Luka 8:41 - Apam Foforɔ

⁴¹ Saa berɛ heaa beema bi a ne dini de Yairo a ɔyɛ hyiadane mu panyini baeɛ. Na ɔbɛhwee Yesu nane ase srɛɛ no sɛ ɔmmra ne fie,

Luka 8:41 ပူးပေါင်းရင်းမြစ်များ

Luka 13:14

Hyiadane he mu panyini ani bereeɛ sɛ Yesu asa yadeɛ homeda he. Nti ɔka kyerɛɛ nnipakuo he sɛ, “Nnansia ne ɔsɛ sɛ bɛde yɔ adwuma, ɔno mu ne ɔsɛ sɛ ho ba na bɛsa ho yadeɛ, na ɔnyɛ homeda ne ɔsɛ sɛ ho ba.”

Luka 17:16

Na ɔde n’anim butu Yesu nane ase daa no ase; na ɔyɛ Samariani.

Luka 5:8

Berɛ a Simon Petro huu yei he, ɔkotoo Yesu nane ase kaa sɛ, “Awurade, firi me nkyɛne kɔ, na meyɛ debɔneyɛni!”

Luka 8:42

efiri sɛ na ɔwɔ babaa korɔ pɛ a wadi bɛyɛ mfie dummienu a ɔda awusu. Berɛ a ɔɔkɔ he, nnipadɔm he kyere ne so.

Luka 8:49

Na ogu so ɔɔkasa he, bi firi hyiadane mu panyini he fie bɛka kyerɛɛ Yairo sɛ, “Wo babaa he awu; nha kyerɛkyerɛfoɔ he bio.”

Yohane 11:21

Marta ka kyerɛɛ Yesu sɛ, “Awurade, sɛ na woya ha a, nka me nua beema yi anwu.

Asomafoɔ 13:15

Bɛkenkanee mmara ne adiyifoɔ he badwam wieeɛ he, hyiadane mu mpanyimfoɔ he somaa nnipa kɔɔ bɛ nkyɛne sɛ, “Anuanom, sɛ howɔ nkuranhyɛsɛm bi ma nnipa yi a, honka.”

Asomafoɔ 18:17

Nti bɛ nyinaa to hyɛɛ Sostene a ɔyɛ hyiadane mu panyini he so firii aseɛ hwee no atemmuo adwa he anim. Nso Galio anyɛ yeinom ho hwee.

Asomafoɔ 18:8

Krispo a na ɔyɛ hyiadane he mu panyini ne ne fiefoɔ nyinaa gyee Awurade diiɛ. Na Korintofoɔ he a betie Paulo he nso gye diiɛ na bɛbɔɔ bɛ asu.

Asomafoɔ 9:38

Na afei na hɔ bɛne Yopa nti, berɛ a asuafoɔ he tee sɛ Petro ya saa kuro he mu he, bɛsomaa mmeema mmienu kɔɔ ne nkyɛne kɔsrɛɛ no sɛ, “Yɛsrɛ wo ntwentwɛne wo nane ase sɛ wobɛba yɛ nkyɛne.”

Adiyisɛm 5:8

Ɔyɔɔ saa he, ateasefoɔ nnan he ne mpanyimfoɔ aduonu nnan he butubutuu adwamaa he anim. Na bɛ mu biaa kita sankuo ne sika ayowa a aduhwam, a ɔyɛ ahoteefoɔ mpaebɔ, ahyɛ no ma.