Efesofoɔ 4:13 - Apam Foforɔ

¹³ kosi sɛ yɛ nyinaa beduru Nyankopɔn Ba he ho gyidie baakoyɛ ne nimdeɛ mu, na yɛbɛwie nyini honhom mu, adi mu sɛnea Kristo a ɔyɛ susudua a ɔyɛ pɛ he teɛ;

Efesofoɔ 4:13 ပူးပေါင်းရင်းမြစ်များ

Mateo 11:27

M’Agya de nnoɔma nyinaa ahyɛ me nsa; na biaa nnim Ba he, gye Agya he; na biaa nnim Agya he nso, gye Ba he ne biaa a Ba he pɛ sɛ ɔbɛma n’ahu no.

Yohane 1:16

Ɔnam sɛ adom ahyɛ no ma nti, yɛ nyinaa yɛanya adom aka adom ho.

Yohane 16:3

Na bɛbɛyɔ yei, efiri sɛ, bennim Agya he anaa me.

Yohane 17:21

sɛ bɛ nyinaa bɛbɛyɛ baako, sɛnea wo, Agya, woya me mu, na meya wo mu; sɛ bɛ nso bɛnyɛ baako yɛ mu, na ama wiase agye adi sɛ wone wosomaa me.

Yohane 17:3

Na yei ne daa nkwa sɛ bebehu wo, wo a aoyɛ Nyankopɔn kann koro he, ne Yesu Kristo nea wasoma no he.

Yohane 6:69

Na yɛagye adi, na yɛahu sɛ wone Kronkronni a wofiri Nyankopɔn hɔ he.”

Asomafoɔ 4:32

Na afei bɛ a bɛgye diiɛ he mu bebree akoma ne bɛ kra yɛɛ baako, na bɛ mu biaa nka sɛ ne nnoɔma a ɔwɔ yɛ ɔno nkoaa ne dea, na mmom bɛ nnoɔma nyinaa yɛ kwasafodeɛ.

1 Korintofoɔ 1:10

Afei anuanom, menam yɛ Awurade Yesu Kristo dini so ootu ho fo sɛ, ho nyinaa honya adwene korɔ; na hommma mpaepaemu mma ho mu, na mmom honka mmom adwene korɔ mu ne nsusuiɛ korɔ mu.

1 Korintofoɔ 14:20

Anuanom, honnyɛ asɛm he nteaseɛ mu mmɔfra; na mmom, honyɛ bɔne mu nkokoa; ne nyinaa mu he, honyɛ nnipa a bɛanyini nsɛm ho nteaseɛ mu.

1 Korintofoɔ 2:6

Nso yɛka nyansa ho asɛm kyerɛ bɛ a bɛanyini honhom fam, na ɔyɛ nyansa a ɔnyɛ wiase yi deɛ anaa wiase atumfoɔ a bɛbɛsɛe bɛ he deɛ.

2 Korintofoɔ 4:6

efiri sɛ Nyankopɔn kaa sɛ, “Hann mfiri sum mu nhyerɛn,” ɔnoaa ne ahyerɛn yɛ akoma mu, sɛ Nyankopɔn animuonyam a ɔya Yesu Kristo anim he nimdeɛ nhyerɛn.

Galatifoɔ 4:19

Me mma nkumaa a meko ho awoɔ bio sɛ ɔbɛyɛ a Kristo su bewie pɛyɛ ho mu,

Efesofoɔ 1:17

Mebɔ mpaeɛ sɛ yɛ Awurade Yesu Kristo Nyankopɔn, animuonyam Agya he, bɛma ho nyansa ne adiyie honhom berɛ a hoahu no yi,

Efesofoɔ 1:23

ɔyɛ Kristo nipadua, a nea ɔhyɛ adeɛ nyinaa ma he hyɛ no ma.

Efesofoɔ 2:15

Kristo Yesu guu mmara he ne n’ahyɛdeɛ he ne ne nsusuansoɔ nyinaa, sɛ ɔnam ne nipadua so bɛbɔ nipadua foforɔ baako asi mmienu he anane mu, na ɔde asomdwie aba,

Efesofoɔ 4:12

sɛ obesiesie ahoteefoɔ ama som nnwuma, na ama Kristo nipadua he anyini,

Efesofoɔ 4:3

Hommɔ mmɔdene sɛ hobekura Honhom baakoyɛ mu, asomdwie mu.

Efesofoɔ 4:5

Awurade baako, gyidie baako, asubɔ baako,

Filipifoɔ nwoma 3:10

Mepɛ sɛ mehu Kristo, ɔne ne wusɔreɛ tumi, na manya ne brɛ he mu kyɛfa de me ho ama wuo a ɔte sɛ ne deɛ he,

Filipifoɔ nwoma 3:8

Nɔkwasɛm ne sɛ, mebu nnoɔma nyinaa adehweredeɛ, ɔnam m’Awurade Kristo Yesu ho nimdeɛ he boɔ a ɔkyɛne so he nti. Ɔno nti mahwere nnoɔma nyinaa, na mebu adeɛ nyinaa sumina so adeɛ, na manya Kristo,

Kolosefoɔ nwoma 1:28

Ɔno ne yɛpae mu ka n’asɛm, na yɛbɔ kɔkɔ de nyansa kyerɛkyerɛ biaa, na yɛde ankorankorɛ biaa akɔ Nyankopɔn anim sɛ nipa a wawie pɛyɛ Kristo mu.

Kolosefoɔ nwoma 2:2

Mepɛ sɛ benya nkuranhyɛ bɛ akoma mu na bɛka bom dɔ mu, na bɛanya nteaseɛ pa nyinaa, na bɛanya Nyankopɔn ahintasɛm ho nimdeɛ a ɔne Kristo he ankasa.

Hebrifoɔ 5:14

Na mmom bɛde aduane a mu oduru ma nipa a wayini, deɛ bɛatete no a n’adwene ma no tumi hu papa ne bɔne ntam nsonsonoeɛ.

2 Petro 1:4

Yeinom so ne ɔnam ama ne bɔhyɛ akɛseɛakɛseɛ a ɔsombo he aba mu ama yɛ, na honam yeinom so adwane akɔnnɔ mu porɔeɛ a ɔya wiase; na hoanya Nyankopɔn su he bi.

2 Petro 3:18

Na honyini ya yɛ Awurade ne Agyenkwa Yesu Kristo adom ne nimdeɛ mu. Ɔno ne animuonyam nka no seesei ne daa. Amen.

1 Yohane 5:20

Na yenim sɛ Nyankopɔn Ba he aba, na waama yɛ nteaseɛ ama yɛahu Nyankopɔn trodoo he. Yɛ abrabɔ ya Nyankopɔn trodoo he ne ne Ba Yesu Kristo he mu. Yei ne Nyankopɔn trodoo he ne nkwa a onni awieeɛ he.