Efesofoɔ 2:14 - Apam Foforɔ

¹⁴ Na ɔyɛ yɛ asomdwie; ɔnam ne honam so aka nnipakuo mmienu he abom ayɛ yɛ baako na wabubu nitane a ɔte sɛ afasuo he afiri hɔ.

Efesofoɔ 2:14 ပူးပေါင်းရင်းမြစ်များ

Luka 1:79

ama bɛ a bɛtete sum ne wuo sunsum ase he anya hann, na wagye yɛ taataa akɔ asomdwie kwane so.”

Luka 2:14

“Animuonyam nka Nyankopɔn sorosoro, na asomdwie nka nnipa a bɛsɔ n’ani asaase so.”

Yohane 10:16

Mewɔ nnwane foforɔ a bemfiri bane yi mu. Ɔsɛ sɛ mede bɛ nso ba na bebetie me nne, na ayɛ kuo baako a ɔwɔ hwɛfoɔ baako.

Yohane 11:52

na ɔnyɛ mane he nko, na mmom sɛnea ɔbɛyɛ na Nyankopɔn bɛka ne mma a bɛabɔ bɛ ahwete he abom ayɛ baako.

Yohane 16:33

Maaka yeinom nyinaa akyerɛ ho sɛ ɔbɛyɛ a hobenya asomdwie me mu. Hobehyia taa wiase mu. Nso homma ho bo ntɔ ho yam; na maadi wiase so nkunim dada!

Asomafoɔ 10:28

na ɔka kyerɛɛ bɛ sɛ, “Ho ankasa honim pefee sɛ mmara mma kwane sɛ Yudani ne abusua foforɔ munii bɛbɔ anaa ɔbɛbɛne no, nso Nyankopɔn akyerɛ me sɛ ɔnsɛ sɛ mefrɛ nipa biaa sɛ ne ho agu fi anaa ne ho nte.

Asomafoɔ 10:36

Ɔde asɛm he kɔmaa Israel mma, na ɔkaa asomdwie a ɔnam Yesu Kristo so ba he ho asɛm pa kyerɛɛ bɛ, yei ne nnipa nyinaa wura.

Romafoɔ 5:1

Afei ɔnam sɛ bɛabu yɛ bem gyidie mu nti, yɛnam yɛ Awurade Yesu Kristo so anya asomdwie Nyankopɔn mu,

Galatifoɔ 3:28

Nsonsonoeɛ nni Yudani anaa Helani, akoa anaa dehyeɛ, baa anaa beema ntam bio, efiri sɛ, ho nyinaa yɛ baako Kristo mu.

Efesofoɔ 2:15

Kristo Yesu guu mmara he ne n’ahyɛdeɛ he ne ne nsusuansoɔ nyinaa, sɛ ɔnam ne nipadua so bɛbɔ nipadua foforɔ baako asi mmienu he anane mu, na ɔde asomdwie aba,

Efesofoɔ 2:17

Nti ɔbaa sɛ ɔɔbɛka asomdwie ho asɛm akyerɛ ho a na hoya akyirikyiri ne ho a hobɛne Nyankopɔn;

Efesofoɔ 3:15

nea befiri ne mu frɛ abusua biaa a ɔya soro ne asaase so he.

Efesofoɔ 4:16

ne mu ne nipadua he nyinaa akeka atoatoa mu pɛpɛɛpɛ na ɔyɔ adwuma bom ma ɔde nea ohia ma sɛnea akwaa biaa dwumadie teɛ, na ama nipadua he anyini ayɛ dene dɔ mu.

Kolosefoɔ nwoma 1:20

na Nyankopɔn nam Kristo so apata ɔno Nyankopɔn ne nnoɔma nyinaa ntam koraa. Ɔne sɛ, ɔnam Kristo asennua ho mogyaa so asiesie Nyankopɔn ne nnoɔma a ɔya asaase so ne soro nyinaa ntam; na ɔnam nkabom yi so ama asomdwie aba.

Kolosefoɔ nwoma 2:20

Nti sɛ ho ne Kristo anya awu afiri wiase honhom mu nsɛm nkyerɛkyerɛ ho a, mmɛ nti ne hode ahyɛdeɛ to ho ho so sɛdeɛ hoda so yɛ wiasefoɔ,

Kolosefoɔ nwoma 3:11

Yei nti Helani ne Yudani, nea bɛatwa no twetia ne nea bentwaa no twetia, pɔtɔni, Skiteni, akoa anaa dehyeɛ nni saa foforɔyɛ he mu, na Kristo ne ade nyinaa, na ɔya bɛ nyinaa bɛ mu.

Kolosefoɔ nwoma 3:15

Na homma Kristo asomdwie nni hene ho akoma mu, na ɔno mu ne bɛafrɛ ho aba nipadua baako mu. Na honnyɛ boniayɛfoɔ.

Hebrifoɔ 13:20

Na asomdwie Nyankopɔn a ɔnam daa apam he mogyaa so, ayi nnwane he hwɛfoɔ kɛseɛ a ɔne yɛ Awurade Yesu afiri awufoɔ mu he,

Hebrifoɔ 7:2

ɔno ne Abraham maa no nnoɔma nyinaa so ntotosoɔ du du. Melkisedek dini he asekyerɛ a odi kane ne sɛ, “tenenee hene”; afei nso ɔyɛ Salem hene a ne nkyerɛaseɛ ne “asomdwie hene.”