Efesofoɔ 6:19 - Apam Foforɔ

¹⁹ Hommɔ mpaeɛ mma me nso, na sɛ mebie m’ano a, manya akokoɔduro a mede bɛpae mu aka asɛmpa he ho ahintasɛm,

Efesofoɔ 6:19 ပူးပေါင်းရင်းမြစ်များ

Asomafoɔ 13:46

Na afei Paulo ne Barnaba kasaa akokoɔduro so sɛ, “Na ohia sɛ yɛka Nyankopɔn asɛm kyerɛ ho kane. Na ɔnam sɛ hoapo asɛm he na hobu ho ho sɛ homfata daa nkwa he nti, yɛde asɛm he ɔɔkɔ Amanamane mufoɔ hɔ.

Asomafoɔ 14:3

Na bɛtenaa hɔ berɛ pii de akokoɔduro kasa maa Awurade, na Awurade ankasa dii n’adom ho asɛm he ho adanseɛ denam nsɛnkyerɛnne ne anwanwadeɛ ahodoɔ a ɔnam bɛ nsa so yɔeɛ he so.

Asomafoɔ 18:26

Na ɔhyɛɛ aseɛ sɛ ɔde akokoɔduro ɔɔkasa hyiadane he mu, nso berɛ a Priskila ne Akwila tiee no he, bɛfaa no kɔɔ nkyɛne baabi kyerɛkyerɛɛ no Nyankopɔn kwane he mu pɛpɛɛpɛ.

Asomafoɔ 19:8

Paulo kɔɔ hyiadane he mu, de akokoɔduro kasaeɛ, na bosome mmeɛnsa ne ɔkasaeɛ, na ɔkaa Nyankopɔn ahennie ho asɛm a ɔtɔ asum.

Asomafoɔ 2:4

Na Honhom Kronkron bɛhyɛɛ bɛ nyinaa ma ma, na befiri aseɛ sɛ kaa kasa foforɔ, sɛnea Honhom he de maa bɛ sɛ bɛnka.

Asomafoɔ 28:31

na ɔkaa Nyankopɔn ahennie ho asɛm de nnamyɛ kɛseɛ kyerɛkyerɛɛ bɛ Awurade Yesu Kristo ho nsɛm a bibiaa ansi ho kwane.

Asomafoɔ 4:13

Na behuu sɛnea Petro ne Yohane kasa akokoɔduro so he, na behuu sɛ bɛyɛ nnipa a bensuaa nwoma na bɛyɛ mpapahwekwaa he, ɔyɛɛ bɛ nwanwa. Na behuu sɛ na bɛne Yesu ne nanteeɛ.

Asomafoɔ 4:29

Na afei, Awurade, hwɛ bɛ ahunahuna, na ma wo nkoa mfa akokoɔduro nyinaa nka w’asɛm,

Asomafoɔ 4:31

Berɛ a bewiee mpaebɔ he, baabi a behyiaam he wosoeɛ, na Honhom Kronkron bɛhyɛɛ bɛ nyinaa mama na bɛde akokoɔduro kaa Nyankopɔn asɛm he.

Asomafoɔ 9:27

Nti Barnaba boaa no de no kɔɔ asomafoɔ he nkyɛne, na ɔkaa sɛnea ɔde akokoɔduro akasa Yesu dini mu Damasko he ho nsɛm nyinaa kyerɛɛ bɛ.

Asomafoɔ 9:29

Na ɔne Yudafoɔ a bɛka Hela kasa he kasa dii anobaabaeɛ. Na bɛbɔɔ mmɔdene sɛ bebeku no.

Romafoɔ 15:30

Nso anuanom, megyina yɛ Awurade Yesu Kristo ne Honhom he dɔ so, srɛ ho sɛ hommoa me, na homfa mpaebɔ nsrɛ Nyankopɔn aniberɛ so mma me,

Romafoɔ 16:25

Afei Nyankopɔn a otumi hyɛ ho dene sɛnea m’asɛmpa he teɛ ne Yesu Kristo ho asɛnka, sɛnea adiyie ahintasɛm a bɛde siee teteete

1 Korintofoɔ 1:5

sɛ nnoɔma nyinaa mu hoadi yie Kristo mu, kasa ne nimdeɛ nyinaa mu—

1 Korintofoɔ 2:7

Na mmom yɛka Nyankopɔn ho ahintasɛm ne nyansasɛm a bɛde asie, deɛ Nyankopɔn ka too hɔ ansa na ɔɔbɛhyɛ wiase ase, sɛ ɔde bɛhyɛ yɛ animuonyam he.

1 Korintofoɔ 4:1

Saa ne yɛ nso, hommu yɛ sɛ Kristo asomfoɔ ne Nyankopɔn ahintasɛm so ahwɛsofoɔ.

2 Korintofoɔ 1:11

Deɛ ho nso hobetumi ayɔ aboa ne sɛ hobɛsrɛ ama yɛ, na ama nnipa pii ada ase ama yɛ ya deɛ nnipa pii mpaebɔ nti bɛde adom yɛ he ho.

2 Korintofoɔ 3:12

Ɔnam sɛ yɛwɔ saa anidasoɔ yi nti, yɛde akokoɔduro kasa,

2 Korintofoɔ 6:11

O! Korintofoɔ; yɛakasa akyerɛ ho nɔkorɛ kwane so, yɛabie yɛ akoma mu ama ho.

2 Korintofoɔ 7:4

Mede ho hoahoa me ho, mewɔ ahotɔsoɔ pii ya ho mu; awerɛkyekyerɛ ahyɛ me ma; na m’ani gye boro so yɛ ahohia nyinaa mu mpo.

2 Korintofoɔ 8:7

Afei sɛnea hoda nsõ adeɛ nyinaa mu he—gyidie mu, kasa mu, nimdeɛ mu, ahokeka mu, ɔne ho dɔ a hode dɔ yɛ he mu— saa ne yɛ pɛ sɛ hoda nsõ saa adom adwuma yi nso mu.

Efesofoɔ 1:9

Na waama yɛahu nyansa nyinaa ne nhunumu ahintasɛm a ɔpɛ he, sɛnea osiesiee no Kristo mu he.

Efesofoɔ 3:9

Na afei nso, waama nnipa nyinaa ahu nhyehyɛeɛ a bɛahyehyɛ a ɔfa ahintasɛm a bɛde asie tete mmerɛ nyinaa Nyankopɔn a ɔbɔɔ adeɛ nyinaa he mu;

Kolosefoɔ nwoma 2:2

Mepɛ sɛ benya nkuranhyɛ bɛ akoma mu na bɛka bom dɔ mu, na bɛanya nteaseɛ pa nyinaa, na bɛanya Nyankopɔn ahintasɛm ho nimdeɛ a ɔne Kristo he ankasa.

Kolosefoɔ nwoma 4:3

Na hommɔ mpaebɔ mma yɛ nso, sɛ Nyankopɔn bebie pono ama n’asɛm, sɛ yɛbɛka Kristo ho ahintasɛm a ɔno nti meda afiase he,

1 Tesalonikafoɔ 2:2

na ɔyam sɛ yedii kane huu amane na beguu yɛ anim ase ya Filipi deɛ, nso sɛdeɛ honim he, yenyaa akokoɔduro ya yɛ Nyankopɔn mu paee mu kaa Nyankopɔn asɛmpa, ɔmfa ho ne sɔretia kɛseɛ a ɔbaa yɛ so he mpo.

1 Tesalonikafoɔ 5:25

Adɔfoɔ, hommɔ mpaeɛ mma yɛ.

2 Tesalonikafoɔ 3:1

Anuanom, deɛ otwa toɔ ne sɛ, hommɔ mpaeɛ mma yɛ, na Awurade asɛm nya kwane nkɔ so, na bɛnhyɛ no animuonyam sɛnea ɔteɛ ho fam he nso,

1 Timoteo 3:16

Akyinnye nni ho sɛ yɛ som yi mu ahintasɛm he so: Beyii no kyerɛ honam mu, bebuu no bem honhom mu, abɔfoɔ huu no, bɛpaee mu ka ne ho asɛm amanamane mu, bɛgyee no diiɛ wiase, bɛfaa no kɔ soro animuonyam mu.

Filemon 1:22

Na yei akyi he siesie ahɔhodane ma me, efiri sɛ mewɔ anidasoɔ sɛ ho mpaebɔ nti ho nsa bɛka me bio.

Hebrifoɔ 13:18

Hommɔ mpaeɛ ma yɛ; efiri sɛ yɛwɔ ahotɔsoɔ sɛ yɛwɔ ahonim a ho te, yɛasiesie yɛ ho sɛ yebedi nɔkorɛ nnoɔma nyinaa mu.