Luka 3:3 - Apam Foforɔ

³ Nti ɔkɔɔ nkuro a atwa Yordan ho ahyia nyinaa mu pae mu kaa adwensakra ho asubɔ a ɔde kɔ bɔne fakyɛ mu he ho asɛm,

Luka 3:3 ပူးပေါင်းရင်းမြစ်များ

Mateo 3:11

“Me deɛ mede nsuo ne bɔ asu kɔ adwensakram, na deɛ odi m’akyi ɔɔba he deɛ ɔkorɔn kyɛne me, na mensɛ mfata sɛ mekita ne mpaboa mpo. Ɔno ne nea ɔde Honhom Kronkron ne gya bɛbɔ ho asu.

Luka 1:16

na ɔbɛdane Israel mma pii asane aba Awurade bɛ Nyankopɔn nkyɛne.

Luka 1:77

na waama ne nkurofoɔ anya nkwagyeɛ a ɔnam bɛ bɔne fakyɛ so ba he ho nimdeɛ,

Luka 4:1

Na Yesu a Honhom Kronkron ahyɛ no mã he danee ne ho firii Yordan ho, na Honhom he de no kɔɔ serɛ so

Yohane 1:28

Yei siiɛ ya Betania a ɔya Yordan agya, baabi a na Yohane bɔ asu he.

Yohane 3:26

Nti bɛbaa Yohane nkyɛne bɛka kyerɛɛ no sɛ, “Kyerɛkyerɛfoɔ, beema a na ɔne woya Yordan agya a wodii ne ho adanseɛ he, ɔɔbɔ asu ha, na nnipa nyinaa ɔɔkɔ ne nkyɛne.”

Asomafoɔ 13:24

Yohane a odii Yesu anim baeɛ he kaa asubɔ a ɔyɛ adwensakra ho nsɛnkyerɛnne ho asɛm badwam kyerɛɛ Israelfoɔ nyinaa.

Asomafoɔ 19:4

Paulo kaa sɛ, “Yohane bɔɔ asu a ɔyɛ adwensakra ho nsɛnkyerɛnne, na ɔka kyerɛɛ nkurofoɔ he sɛ bennya deɛ odi n’akyi ɔɔba, a ɔne Yesu, he mu gyidie.”

Asomafoɔ 22:16

Na afei mmɛ nti ne wootwentwɛne wo nane ase? Sɔre, ma bɛmmɔ wo asu, nhohoro wo bɔne berɛ a wabɔ Awurade dini yi.’