Kolosefoɔ nwoma 1:13 - Apam Foforɔ

¹³ Ɔno ne agye yɛ afiri sum tumi mu, na ɔde yɛ akotim ne dɔ Ba he ahennie mu,

Kolosefoɔ nwoma 1:13 ပူးပေါင်းရင်းမြစ်များ

Mateo 17:5

Berɛ a ogu so ɔɔkasa he, amonom hɔaa mununkum bi a ɔhyerɛn bɛkataa bɛ so, na nne bi firi mununkum he mu kaa sɛ, “Yei ne me Ba, deɛ medɔ no he; ɔno ne sɔ m’ani; hontie no!”

Mateo 25:34

Na hene he bɛka akyerɛ bɛ a bɛya ne nifa so he sɛ, ‘Hommra, ho a m’Agya ahyira ho, hommɛfa ahennie a bɛasiesie ama ho firi wiase mfitiaseɛ he nni;

Mateo 3:17

Na nne bi firi soro kaa sɛ, “Yei ne me dɔ Ba a ɔsɔ m’ani.”

Luka 13:24

“Honyere ho ho dendenndene nwura pono teateaa he mu, na meeka akyerɛ ho sɛ nnipa beberee bɛhwehwɛ sɛ bewura mu nso bentumi.

Luka 22:53

Berɛ a na me ne ho ya asɔrefie hɔ daa he, hoantene ho nsa me so. Nso yei ne ho berɛ ne sum mu tumi.”

Yohane 17:24

Agya mepɛ sɛ bɛ a wode bɛ ama me he ba baabi a meya he. Bɛmmɛka me ho na benhu m’animuonyam a wode ama me he, efiri sɛ wodɔɔ me ansa na wohyɛɛ wiase fapem ase.

Yohane 3:35

Agya he dɔ Ba he, na ɔde nnoɔma nyinaa ahyɛ ne nsa.

Yohane 5:24

Nɔkorɛ meeka akyerɛ ho sɛ, nea otie m’asɛm na ɔgye nea ɔsomaa me he di he wɔ daa nkwa, na ɔmma atemmuom, na mmom waafiri wuom aba nkwam.

Asomafoɔ 26:18

na woabie bɛ ani, adane bɛ afiri sum mu aba hann mu, na bɛafiri Satan tumi mu aba Nyankopɔn nkyɛne, na bɛanya bɔne fakyɛ ne agyapadeɛ bɛ a bɛnam me mu gyidie so ate bɛ ho mu.’

Romafoɔ 14:17

efiri sɛ Nyankopɔn ahennie he mfa adidie ne nom ho, na mmom ne nyinasoɔ ne tenenee ne asomdwie ne Honhom Kronkron mu anigyeɛ.

2 Korintofoɔ 11:14

Na ɔnyɛ nwanwa! Satan mpo tumi yɛ ne ho sɛ hann bɔfoɔ.

2 Korintofoɔ 4:4

Bɛ mu ne wiase nyame afira bɛ a bɛnnye nni he adwene ani, sɛ benhu asɛmpa he ho hann a ɔyɛ Kristo a ɔyɛ Nyankopɔn subane he animuonyam.

Efesofoɔ 1:6

na ayɛ ayeyie ama animuonyam adom a ɔde nam ne Dɔba he so akyɛ yɛ kwa.

Efesofoɔ 4:18

Bɛ adwene aduru sum, bɛmmɛne Nyankopɔn nkwa he ho, efiri sɛ, benni ho nimdeɛ ɔnam bɛ akoma pirim nti;

Efesofoɔ 5:5

Honhu sɛ, adwamammɔfoɔ anaa nea ɔyɔ nnoɔma a ho nte biaa, anaa aniberefoɔ (meekyerɛ bosomsonni) biaa, nya kyɛfa biaa Kristo ne Nyankopɔn ahennie mu.

Efesofoɔ 5:8

Na kane he na hoyɛ sum, nso afei deɛ hoyɛ hann Awurade mu, nti hommɔ ho bra sɛ hann mma—

Efesofoɔ 6:12

efiri sɛ ɔnyɛ nnipa ne yɛ ne bɛ oodi asie, na mmom yɛ ne mpanyinnie, tumidie, wiase yi sum mu atumfoɔ, ahohommɔne a bɛya soro meamea ne oodi asie.

1 Tesalonikafoɔ 2:12

sɛ honnante sɛnea ɔsɛ Nyankopɔn a wafrɛ ho akɔ n’ahenie ne n’animuonyam mu he.

Hebrifoɔ 2:14

Nti sɛ mma he anya honam ne mogyaa korɔ he bi he, saa ne ɔno nso faa mu bi, sɛ ɔnam wuo so betu deɛ ɔwɔ wuo tumi a ɔne Bronsam he agu,

1 Petro 2:9

Na ho deɛ, hoyɛ abusua a bɛayi ho, sɛ adehyeɛ asɔfokuo, mane kronkron, Nyankopɔn ankasa nkurofoɔ a bɛayi ho sɛ honka n’anwanwadwuma he ho asɛm. Ɔno na ɔfrɛɛ ho firi sum mu baa ɔno ankasa hann nwanwasono he mu.

2 Petro 1:11

Sɛ hofa saa kwane yi so a, hobenya akwannya kɛseɛ paa a hode bɛkɔ yɛ Awurade ne yɛ Agyenkwa Yesu Kristo ahennie a otim hɔ daa he mu.

1 Yohane 2:8

Nso, kwane bi so he, mmara a meetwerɛ abra ho yi yɛ foforɔ, na mu nɔkorɛ he da adi ya Kristo mu. Sum he ootwam na hann trodoo he ahyɛ aseɛ ɔɔhyerɛn.

1 Yohane 3:14

Yenim sɛ yɛatwam afiri wuo mu aba nkwa mu, efiri sɛ, yɛdɔ anuanom. Nea onni dɔ he te wuo mu.

1 Yohane 3:8

Nea ɔkɔ so yɔ bɔne he yɛ Bronsam deɛ, efiri sɛ, Bronsam firi mfitiaseɛ pɛɛ ne yɔɔ bɔne. Yei nti ne Nyankopɔn Ba he baeɛ: Ɔbaa sɛ ɔɔbɛsɛe Bronsam nnwuma.