Kolosefoɔ nwoma 3:12 - Apam Foforɔ

¹² Ɔnam sɛ, hoyɛ nnipa a Nyankopɔn ayi ho a hoyɛ kronkron na ɔdɔ ho nti, homfa mmɔborɔhunu, ayamyɛ, ahobrɛaseɛ, dwoɔ ne ntoboaseɛ mmɔ ho bra.

Kolosefoɔ nwoma 3:12 ပူးပေါင်းရင်းမြစ်များ

Mateo 24:22

Sɛ bɛantwa saa nna he so a, biaa nni hɔ a obenya nkwa; nso bɛ a bɛayi bɛ he nti bebetwa nna he so tia.

Mateo 24:24

Na kristo-atorɔfoɔ ne atorɔ adiyifoɔ bebree bɛba abɛyɔ nsɛnkyerɛnne ne anwanwadeɛ akɛseɛ, de adaadaa binom, sɛ ɔbɛyɛ yie a bɛ a bɛayi bɛ he mpo nka bɛbɛdadaa bɛ.

Mateo 24:31

Na ɔbɛsoma n’abɔfoɔ ama bɛde totorobɛnto nyegyeɛ a ano ɔdene aba; na bɛbɛboaboa bɛ a bɛayi bɛ he ano afiri wiase mframa nnan he mu, firi soro ano akosi ano.

Marko 13:20

Na sɛ Awurade antwa nna he so tia a, nipa biaa onya nkwa; nso bɛ a bɛapa bɛ he na bɛayi bɛ he nti, bɛatwa nna he so tia.

Marko 13:22

Kristo atorɔfoɔ ne adiyifoɔ atorɔfoɔ bɛba na bɛayɔ nsɛnkyerɛnne ne anwanwadeɛ, na sɛ obetumi a, nka bɛde adaadaa bɛ a bɛayi bɛ he.

Marko 13:27

Afei ɔbɛsoma abɔfoɔ he, na bɛakɔboaboa bɛ a bɛayi bɛ afiri atifi kɔpem anaafoɔ, apieeɛ kɔpem atɔeɛ, ofiri asaase ano de kosi soro ano.

Luka 1:78

yɛ Nyankopɔn mmɔborɔhunu nti. Saa mmɔborɔhunu yi nti adekyeɛ hann firi soro bepie yɛ so,

Luka 18:7

Nɔkwasɛm di, ewom sɛ Nyankopɔn ma ne bo dwo kyɛre ma ho deɛ, nso ommu atɛntenenee mma bɛ a wayi bɛ a besu frɛ no awia ne anadwo he anaa? Nti, ɔbɛtwentwɛne ne nane ase bɛ ho anaa?

Romafoɔ 1:7

Me Paulo ne meetwerɛ krataa yi de abra ho, Nyankopɔn adɔfoɔ, a hoya Roma nyinaa, ho a bɛafrɛ ho sɛ hommɛyɛ ahoteefoɔ he: Adom ne asomdwie a ofiri yɛ Agya Nyankopɔn ne Awurade Yesu Kristo nka ho.

Romafoɔ 13:14

Na mmom, homfa Awurade Yesu Kristo nhyɛ (sɛ ataadeɛ), na homma kwane mma honam, akɔnnɔ nni ho so!.

Romafoɔ 9:11

Berɛ a na bennya nwoo bɛ mmaa bɛmmɛyɔɔ papa anaa bɔne bibiaa mu mpo he (sɛnea ɔbɛyɛ a Nyankopɔn botaeɛ a ɔde yi bi berɛ a,

1 Korintofoɔ 13:4

Dɔ yɛ abodwokyɛre; dɔ yam yɛ, dɔ nyɛ anibereɛ anaa ahohoahoa, anaa ahomasoɔ

2 Korintofoɔ 6:6

Nea ɔboaa yɛ maa yɛyɔɔ ne nyinaa ne ahoteɛ, Nyankopɔn nimdeɛ, abotrɛ, ayamyɛ, honhom mu kronkronyɛ, dɔ mapa,

Galatifoɔ 5:6

Na Kristo Yesu mu he, gyidie a ɔnam dɔ so yɔ adwuma nkoaa ne hia, na ɔnyɛ twetia bɛatwa bi anaa bentwaa no he ne hia.

Efesofoɔ 1:4

sɛnea oyii yɛ Kristo mu ansa na bɛtoo wiase fapem sɛ yɛbɛyɛ kronkron, na yɛ ho ɔmma asɛm n’anim.

Efesofoɔ 4:2

ahobrɛaseɛ, dwoɔ, aboterɛ ne abodwokyɛre nyinaa mu, na honnodɔ ho ho ho ho.

Efesofoɔ 4:24

na homfa nipasu foforɔ nhyɛ, tenenee ne kronkronyɛ mapa mu sɛ nnipa a Nyankopɔn abɔ bɛ sɛ ne nsɛso.

Efesofoɔ 4:32

na honyɔ ayamyɛ mma ho ho ho ho, honya ahummɔborɔ, homfa afoforɔ bɔne nkyɛ bɛ, sɛnea Nyankopɔn nam Kristo so de ho bɔne akyɛ ho he.

Filipifoɔ nwoma 1:8

Na Nyankopɔn yɛ me danseni sɛ mede Kristo Yesu dɔ kae ho nyinaa.

Kolosefoɔ nwoma 3:10

na hoahyɛ nipasu foforɔ a bɛnam nɔkorɛ nimdeɛ so a ɔɔyɔ no foforɔ sɛnea nea ɔbɔɔ no he subane teɛ.

1 Tesalonikafoɔ 5:15

Honhwɛ sɛ ho mu biaa ɔmfa bɔne ntua bɔne ka, na honhwɛ sɛ hobɛhwɛ afoforɔ yiedie berɛ biaa.

2 Timoteo 1:9

nea ɔgyee yɛ na ɔde frɛ kronkron frɛɛ yɛ, ɔnyɛ yɛ nnwuma nti, na mmom ɔnam ɔnoaa ne tirimpɔ ne n’adom a ɔde mmaeɛ Kristo Yesu mu firi mmeresantene.

2 Timoteo 2:10

Yei nti meto me bo nnoɔma nyinaa mu, sɛnea ɔbɛyɔ a bɛ a bɛayi bɛ he nso bebenya Kristo Yesu mu nkwagyeɛ, daa animuonyam mu.

Tito 1:1

Me, Paulo, Nyankopɔn akoa ne Yesu Kristo somafoɔ ma bɛ a Nyankopɔn ayi bɛ gyidie ne nyamesom pa ho nɔkorɛ he nimdeɛ mu,

1 Petro 1:2

Ɔnam Agya Nyankopɔn botaeɛ so ne beyii ho, na ɔnam ne Honhom so tee ho ho sɛ honyɔ setie mma Yesu Kristo na ɔnam so ama ne mogyaa he ate ho ho. Adom ne asomdwie mmorosoɔ nka ho.

2 Petro 1:10

Nti me nuanom, homfa mmɔdemmɔ nsi frɛ a bɛafrɛ ho ne yi a bɛayi ho he pi; na sɛ hoyɔ saa a, honnsonti da.

1 Yohane 4:19

Yɛdɔ, efiri sɛ, Nyankopɔn ne dii kane dɔɔ yɛ.

2 Yohane 1:13

Wo nuabaa a bɛayi no he mma he kyea wo.

Adiyisɛm 17:14

Bɛbɛko atia Adwamaa he ne n’akyidifoɔ, agyidifoɔ a bɛafrɛ bɛ he ne no bedi bɛ so, efiri sɛ, ɔyɛ Awurade mu Awurade ne Ahemfo mu Hene.”