Luka 4:35 - Apam Foforɔ

³⁵ Yesu kaa n’anim hyɛɛ no sɛ, “Yɛ komm, na firi ne mu kɔ!” Nti honhommɔne he maa beema he twa hwee bɛ mfimfini, na ofirii ne mu kɔeɛ a wanyɔ beema he hwee.

Luka 4:35 ပူးပေါင်းရင်းမြစ်များ

Mateo 17:18

Na Yesu teatea honhommɔne he, na ofirii ne mu, na abɔfra he nyaa ayaresa saa berɛ heaa.

Mateo 8:26

Na ɔka kyerɛɛ bɛ sɛ, “Mmɛ ntia ho suro yi, ho a ho gyidie sua?” Na ɔsɔreeɛ na ɔteateaa mframa ne po he; na bɛyɛɛ dinn koraa.

Marko 1:26

Na honhom fi he maa no senseneeɛ, na ɔde nne kɛseɛ teaam, na ofirii ne mu kɔeɛ.

Marko 4:39

Onyaneeɛ, na ɔkaa mframa he anim ka kyerɛɛ po he sɛ, “Gyae, yɛ dinn!” Na mframa he ano brɛɛ ase, na ɔyɛɛ dinn.

Marko 9:26

Na ɔteaam, na soro kaa abeemaa he kɛse paa wieeɛ he honhommɔne he firri ne mu, na ɔyɔɔ sɛnea wawu, nti nnipa he bi kaa sɛ, “Waawu.”

Luka 11:22

Nso sɛ bi a ne ho ɔdene sene no bɛto hyɛ no so di no so a, ɔgye n’akodeɛ a ɔde ne ho to so he nyinaa, na ɔkyɛ nnoɔma a ɔfa firi ne nkyɛne he nyinaa.

Luka 4:23

Na ɔka kyerɛɛ bɛ sɛ, “Ampa hobebu me bɛ yi sɛ, ‘Yaresafoɔ, sa wo ho yadeɛ, yɔ nnoɔma a yɛtee sɛ ɔkɔɔ so Kapernaum he bi woaa wo kurom ha nso.’ ”

Luka 4:39

Nti ogyinaa n’atifi hyɛɛ abunu he sɛ omfiri ne so nkɔ, na abunu he firii ne so kɔeɛ. Mpofiremaa ɔsɔre firii aseɛ som bɛ.

Luka 4:41

Na ahonhommɔne nso firii bɛ mu pii mu teateam sɛ, “Wone Nyankopɔn Ba he.” Nso, ɔkaa bɛ anim, na wamma bɛ kwane sɛ bɛnkasa, efiri sɛ na benim no sɛ ɔno ne Kristo he.

Luka 8:24

Afei bɛkɔɔ ne nkyɛne konyanee no kaa sɛ. “Owura, Owura, yeebewuwu!” Onyaneeɛ he, ɔteateaa mframa he ne nsuo a abu afa so he, na ano brɛɛ ase, na ɔyɛɛ dinn.

Luka 9:39

na hwɛ, honhom bi ba ne so, na ɔteaam prɛko pɛ, na otwa no hwe fam sensene no ma n’ano pu ahuro, na obu fa so, na ɔha no kyɛre paa ansa na wafiri ne so.

Luka 9:42

Na abeemaa he ɔɔbɛne Yesu he, honhommɔne he ma otwa hwee fam na ɔsensenee dendenndene. Nso Yesu kaa honhom fĩ he anim, na ɔsaa abeemaa he yadeɛ de no maa ne papa.

Adiyisɛm 12:12

Nti ho a hote soro homma ho ani nnye. Afei asaase ne po nnue! Efiri sɛ, Bronsam he atoa ho, na ne bo afu efiri sɛ, onim sɛ, ne mmerɛ a aka sua!”