Luka 20:16 - Apam Foforɔ

¹⁶ Ɔbɛba abɛsɛe nhwɛsofoɔ yi na ɔde bobe turo he ama nnipa foforɔ.” Bɛtee yei he bɛkaa sɛ, “Nyankopɔn mpa ngu!”

Luka 20:16 ပူးပေါင်းရင်းမြစ်များ

Mateo 21:34

Berɛ a twaberɛ duruiɛ he, ɔsomaa ne nkoa kɔɔ nhwɛsofoɔ he hɔ sɛ bɛnkɔgye n’afudeɛ mmra no.

Mateo 21:41

Bɛka kyerɛɛ no sɛ, “Ɔbɛsɛe saa nnipa bɔnefoɔ he pasaa, na ɔde bobe turo he ama nhwɛsofoɔ foforɔ a bɛde afudeɛ bɛbra no twaberɛ.”

Mateo 22:7

Na hene he bo fuiɛ. Ɔsomaa ne dɔm maa bɛkɔsɛe saa wudifoɔ he hyee bɛ kuro.

Marko 12:9

Nea bɛayɔ yi hosusu sɛ mmɛ ne bobe turo wura he de bɛyɔ bɛ? Ɔbɛba abɛsɛe ahwɛfoɔ he, na ɔde bobe turo he ahyɛ nnipa foforɔ nsa.

Luka 19:27

Bio nso, homfa m’atamfoɔ a bɛampɛ sɛ medi bɛ so hene he mmra ha na hommekuku bɛ m’anim.’ ”

Luka 20:15

Nti bɛpamoo no firii bobe turo he mu kokuu no. Afei, hosusu sɛ mmɛ ne bobeturo wura he de bɛyɔ bɛ?

Asomafoɔ 13:46

Na afei Paulo ne Barnaba kasaa akokoɔduro so sɛ, “Na ohia sɛ yɛka Nyankopɔn asɛm kyerɛ ho kane. Na ɔnam sɛ hoapo asɛm he na hobu ho ho sɛ homfata daa nkwa he nti, yɛde asɛm he ɔɔkɔ Amanamane mufoɔ hɔ.

Romafoɔ 11:1

Afei meebisa sɛ, nti Nyankopɔn apo ne nkurofoɔ? Daabi da! M’ankasa meyɛ Israelni a meyɛ Abraham aseni a mefiri Benyamin abusuakuo mu.

Romafoɔ 11:11

Nti meebisa sɛ, bɛasonti sɛ bɛbɛhwe ase? Daabi da! Nso ɔnam bɛ sintidua he so ama Amanamane mufoɔ anya nkwagyeɛ, sɛnea ɔbɛyɛ a Israel bɛtwe ninkunu.

Romafoɔ 3:31

Ɔsɛ sɛ yɛde saa gyidie he tu mmara he gu anaa? Daabi da! Na mmom, yɛma mmara he ase tim.

Romafoɔ 3:4

Daabi da! Ewom sɛ nnipa biaa nni nɔkorɛ, ma Nyankopɔn nyɛ nɔkwafoɔ, sɛnea bɛatwerɛ sɛ: “Sɛnea wobedi bem wo nsɛm mu. Na woadi nkunim w’atemmuo mu.”

Romafoɔ 3:6

Daabi da! Saa deɛ a mmɛ kwane ne Nyankopɔn bɛfa so abu wiase atɛne?

Romafoɔ 6:15

Afei mmɛ bio? Yɛnyɔ bɔne efiri sɛ yenni mmara ase na mmom adom ase anaa? Daabi da!

Romafoɔ 6:2

Daabi da, ɔnsɛ sɛ yɛyɔ saa koraa! Mmɛ nti ne ɔsɛ sɛ yɛ a yɛawu ama bɔne kɔ so tena bɔne mu?

Romafoɔ 7:13

Nti nea ɔyɛ papa he, adane wuo ama me anaa? Daabi da! Na mmom ɔyɛ bɔne a ɔnam nea ɔyɛ papa so de wuo di dwuma me mu, sɛnea ɔbɛyɛ a ɔbɛda adi sɛ bɔne yɛ bɔne, na ɔnam mmaransɛm he so ama bɔneyɔ aboroso.

Romafoɔ 7:7

Ne saa nti mmɛ ne yɛnka? Mmara he yɛ bɔne anaa? Daabi da! Nso, sɛ ɔnyɛ mmara he a, nka na menim bɔne. Sɛ mmara he anka sɛ, “Mma w’ani mmere adeɛ” a, nka na mennim nea bɛfrɛ no anibereɛ.

Romafoɔ 9:14

Hedeɛ mmɛ ne yɛbɛka? Atɛntenenee nni Nyankopɔn fam? Daabi da!

1 Korintofoɔ 6:15

Honnim sɛ ho nnipadua he yɛ Kristo akwaa? Ɔsɛ sɛ mede Kristo akwaa yɛ adwamammɔ akwaa anaa? Daabi da!

Galatifoɔ 2:17

Nso sɛ berɛ a yɛbɔ mmɔdene sɛ bebebu yɛ bem Kristo mu he, sɛ behu nso sɛ yɛyɛ nnebɔnyɛfoɔ a, na Kristo yɛ bɔne akoa anaa? Daabi da, ɔnte saa koraa!

Galatifoɔ 3:21

Nti mmara he ko tia Nyankopɔn bɔhyɛ he anaa? Daabi da! Na sɛ bɛde mmara bi ama a otumi ma nkwa a, hedeɛ nka tenenee befiri mmara mu ne bɛba.

Galatifoɔ 6:14

Menhoahoa me ho bibiaa ho ka yɛ Awurade Yesu Kristo asennua a ɔnam so abɔ wiase asennua mu ama me, na me nso bɛabɔ me asennua mu ama wiase.