Galatifoɔ 2:2 - Apam Foforɔ

² Ɔnam adiyie bi so nti ne mekɔeɛ. Na mede asɛmpa a meka no Amanamane mufoɔ mu he too bɛ anim (mmom ɔyɛ mpanyimfoɔ a bɛagye bɛ atom he ne me ne bɛ yɔɔ kokoam nhyiamu), sɛnea ɔbɛyɛ a mirika a meetu, anaa nea metuiɛ he, ɔnyɛ kwa.

Galatifoɔ 2:2 ပူးပေါင်းရင်းမြစ်များ

Mateo 10:16

“Hwɛ, meesoma ho sɛ nnwane akɔ mpataku mfimfini; nti honya nyansa sɛ wɔ, na honyɛ nnipa a ho ho nni asɛm te sɛ mmuburo.

Asomafoɔ 15:12

Na nnipadɔm he nyinaa yɛɛ komm, na betiee Barnaba ne Paulo berɛ a bɛkaa nsɛnkyerɛnne ne anwanwadeɛ a Nyankopɔn nam bɛ so ayɔ ama amanamane mufoɔ ho asɛm.

Asomafoɔ 15:2

Na Paulo ne Barnaba ne bɛ dii anobaabaeɛ asɛm he ho wieeɛ he, beyii Paulo ne Barnaba ne nnipa binom kaa ho sɛ bɛnkɔ Yerusalem na bɛ ne asomafoɔ he ne mpanyimfoɔ he nkɔ booboo asɛm he ho.

Asomafoɔ 15:4

Na beduruu Yerusalem he, asafo he ne asomafoɔ ne mpanyimfoɔ he gyee bɛ, na bɛkaa nea Nyankopɔn de bɛ ayɔ nyinaa kyerɛɛ bɛ.

Asomafoɔ 18:9

Da koro anadwo bi, Awurade kaa no anisoadehunu mu kyerɛɛ Paulo sɛ, “Nsuro, kasa na mmua w’ano,

Asomafoɔ 23:11

Saa anadwo he Awurade begyinaa ne nkyɛne kaa sɛ, “Nya akokoɔduro! Sɛnea wo adi me ho adanseɛ Yerusalem he, saa ara nso ne otwa sɛ wodi me ho adanseɛ Roma nso.”

Asomafoɔ 5:34

Nso Farisini bi a bɛfrɛ no Gamaliel a ɔyɛ mmarakyerɛni a nkurofoɔ he nyinaa de anidie ma no, sɔre gyinaa Sanhedrin he anim, na ɔhyɛɛ sɛ bɛmfa mmeema he mfiri adi kakra.

Romafoɔ 9:16

Ne saa nti onyina nipa pɛ anaa nhyɛ so, na mmom Nyankopɔn a ohu mmɔbɔ he so.

1 Korintofoɔ 1:23

Na yɛ deɛ, yɛka Kristo a bɛbɔɔ no asennuam he ho asɛm, ɔyɛ sintidua ma Yudafoɔ na ɔyɛ nkwaseasɛm ma Helafoɔ;

1 Korintofoɔ 2:2

Na mmom nɛbɔɔ me tim pɔ sɛ memmfa m’adwene nsi bibiaa so ka Yesu Kristo, ne bɔ a bɛbɔɔ no asennua mu he ho.

1 Korintofoɔ 9:24

Honnim sɛ mmirikatufoɔ nyinaa si akane akansie mu, nso baako pɛ ne nya nkunim abotire he? Saa ara nso ne hontu mmirika sɛdeɛ hobedi nkunim.

1 Korintofoɔ 9:26

Nti mentu mmirika kwa, memmɔ akuturuku te sɛ nea meeboro mframa mu kwa;

2 Korintofoɔ 12:1

Ɔsɛ sɛ mehoahoa me ho, nso mfasoɔ biaa nni so, nti mɛka Awurade anisoadehunu ne adiyie ho asɛm.

Galatifoɔ 1:12

efiri sɛ, mannya no nnipa nkyɛne, saa ara nso ne ɔnyɛ nea nipa bi ne kyerɛkyerɛɛ me, na mmom ɔnam Yesu Kristo adiyie mu ne me nsa kaeɛ.

Galatifoɔ 1:16

sɛ obeyi ne Ba he adi akyerɛ me, sɛnea ɔbɛyɛ a mɛpae mu aka ne ho asɛm Amanamane mufoɔ mu he, me ne nipa biaa antu ho agyina.

Galatifoɔ 1:6

Ɔyɛ me ahodwiri sɛ hootwe ho ho ntɛm afiri nea ɔnam Kristo adom so frɛɛ ho he ho na hoodane ho ho akɔfa nea hodwene sɛ ɔyɛ asɛmpa foforɔ,

Galatifoɔ 2:6

Na bɛ a nnipa bu bɛ sɛ akannifoɔ he (sɛnea bɛteɛ biaa nyɛ hwee mma me; Nyankopɔn nyɛ nyiyimu), mefam deɛ saa akannifoɔ he amfa bibi foforɔ biaa amma;

Galatifoɔ 2:9

na berɛ a Yakobo ne Kefa ne Yohane a bebu bɛ sɛ asafo he akannifoɔ he huu adom a manya he, bɛde bɛ nsa nifa too me ne Barnaba nsam kyerɛɛ ayɔnkofa a ɔda yɛ ntam, na bɛpenee so sɛ yɛnkɔ Amanamane mufoɔ bɛ mu na bɛ nso bɛnkɔ twetiatwafoɔ he mu.

Galatifoɔ 5:7

Na hootu mmirika he yie; na afei deɛ hwane ne sii ho kwane sɛ honntie nɔkorɛ he?

Filipifoɔ nwoma 2:16

berɛ a hokita nkwa nsɛm he mu dene na ama matumi ahoahoa me ho Kristo da he sɛ mantu mirika hunu anaa manyɔ adwuma hunu.

Filipifoɔ nwoma 2:29

Nti homfa anigyeɛ nnye no fɛ so Awurade mu, honni nnipa a bɛte saa he ni,

1 Tesalonikafoɔ 3:5

Yei nti me nso, mesɔ mu a na ɔnsɔ bio he, mesomaeɛ, na mahu ho gyidie mu, na amma sɛ ebia sɔhwɛfoɔ he asɔ ho ahwɛ, ama yɛ mmɔdenmmɔ adwuma he ayɛ kwa.

2 Timoteo 4:7

Maakõ kõ pa he, maawie mmirika he tu, maakura gyidie he mu.

Hebrifoɔ 12:1

Saa nti yɛ nso, esiane sɛ adansefoɔ bebree atwa yɛ ho ahyia yi, homma yɛnto adesoa ne bɔne biaa a ɔkyekyere yɛ na ɔtwe yɛ he ngu, na yɛmfa animia ntu akansie a ɔda yɛ anim he mu mmirika,