Adiyisɛm 8:5 - Apam Foforɔ

⁵ Afei bɔfoɔ he faa aduhwam adaka he de gya a ofiri afɔrebokyia he so hyɛɛ no ma too twenee asaase so. Na apranaa ne nne ahoroɔ ne anyinam ne asaasewosoɔ baeɛ.

Adiyisɛm 8:5 ပူးပေါင်းရင်းမြစ်များ

Mateo 24:7

Na amane bɛsɔre atia amane, na ahennie bɛsɔre atia ahennie, kɔm bɛba na asaase wosoɔ nso bɛba baabi bebree.

Luka 12:49

“Mebaa sɛ meebɛma gya asɔ asaase so, na sɛ asɔ dada a, mmɛ ne meehwehwɛ kyɛne yei?

Asomafoɔ 16:26

Mpofiremuaa asaase wosoɔ kɛseɛ bi si maa afiase he fapem wosowosoeɛ. Afei apono he nyinaa biebieɛ amonom hɔaa, na bɛ nkɔnsɔnkɔnsɔn he nyinaa sanesaneeɛ.

Asomafoɔ 4:31

Berɛ a bewiee mpaebɔ he, baabi a behyiaam he wosoeɛ, na Honhom Kronkron bɛhyɛɛ bɛ nyinaa mama na bɛde akokoɔduro kaa Nyankopɔn asɛm he.

Adiyisɛm 11:13

Saa mmerɛ heaa, asaase wosoo dendenndene, kuro he nkyekyɛmu du mu baako sɛeɛ, na nnipa mpemnson wuwuiɛ ɔnam asaasewosoɔ he nti. Nnipa a bɛaka he bɔɔ hu na bɛkamfoo Nyankopɔn a ɔya soro he kɛseyɛ.

Adiyisɛm 11:19

Afei Nyankopɔn asɔredane a ɔya soro he bieeɛ ma behuu adaka a apam he ya mu he asɔredane he mu. Afei anyinam ne apranaa paepaeɛ, na asaase wosoeɛ, na asukɔtwea pii nso baeɛ.

Adiyisɛm 4:5

Na anyinam ne nne ahodoɔ ne apranaa boboom firi ahennwa he mu. Na nkanea nson a bɛasosɔ a ɔɔdɛre ya ahennwa he anim. Na yeinom ne Nyankopɔn ahonhom nson.

Adiyisɛm 6:12

Na mehuu sɛ ɔtee nsɔano a ɔtɔ so nsia he ano. Na asaasewosoɔ a ano ɔdene ba maa awia yɛɛ tumm sɛ birisie, na bosome yɛɛ kɔɔ sɛ mogyaa.

Adiyisɛm 8:3

Bɔfoɔ foforɔ a na okita sikakɔkɔɔ aduhwam adaka begyinaa afɔrebokyia he ho. Bɛmaa no aduhwam bebree sɛ ɔmfa mmɔ mpaeɛ nka Nyankopɔn nkurofoɔ he deɛ ho na ɔmmɔ sikakɔkɔɔ afɔrebokyia a osi ahennwa he anim he so afɔdeɛ.