Efesofoɔ 5:2 - Apam Foforɔ

² na hontena dɔ mu, sɛnea Kristo dɔɔ yɛ na ɔde ne ho maeɛ sɛ ayɛyɛdeɛ ne afɔrebɔdeɛ a oohwam ma Nyankopɔn, ɔnam yɛ nti.

Efesofoɔ 5:2 ပူးပေါင်းရင်းမြစ်များ

Mateo 20:28

sɛdeɛ Nipa Ba he nso amma sɛ bɛnsom no na mmom ɔbɛsomeɛ na ɔde ne nkwa ayɛ agyedeɛ ama nipa bebree he.”

Yohane 13:34

Ahyɛdeɛ foforɔ ne mede ɔɔma ho sɛ, honnodɔ ho ho sɛnea medɔɔ ho he, saa ne ho nso honnodɔ ho ho ho ho.

Yohane 6:51

Mene paanoo a nkwa yam a mesiane firi soro baeɛ he, sɛ bi di paanoo yi bi a, ɔbɛtena ase daa. Na paanoo a mede bɛma wiase nkwa he ne me honam.”

Romafoɔ 15:16

sɛ mɛnyɛ Kristo somfoɔ mma Amanamane mufoɔ sɛ Nyankopɔn asɛmpa he ho asɔfodwuma, na Amanamane mufoɔ afɔrebɔ ayɛ nea Honhom Kronkron ate ho a ɔsɔ ani.

Romafoɔ 4:25

Yesus ne yɛ bɔne nti beyii no maa wuo na yɛ bembuo nti bɛyanee no he.

Romafoɔ 8:3

Na Nyankopɔn ayɔ nea mmara he antumi anyɔ, ɔne sɛ ɔnam honam mmerɛyɛ nti ɔsomaa ɔnoaa ne Ba, honam subane mu maa no bɛyɛɛ nipa te sɛ yɛ nnipa adebɔneyɛfoɔ yi sɛ ɔne bɔne nni asie, na odii bɔne so nkunim honam mu,

Romafoɔ 8:37

Nso, yeinom nyinaa mu he yɛnam nea ɔdɔ yɛ he so adi nkunim.

1 Korintofoɔ 16:14

Nea hobɛyɔ nyinaa, honyɔ no dɔ mu.

1 Korintofoɔ 5:7

Honyi mmɔreka dadaa he nyinaa sɛdeɛ ɔbɛyɛ a hobɛyɛ foforɔ, efiri sɛ mmɔreka biaa nni ho mu, efiri sɛ bɛaya de Kristo a ɔyɛ yɛ twam dwane he abɔ afɔdeɛ.

2 Korintofoɔ 2:14

Nso aseda nka Nyankopɔn a odi yɛ asɛm daa ya yɛ ne Kristo nkunimdie santene he mu; ɔma yɛ so ma bɛte ne nimdeɛ hwa ya baabiaa.

2 Korintofoɔ 2:15

Na yɛte sɛ Kristo hwa ma Nyankopɔn ya bɛ a bɛɛgye bɛ ne bɛ a bɛɛyera mu;

2 Korintofoɔ 8:9

Na honim yɛ Awurade Yesu Kristo adom he, sɛ na ɔde ne ho adeɛ nyinaa mu deɛ, nso ho nti ɔgyaee ne nyinaa too hɔ, na ama ho abɛyɛ adefoɔ nnoɔma nyinaa mu.

Galatifoɔ 1:4

Yesu Kristo a yɛ bɔne nti ɔde ne ho maeɛ sɛ ɔbɛgye yɛ afiri wiase yi bɔne mu, sɛnea Nyankopɔn a ɔyɛ yɛ Agya pɛ he teɛ,

Galatifoɔ 2:20

na ɔnyɛ me ne mete ase bio, na mmom ɔyɛ Kristo ne te me mu, nɔkwasɛm ne sɛ m’ase a mete no honam mu seesei yi, mete no Nyankopɔn Ba a ɔdɔ me na ɔde ne ho maa me he mu gyidie mu.

Efesofoɔ 1:4

sɛnea oyii yɛ Kristo mu ansa na bɛtoo wiase fapem sɛ yɛbɛyɛ kronkron, na yɛ ho ɔmma asɛm n’anim.

Efesofoɔ 3:17

ɔne sɛ Kristo nam gyidie so bɛtena ho akoma mu, sɛdeɛ hoagye nhini na ho ase atim dɔ mu.

Efesofoɔ 3:19

na hoahu Kristo dɔ a ɔtra nimdeɛ nyinaa so, sɛnea ɔbɛyɛ a hobɛyɛ ma Nyankopɔn su nyinaa mu.

Efesofoɔ 4:15

Na mmom, homma yenni nɔkorɛ, dɔ mu, na yɛnyini akwane nyinaa mu, Kristo a ɔno ne asafo he ti he mu,

Efesofoɔ 4:2

ahobrɛaseɛ, dwoɔ, aboterɛ ne abodwokyɛre nyinaa mu, na honnodɔ ho ho ho ho.

Efesofoɔ 5:15

Honhwɛ sɛnea hobɛbɔ ho bra, honnnyɔ sɛ bɛ a bennim nyansa, na mmom honnyɔ sɛ anyansafoɔ,

Efesofoɔ 5:25

Kununom, honnɔ ho yerɛnom, sɛnea Kristo nso dɔɔ asafo he na ɔde ne ho too hɔ maa asafo he,

Filipifoɔ nwoma 4:18

Maanya m’akatua nyinaa, na maanya ama no aboro so; m’ani asɔ paa, sɛ maanya akyɛdeɛ a hode manee Epafrodito he, afɔdeɛ a oohwam, afɔdeɛ a ɔfata na ɔsɔ Nyankopɔn ani.

Kolosefoɔ nwoma 3:14

Ne titire koraa he, homfa dɔ a ɔka nnoɔma nyinaa bom he mmɔ ho bra.

1 Tesalonikafoɔ 4:9

Na nea ɔfa nuadɔ ho deɛ, onhia ho sɛ bɛtwerɛ bra ho, efiri sɛ hoaa ne Nyankopɔn akyerɛkyerɛ ho sɛ honnodɔ ho ho;

1 Timoteo 2:6

a ɔde ne ho yɛɛ agyedeɛ maa nnipa nyinaa; bedii yei ho adanseɛ berɛ pa mu.

1 Timoteo 4:12

Mma biaa mmu wo babunuyɛ animtia, na mmom yɛ nhwɛsopa kasaa, nneyɔeɛ, dɔ, gyidie ne ahoteɛ mu.

Tito 2:14

Ɔno ne de ne ho maeɛ ɔnam yɛ nti sɛ ɔbɛgye yɛ afiri amumuyɔ nyinaa mu na wate yɛ ho afa yɛ ayɛ ɔno ankasa ne nkurofoɔ a bɛbɔ mmɔdene nwuma pa mu.

Hebrifoɔ 8:3

Na bɛ de sɔfo panyini biaa si hɔ sɛ ɔmfa ayɛyɛdeɛ ne afɔrebɔdeɛ mmra afɔrebokyia so; ne saa nti ohia sɛ ɔno nso nya bibi bɔ afɔreɛ.

Hebrifoɔ 9:14

ɔbɛyɛ dɛ ne Kristo a ɔnam daa honhom so de ne ho bɔɔ afɔdeɛ, a ho nni dɛm maa Nyankopɔn he mogyaa ontumi nte ho ahonim ho mfiri nnwuma funu nyinaa mu ma ho nkɔsom Nyankopɔn a ɔte ase he?

Hebrifoɔ 9:23

Nti ohia sɛ soro nnoɔma he ho nhwɛsoɔ he, bɛde saa amanneɛ yi te ho, nso soro nnoɔma he ankasa hia afɔreɛ a odi mu kyɛne yeinom.

Hebrifoɔ 9:26

efiri sɛ nka obehu amane da biaa firi wiase ahyɛaseɛ. Nso sɛdeɛ ɔteɛ yi deɛ, waayi ne ho adi prɛko ama biaa kosi wiase awieeɛ sɛ ɔde ɔno ankasa ne ho bɛbɔ afɔreɛ ayi bɔne hɔ.

1 Petro 4:8

Ne titire koraa he, honnodɔ ho ho yie, efiri sɛ, dɔ kata bɔne nyinaa so.

1 Yohane 3:16

Yei ne ma yehu sɛnea dɔ teɛ, sɛ ɔno de ne nkwa too hɔ maa yɛ. Ɔsɛ sɛ yɛ nso yɛde yɛ nkwa to hɔ ma yɛ nuanom.

1 Yohane 3:23

Na yei ne n’ahyɛdeɛ, sɛ yɛnnye ne Ba Yesu Kristo dini he nni, na yɛnnodɔ yɛ ho yɛ ho, sɛnea ɔhyɛɛ yɛ he.

Adiyisɛm 1:5

ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

Adiyisɛm 5:9

Bɛtoo nnwom foforɔ bi sɛ, “Wofata sɛ wofa nwoma he, na wote nsɔano he ano, efiri sɛ, bekuu wo, na bɛde wo mogyaa atɔ nnipa afiri abusua, kasa, mane ne nkurofoɔ ahodoɔ mu ama Nyankopɔn.