Kolosefoɔ nwoma 4:10 - Apam Foforɔ

¹⁰ Aristarko, me yɔnko deduani kyea ho, saa nso ne Marko a ɔyɛ Barnaba nua nso kyea ho, nea mekaa ne ho asɛm kyerɛɛ ho sɛ, sɛ ɔba ho nkyɛne a, wonnye no fɛ so he.

Kolosefoɔ nwoma 4:10 ပူးပေါင်းရင်းမြစ်များ

Asomafoɔ 12:12

Na ohuu yei he, ntɛmaa ɔkɔɔ Yohane a na ɔsane de Marko he maame Maria fie. Na nnipa pii ahyia hɔ ɔɔbɔ mpaeɛ.

Asomafoɔ 12:25

Na Barnaba ne Saulo wiee bɛ dwumadie he, bɛsane baa Yerusalem bɛfaa Yohane a bɛfrɛ no Marko he kaa bɛ ho sane baeɛ.

Asomafoɔ 13:13

Afei mmeema he ne Paulo faa po so firii Pafo kɔɔ Perge a ɔya Pamfilia. Na Yohane deɛ, ɔne bɛ dii ntete mu sane kɔɔ Yerusalem.

Asomafoɔ 13:5

Berɛ a beduru Salami he, befirii aseɛ bɔɔ Nyankopɔn asɛm he dawuro Yudafoɔ hyia adane mu. Na Yohane boaa bɛ bɛ dwumadie mu.

Asomafoɔ 19:29

Nti kurom hɔ nyinaa bɛyɛɛ gyegyeegye, na bɛ nyinaa de koma koro bɔɔ twi kɔɔ adehwɛbea hɔ, na bɛkyee Gaio ne Aristarko a bɛyɛ Makedoniafoɔ ne Paulo akwantuo mu ahokafoɔ he.

Asomafoɔ 20:4

Na bɛ a bɛka ne ho ne Beroiani Piro ba Sopater, Aristako ne Sekundo a bɛyɛ Tesalonikafoɔ, Derbeni Gaio, Timoteo, Asiafoɔ Tihiko ne Trofimo.

Asomafoɔ 27:2

Yɛkɔtenaa Adramitio hyɛne bi a na ɔɔkɔ Asia fam he mu. Na Makedoniani Aristarko a ofiri Tesalonika he ka yɛ ho.

Asomafoɔ 4:36

Nti Yosef a asomafoɔ he too ne dini Barnaba, a asekyerɛ ne Futufoɔ, Lewini a ofiri Kipro,

Romafoɔ 16:2

sɛnea ɔbɛyɛ a hobɛgye no Awurade mu sɛ anidie a ɔfata ahoteefoɔ, na hommoa no nea obebisa ho nyinaa ho, efiri sɛ waboa nnipa bebree a meaa nso meka ho bi.

Romafoɔ 16:7

Honkyea Androniko ne Yunia, m’abusuafoɔ a na bɛka me ho afiase; bɛ a bedi mu asomafoɔ he mu, na bɛya Kristo mu ansa na meeba.

2 Timoteo 4:11

Luka nkoaa ne ya me nkyɛne. Fa Marko ka wo ho bra, efiri sɛ ne ho hia me som adwuma mu paa.

Filemon 1:23

Me yɔnko deduani Kristo mu, Epafra,

Filemon 1:24

ɔne Marko, Aristarkus, Demas ne Luka a bɛyɛ me yɔnko adwumayɔfoɔ kyea wo.

1 Petro 5:13

Asafo a Nyankopɔn ayi no Babel he ne me ba Marko kyea ho.