Luka 8:13 - Apam Foforɔ

¹³ Nea oguu abotane so he gyna hɔ ma bɛ a bɛte asɛm he a bɛde anigye gye, nso yeinom nni nhini; bɛgyidi berɛ tiaa bi mu, nso oduru sɔhwɛ berɛ a, na bɛawae.

Luka 8:13 ပူးပေါင်းရင်းမြစ်များ

Marko 6:20

efiri sɛ, na Herode suro Yohane, esiane sɛ onim sɛ ɔyɛ teneneeni ne kronkronni, nti ɔbɔɔ ne ho bane. Sɛ otie no a, na waayɛ basaa nso na ɔpɛ sɛ otie no.

Luka 8:12

Nea oguu kwane nkyɛne he ne bɛ a bɛteeɛ, na Bronsam beyii asɛm he firii bɛ akoma mu na bɛannye anni annya nkwa.

Luka 8:14

Na nea oguu nkasɛe mu he ne bɛ a bɛte asɛm he, nso asetena yi mu dadwene ne ahonya ne anigyeɛ twetwe bɛ, na emia bɛ koraa ma nti sɛ bɛso aba mpo a aba he nyini nwie.

Yohane 15:2

Mmane biaa ɔnso aba he, oyi firi ho; na nea ɔsõ aba he oyiyi ho ma ne so bebree.

Yohane 15:6

Sɛ bi antena me mu a, betwa no twene sɛ mmabaa a mfasoɔ nni so; na bɛboaboa ano de kogu gya mu ma ɔhye.

Yohane 5:35

Na ɔyɛ kanea a ɔdɛre na ɔhyerɛn, na ho deɛ, na hopɛ sɛ ho ani gye mmerɛ kakra ne hann mu.

1 Korintofoɔ 13:2

Na sɛ mewɔ nkɔmhyɛ tumi, na meyɔ ahintasɛm ne nimdeɛ nyinaa mu nteaseɛ, na mewɔ gyidie nyinaa ma metumi tutu mmepɔ, na menni dɔ a, mensɛ hwee.

1 Korintofoɔ 15:2

sɛ ho sɔ mu yie a, ɔno ne ɔnam so bɛgye ho nkwa— gye sɛ ebia hogye dii kwa deɛ.

Galatifoɔ 3:1

O, Galatifoɔ a hoyɛ adwenharefoɔ! Hwane ne adaadaa ho saa. Ho ampa ara a bɛde Yesu Kristo a bɛbɔɔ no asennuam agyina ho anim akyerɛ pefee paa di!

Galatifoɔ 3:4

Nti hohuu saa amaneɛ yi kwa anaa? Mennye nni sɛ ɔte saa.

Efesofoɔ 3:17

ɔne sɛ Kristo nam gyidie so bɛtena ho akoma mu, sɛdeɛ hoagye nhini na ho ase atim dɔ mu.

Kolosefoɔ nwoma 1:23

nso gye sɛ hokɔ soaa tena gyidie he mu, na hogyina ho fapem he so pintinn a homma bɛntwe ho mfiri asɛmpa he anidasoɔ a hoteeɛ a bɛaka no wiase abɔdeɛ nyinaa mu, a me Paulo mayɛ ho somfoɔ he ho.

Kolosefoɔ nwoma 2:7

a bɛagye ahini, na bɛde bɛ ani asi Kristo so, na bɛayɛ dene gyidie mu, sɛdeɛ bɛkyerɛɛ ho heaa, na ho aseda adɔɔso.

1 Tesalonikafoɔ 3:5

Yei nti me nso, mesɔ mu a na ɔnsɔ bio he, mesomaeɛ, na mahu ho gyidie mu, na amma sɛ ebia sɔhwɛfoɔ he asɔ ho ahwɛ, ama yɛ mmɔdenmmɔ adwuma he ayɛ kwa.

1 Timoteo 1:19

berɛ a wokura gyidie ne ahonim pa a binom apia ato nkyɛne nti, nnipa binom ahwe ase gyidie mu he;

Hebrifoɔ 10:39

Nso yɛ deɛ, yɛnnka bɛ a bɛtwe bɛ ho sane akyi na bɛayera he ho, na mmom yɛka bɛ a bɛwɔ gyidie na bɛanya nkwa he ho.

Yakobo 2:26

Na sɛdeɛ nipadua a honhom nni mu he awu he, saa ara ne gyidie a nnwuma nni mu nso awu.

2 Petro 2:20

Na sɛ nipa sua yɛ Awurade ne yɛ Agyenkwa Yesu Kristo ho nsɛm, na ɔnam so dwane firi wiase yi mu akwammɔne so, na akyire yi ɔkɔ bɔne mu bio ma ɔdane bɔne akoa a, hedeɛ na tebea a ɔyam seesei he aseɛ koraa sene kane deɛ he.

2 Petro 2:22

Nea ɔbaa bɛ so he kyerɛ sɛ, saa bɛ yi yɛ nɔkorɛ: Kramane sane kɔ ne feɛ ho bio, na “prako a bɛadware no he nso kɔyantam ne ho atɛkyɛ mu.”

1 Yohane 2:19

Nɔkwasɛm ne sɛ, befiri yɛ mu ne kɔeɛ deɛ, nso na benni yɛ afa, na sɛ bɛya yɛ afa a, nka bɛne yɛ tenaa hɔ. Nso begyaa yɛ hɔ sɛnea bebehu no pefee sɛ benni yɛ afa.

Yuda 1:12

Yeinom yɛ ho dɔ adidie mu nkekaeɛ, bɛne ho bom oodidi, bɛmfɛre adeɛ, bɛyɛne bɛ ho; bɛte sɛ mununkum a nsuo nni mu a mframa twetwe kyinkyini, anaa nnua a so nhahane apere a onni aba, na awu mprenu a ne nhini atutu.