so sɛnea yebewu ama bɔne, na yɛatena ase tenenee mu. Ne mmaa ntampeɛ mu ne hoanya ayaresa.