Romafoɔ 12:2 - Apam Foforɔ

² Na homfa wiase nhyehyɛeɛ yi so, na mmom honsakra ho adwene na honyɛ foforɔ, na hoasɛ ahwɛ ahu nea Nyankopɔn pɛ a ɔyɛ na ɔsɔ ani na odi mu.

Romafoɔ 12:2 ပူးပေါင်းရင်းမြစ်များ

Mateo 13:22

Na deɛ beguu no nkasɛe mu he, ɔno ne nipa a ɔte asɛm he a, wiase adwendwene ne ahonyadeɛ nnaadaa mia asɛm he, na ne saa nti, ontumi nso aba biaa.

Marko 4:19

wiase mu dadwene ne ahonya ho nnadaa ne nnoɔma a aka ho akɔnnɔ ba bemia asɛm he, na ɔmma no nso aba biaa.

Yohane 14:30

Me ne ho nkasa pii bio, na wiase sodifoɔ he ɔɔba, na onni tumi biaa me so

Yohane 15:19

Sɛ howɔ wiase afa a, wiase bɛdɔ ho sɛ ɔnoaa ne deɛ. Na esiane sɛ honni wiase afa, na mmom maayi ho afiri wiase nti, wiase tane ho.

Yohane 17:14

Mede w’asɛm ama bɛ, na wiase atane bɛ efiri sɛ bɛnyɛ wiase deɛ sɛnea me nso menyɛ wiase deɛ he.

Yohane 7:7

Wiase nni nnyinasoɔ biaa de tane ho, na me deɛ ɔtane me, efiri sɛ medi ne ho adanseɛ sɛ ne nnwuma yɛ bɔne.

Romafoɔ 12:1

Nti anuanom, megyina Nyankopɔn mmɔborɔhunu so ɔɔsrɛ ho sɛ, homfa ho nipadua nsi hɔ sɛ afɔdeɛ a ɔte ase, a ɔyɛ kronkron a ɔsɔ Nyankopɔn ani. Yei ne nyamesom pa.

Romafoɔ 13:14

Na mmom, homfa Awurade Yesu Kristo nhyɛ (sɛ ataadeɛ), na homma kwane mma honam, akɔnnɔ nni ho so!.

Romafoɔ 7:12

Nti mmara he yɛ kronkron, na mmaransɛm he yɛ kronkron, ɔtene na ɔyɛ papa nso.

Romafoɔ 7:14

Na yenim sɛ mmara he yɛ honhom; nso meya honam mu a, bɛatɔno me ahyɛ bɔne nkoasom ase.

Romafoɔ 7:22

Na m’ani gye Nyankopɔn mmara a ɔte me mu he ho,

1 Korintofoɔ 3:19

efiri sɛ wiase yi mu nyansa yɛ nkwaseasɛm ma Nyankopɔn. Na bɛatwerɛ sɛ, “Ɔkye anyansafoɔ bɛ aniteɛ mu”

2 Korintofoɔ 4:4

Bɛ mu ne wiase nyame afira bɛ a bɛnnye nni he adwene ani, sɛ benhu asɛmpa he ho hann a ɔyɛ Kristo a ɔyɛ Nyankopɔn subane he animuonyam.

2 Korintofoɔ 5:17

Nti sɛ bi ya Kristo mu a, ɔyɛ abɔdeɛ foforɔ: nnoɔma dadaa he nyinaa atwam; hwɛ, nnoɔma nyinaa ayɛ foforɔ!

Galatifoɔ 1:4

Yesu Kristo a yɛ bɔne nti ɔde ne ho maeɛ sɛ ɔbɛgye yɛ afiri wiase yi bɔne mu, sɛnea Nyankopɔn a ɔyɛ yɛ Agya pɛ he teɛ,

Efesofoɔ 1:18

na ama hoanya nteaseɛ, na hoahu anidasoɔ a ɔfrɛɛ ho baa mu he, nnoɔma a ɔyɛ ma n’animuonyam agyapadeɛ ahonyadeɛ ahoteefoɔ he mu,

Efesofoɔ 2:2

na hote mu he mu, na hodii wiase yi su akyi, tumidie ne mpanyinnie a ɔya wiem, honhom a nnɛ ɔyɔ adwuma asoɔdenfoɔ mu, he nkwa.

Efesofoɔ 5:17

Nti honnyɛ ho ho sɛ bɛ a bennim nyansa, na mmom honte Awurade pɛ ase.

Kolosefoɔ nwoma 1:9

Saa nti, ofiri da a yɛteeɛ he, yennyaeɛ mpaebɔ ne nkotosrɛ sɛ Nyankopɔn pɛ ho nimdeɛ nhyɛ ho ma honhom mu nyansa ne nteaseɛ nyinaa mu,

Kolosefoɔ nwoma 3:10

na hoahyɛ nipasu foforɔ a bɛnam nɔkorɛ nimdeɛ so a ɔɔyɔ no foforɔ sɛnea nea ɔbɔɔ no he subane teɛ.

Kolosefoɔ nwoma 4:12

Kristo Yesu somfo Epafra a ofiri ho mu he kyea ho. Daa odima ma ho dendenndene ya mpaebɔ mu, sɛ hobegyina hɔ pɛpɛɛpɛ, na hoayɛ ma Nyankopɔn apɛdeɛ nyinaa mu.

1 Tesalonikafoɔ 4:3

Na yei ne nea Nyankopɔn pɛ, ho ahoteɛ a ɔne sɛ hobɛtwe ho ho afiri adwamammɔ ho;

Tito 3:5

ɔgyee yɛ, ɔnyɛ tenenee nnwuma bi a yɛayɔ nti, na mmom ɔnam ne mmɔborɔhunu so faa nsuo adwareɛ a ɔnam awofoforɔ ne foforɔyɛ a ofiri Honhom Kronkron so ne gyee yɛ.

Yakobo 1:27

Nyamesom a ho te na nkekaeɛ nni mu a Agya Nyankopɔn ani sɔ di: Sɛ bi bɛdwene nyanka ne akunafoɔ ho, bɛ ahohiahia mmerɛ mu, na ɔbɛte ne ho afiri wiase nkekaeɛ ho.

Yakobo 4:4

Ei awaresɛefoɔ! Honnim sɛ wiase yi adamfofa yɛ tane a bɛ tane Nyankopɔn anaa? Biaa a ɔpɛ sɛ ɔyɛ wiase adamfo yɛ Nyankopɔn tamfoɔ.

1 Petro 1:14

Sɛ hoyɛ asoɔmmerɛ mma yi, ɔnsɛ sɛ homma akɔnnɔ abrabɔ a odii ho so berɛ a na honnim Nyankopɔn he di ho so bio,

1 Petro 1:18

Sɛ honim sɛ bɛamfa nnoɔma a ɔporɔ, te sɛ dwetɛ anaa sikakɔkɔɔ ne gyee ho firii ho abrabɔ hunu a ho nya firii ho agyanom nkyɛne he mu,

1 Petro 2:3

efiri sɛ hoaka Awurade ayamyɛ he ahwɛ.

1 Petro 4:2

Efiri seesei ɔɔkɔ he, ho nna a aka ya asaase so ha he, ɔsɛ sɛ Nyankopɔn ne di ho abrabɔ so, na mmom ɔnyɛ nipa akɔnnɔ.

2 Petro 1:4

Yeinom so ne ɔnam ama ne bɔhyɛ akɛseɛakɛseɛ a ɔsombo he aba mu ama yɛ, na honam yeinom so adwane akɔnnɔ mu porɔeɛ a ɔya wiase; na hoanya Nyankopɔn su he bi.

2 Petro 2:20

Na sɛ nipa sua yɛ Awurade ne yɛ Agyenkwa Yesu Kristo ho nsɛm, na ɔnam so dwane firi wiase yi mu akwammɔne so, na akyire yi ɔkɔ bɔne mu bio ma ɔdane bɔne akoa a, hedeɛ na tebea a ɔyam seesei he aseɛ koraa sene kane deɛ he.

1 Yohane 3:13

Nti anuanom, sɛ wiasefoɔ tane ho a, hommma ɔnnyɛ ho nwanwa.

1 Yohane 5:19

Yenim sɛ wiase nyinaa hyɛ bɔnefoɔ he tumi ase, nso yɛ deɛ yɛyɛ Nyankopɔn nkurofoɔ.

Adiyisɛm 12:9

Bɛtoo tweaseɛ kɛseɛ he tweneeɛ. Ɔno ne wɔ dadaa he a bɛfrɛ no Bronsam ne Satan he, ɔno ne daadaa wiase nyinaa he. Na bɛtoo no twenee asaase so a na n’abɔfoɔ nyinaa ka ne ho.

Adiyisɛm 13:8

Na bɛ a bɛte asaase so nyinaa bɛkoto no, meekyerɛ bɛ a bɛamfiri wiase ahyɛaseɛ antwerɛ bɛ dini Adwammaa a bekuu no he nkwa nwoma mu he.