Luka 8:14 - Apam Foforɔ

¹⁴ Na nea oguu nkasɛe mu he ne bɛ a bɛte asɛm he, nso asetena yi mu dadwene ne ahonya ne anigyeɛ twetwe bɛ, na emia bɛ koraa ma nti sɛ bɛso aba mpo a aba he nyini nwie.

Luka 8:14 ပူးပေါင်းရင်းမြစ်များ

Mateo 13:22

Na deɛ beguu no nkasɛe mu he, ɔno ne nipa a ɔte asɛm he a, wiase adwendwene ne ahonyadeɛ nnaadaa mia asɛm he, na ne saa nti, ontumi nso aba biaa.

Marko 4:19

wiase mu dadwene ne ahonya ho nnadaa ne nnoɔma a aka ho akɔnnɔ ba bemia asɛm he, na ɔmma no nso aba biaa.

Luka 16:13

Akoa biaa nni hɔ a obetumi asom awuranom mmienu; efiri sɛ obebu baako animtia na ɔde anidie ama baako, anaa ɔbɛbata baako ho na watwe ne ho afiri baako ho. Hontumi nsom Nyankopɔn ne ahonyadeɛ.”

Luka 21:34

“Na honhwɛ ho ho so yie, na adidi mmorosoɔ ne nsaborɔ ne asetena mu dadwene anhyɛ ho akoma so, na da he ammɛto ho mpofirem te sɛ fidie,

Luka 8:13

Nea oguu abotane so he gyna hɔ ma bɛ a bɛte asɛm he a bɛde anigye gye, nso yeinom nni nhini; bɛgyidi berɛ tiaa bi mu, nso oduru sɔhwɛ berɛ a, na bɛawae.

Luka 8:15

Nea oguu asaase pa mu he, yɛ bɛ a bɛde akoma pa tie asɛm he wie a, bekura mu na bɛde boasetɔ so aba.

Luka 8:7

Bi nso koguu nkasɛe mu, na nkasɛe he nyini miaa no.

Yohane 15:6

Sɛ bi antena me mu a, betwa no twene sɛ mmabaa a mfasoɔ nni so; na bɛboaboa ano de kogu gya mu ma ɔhye.

1 Timoteo 6:17

Nnipa a bɛanya bɛ ho wiase yi mu he, hyɛ bɛ sɛ mma bɛnnwene akokurokosɛm, saa nso ne bɛmmfa bɛ ho nto ahonyadeɛ a onni hɔ daa so, na mmom bɛmfa bɛ ho nto Nyankopɔn a ɔma yɛ nea yɛpɛ nyinaa ma ɔdɔɔso he so.

2 Timoteo 4:10

Na Dema deɛ, ɔdɔ nnɛ wiase nti, waagya me hɔ kɔ Tesalonika; Kreske kɔ Galatia, Tito nso kɔ Dalmatia.

Hebrifoɔ 6:1

Nti afei, homma yɛmfa Kristo ho mfitiasesɛm he nto nkyɛne, na yɛmpere nkɔ nkyerɛkyerɛ a ɔfata bɛ a bɛ anyini Kristo mu he, na yɛansane anto fapem a ɔfa yeinom ho bio: nnwuma funu ho adwensakra ne Nyankopɔn mu gyidie,