Adiyisɛm 9:2 - Apam Foforɔ

² Nsoromma he biee amena donkodonko he, na wusie kumoo firi mu sɛ fononoo kɛseɛ bi, na wusie he maa awia hann ne mframa a ɔya hɔ he yɛɛ tumm.

Adiyisɛm 9:2 ပူးပေါင်းရင်းမြစ်များ

Asomafoɔ 2:19

Na mɛma anwanwadeɛ aba soro na nsɛnkyerɛnne aba asaase so, fam, mogyaa ne gya ne wisie kumoo.

Adiyisɛm 14:11

Na gya he wusie a ɔhyɛ bɛ aniɔyeyaa he foro kɔ soro daa daa. Na bɛ a bɛsomm aboa he ne ne sɛso honyini he onnya home biaa, awia anaa anadwo.”

Adiyisɛm 16:10

Afei bɔfoɔ a ɔto so num he hwiee nea ɔya ne kuruwa he mu guu aboa he ahennwa he so. Sum duruu aboa he ahemmane mu, na osiane yeya nti, nnipa wee bɛ kɛtrɛma,

Adiyisɛm 8:12

Afei bɔfoɔ a ɔto so nnan he hyɛnee ne totorobɛnto he. Na bɛbɔɔ awia nkyekyɛmu mmeɛnsa mu baako ne bosome nkyekyɛmu mmeɛnsa mu baako, ne nsoromma nkyekyem mmeɛnsa mu baako, na biaa nkyekyɛmu mmeɛnsa mu baako he duduruu sum, na adekyeɛ mu nkyekyem mmeɛnsa mu baako anhyerɛn, na anadwo nso saa.

Adiyisɛm 9:1

Afei bɔfoɔ a ɔto so nnum he hyɛnee ne totorobɛnto he, na mehuu nsoromma bi sɛ ofiri soro abɛhwe asaase so. Bɛmaa no amena donkodonko he ano safoa.

Adiyisɛm 9:11

Bɛwɔ hene a odi bɛ so a ɔno ne bɔfoɔ a ɔhwɛ amena donkodonko he so. Ne dini ya Hebri kasa mu ne Abadon; na Hela kasa mu nso ɔde Apolion (a n’asekyerɛ ne “Sɛefoɔ”).

Adiyisɛm 9:17

Na m’anisoadehunu he mu he, mehuu apɔnkɔ he ne bɛ akafoɔ. Na bɛ nkataboɔ he ahosu te sɛ gya, tumm te sɛ afasebiri, na ɔte sɛ sɔfe nso. Na apɔnkɔ he ti te sɛ gyata ti a gya, wusie ne sɔfe firi bɛ anum.