Efesofoɔ 5:8 - Apam Foforɔ

⁸ Na kane he na hoyɛ sum, nso afei deɛ hoyɛ hann Awurade mu, nti hommɔ ho bra sɛ hann mma—

Efesofoɔ 5:8 ပူးပေါင်းရင်းမြစ်များ

Mateo 3:8

Honso aba a ɔfata adwensakra.

Mateo 4:16

nkurofoɔ a na bɛte sum mu he bɛahu hann kɛseɛ, na bɛ a bɛte sum mu he, bɛahu hann kɛseɛ bi; na bɛ a bɛte wuo sunsum asaase so he, hann apie bɛ so.”

Luka 1:79

ama bɛ a bɛtete sum ne wuo sunsum ase he anya hann, na wagye yɛ taataa akɔ asomdwie kwane so.”

Luka 16:8

Na fiewura he kamfõõ fiehwɛfoɔ nitefoɔ he, efiri sɛ ɔde n’adwene yɔɔ adwuma; yei mpo kyerɛ sɛ, wiase yi mu mma yɛ anitefoɔ sene hann mma bɛ mfɛfoɔ mu.

Yohane 1:9

Saa berɛ he, na hann trodoo a ɔhyerɛn ma nnipa nyinaa he ɔɔba wiase.

Yohane 12:35

Yesu ka kyerɛɛ bɛ sɛ, “Hann he bɛtena ho nkyɛne kakra. Howɔ hann he, honante na sum anni ho so. Na deɛ ɔnante sum mu he nnim baabi a meekɔ.

Yohane 12:36

Howɔ hann he yi, honye hann he nni, na hoayɛ hann he mma.” Na Yesu kaa yei wieeɛ he, ofirii hɔ kohintaeɛ.

Yohane 12:46

Maaba wiase sɛ hann, na biaa a ɔgye me di he antena sum mu.

Yohane 8:12

Na Yesu ka kyerɛɛ bɛ bio sɛ, “Mene wiase hann. Nea odi m’akyi he nnante sum mu da, na obenya nkwa hann he.”

Asomafoɔ 17:30

Nyankopɔn buu n’ani guu mmerɛ a na bennim hwee he so, nso afei ɔɔka akyerɛ adasamma a bɛya mmaa nyinaa sɛ biaa nsakra n’adwene,

Asomafoɔ 26:18

na woabie bɛ ani, adane bɛ afiri sum mu aba hann mu, na bɛafiri Satan tumi mu aba Nyankopɔn nkyɛne, na bɛanya bɔne fakyɛ ne agyapadeɛ bɛ a bɛnam me mu gyidie so ate bɛ ho mu.’

Romafoɔ 1:21

efiri sɛ benim Nyankopɔn deɛ, nso bɛamfa anidie amma no sɛ Nyankopɔn na bɛanna no ase, nso nea bɛdwene he yɛ nsemhunu, na bɛ adwene hunu he yɛɛ sum.

Romafoɔ 13:12

anadwo akɔ n’anim, adekyeɛ abɛne. Saa nti ho ma yɛnto sum nnwuma ngu na yɛmfa hann akodeɛ;

Romafoɔ 2:19

na wogye di sɛ wokyerɛ anifirafoɔ kwane, woyɛ hann ma bɛ a bɛnam sum mu,

1 Korintofoɔ 1:30

Nyankopɔn yɛ ho nkwa a howɔ no Kristo Yesu mu he farebae. Na Yesu Kristo yi ne bɛyɛɛ nyansadeɛ a ofiri Nyankopɔn hɔ maa yɛ he, ɔno ne tenenee ne ahoteɛ ne gyeɛ,

2 Korintofoɔ 3:18

Na yɛ nyinaa yɛayi nkatanimu he afiri yɛ anim ne yɛɛhwɛ Awurade animuonyam te sɛ yɛɛhwɛ ahwehwem, wasesa yɛ afiri adom mu kɔ adom mu, na yei firi Awurade, honhom he.

2 Korintofoɔ 4:6

efiri sɛ Nyankopɔn kaa sɛ, “Hann mfiri sum mu nhyerɛn,” ɔnoaa ne ahyerɛn yɛ akoma mu, sɛ Nyankopɔn animuonyam a ɔya Yesu Kristo anim he nimdeɛ nhyerɛn.

2 Korintofoɔ 6:14

Ho ne bɛ a bɛnnye nni nnya twaka biaa. Na mmɛ ayɔnkofa ne da tenenee ne amumuyɔ ntam? Anaa ayɔnkofa bɛneɛ ne da hann ne sum ntam?

Galatifoɔ 5:25

Sɛ yɛte ase Honhom mu a, homma Honhom he nkyerɛ yɛ kwane.

Efesofoɔ 2:2

na hote mu he mu, na hodii wiase yi su akyi, tumidie ne mpanyinnie a ɔya wiem, honhom a nnɛ ɔyɔ adwuma asoɔdenfoɔ mu, he nkwa.

Efesofoɔ 4:18

Bɛ adwene aduru sum, bɛmmɛne Nyankopɔn nkwa he ho, efiri sɛ, benni ho nimdeɛ ɔnam bɛ akoma pirim nti;

Efesofoɔ 5:2

na hontena dɔ mu, sɛnea Kristo dɔɔ yɛ na ɔde ne ho maeɛ sɛ ayɛyɛdeɛ ne afɔrebɔdeɛ a oohwam ma Nyankopɔn, ɔnam yɛ nti.

Efesofoɔ 6:12

efiri sɛ ɔnyɛ nnipa ne yɛ ne bɛ oodi asie, na mmom yɛ ne mpanyinnie, tumidie, wiase yi sum mu atumfoɔ, ahohommɔne a bɛya soro meamea ne oodi asie.

Kolosefoɔ nwoma 1:12

berɛ a hode aseda ɔɔma Agya a waama hoafata sɛ honya ahoteefoɔ a bɛya hann he mu agyapadeɛ mu kyɛfa.

Kolosefoɔ nwoma 1:13

Ɔno ne agye yɛ afiri sum tumi mu, na ɔde yɛ akotim ne dɔ Ba he ahennie mu,

Tito 3:3

efiri sɛ, berɛ bi a atwam a na yɛ nso yennim nyansa, na yɛyɛ asoɔdenfoɔ, na yɛamane afiri kwane pa he so, na yɛyɛ nkoa ma akɔnnɔ ahodoɔ ne anigyedeɛ he, yɛde nitane ne ahoɔyeya ne bɔɔ yɛ bra, a na yɛ ho yɛ ahi, tentanee yɛ ho yɛ ho.

1 Yohane 1:7

Na sɛ yɛnante hann he mu sɛnea ɔno nso nante mu he a, hedeɛ na yɛ ne yɛ ho yɛ ho wɔ ayɔnkofa, na ne Ba Yesu he mogyaa te yɛ ho firi bɔne nyinaa ho.