Adiyisɛm 7:17 - Apam Foforɔ

¹⁷ efiri sɛ, Adwamaa he a ɔya ahennwa he mfinimfini he bɛyɛ bɛ dwanhwɛfoɔ de bɛ akɔ nkwa asuti ho. Na Nyankopɔn bɛpopa bɛ aniwa mu nisuo nyinaa.”

Adiyisɛm 7:17 ပူးပေါင်းရင်းမြစ်များ

Mateo 2:6

“Na wo, Betlehem a woya Yuda asaase so, wonyɛ kumaa Yuda amane mufoɔ mu, efiri sɛ wo mu ne bɛbɛfrɛ safohene afiri a ɔbɛyɛ dwanhwɛfoɔ ama me mane Israel.”

Mateo 5:4

Nhyira ne bɛ a bedi awerɛhoɔ, efiri sɛ bɛ ne bebenya awerɛkyekyerɛ.

Yohane 10:11

“Mene dwanhwɛfoɔ pa he. Dwanhwɛfoɔ pa he de ne nkwa to hɔ ma nnwane he.

Yohane 10:14

Mene dwanhwɛfoɔ pa he, menim me deɛ, na me deɛ nso nim me,

Yohane 4:10

Yesu buaa no sɛ, “Sɛ wonim Nyankopɔn akyɛdeɛ ne nea oobisa wo sɛ, ‘Ma me nsuo he bi nnom’ a nka wobebisa no na wama wo nkwa nsuo.”

Yohane 4:11

Na baa he ka kyerɛɛ no sɛ, “Owura, wonni adeɛ a bɛde sa nsuo mpo, na abura he nso mu dɔ, nti hefa ne woya nkwa nsuo yi firi?

Yohane 4:14

na nea ɔbɛbɛnom nsuo a mede bɛma no he, sukɔm ɔnne no da. Na mmom nsuo a mede bɛma no he, bɛyɛ abura a ofifiri ne mu kɔ daa nkwam.”

Asomafoɔ 20:28

Honhwɛ ho ho so yie, na honhwɛ nnipa a Honhom Kronkron he de ho ayɛ bɛ so nhwɛsofoɔ he, na honhwɛ Nyankopɔn asafo a ɔde ɔnoaa ne Ba mogyaa atɔ he so.

1 Petro 5:2

Honyɛne nnwankuo a Nyankopɔn de bɛ ahyɛ ho nsa he, na honnyɔ no nhyɛ so, na mmom honyɔ no dɔ mu, sɛdeɛ Nyankopɔn pɛ; ɔnyɛ adufudepɛ nti, na mmom akoma pa mu.

Adiyisɛm 14:4

Yeinom ne nnipa a bɛamfa adwamammɔ angu bɛ ho fi, na bɛyɛ mmabunu. Baabiaa a Adwamaa he bɛkɔ he, na bedi n’akyi. Bɛagye bɛ nkwa afiri nnipa mu, na bɛne nnipa a bedi kane a bɛde bɛ ama Nyankopɔn ne Adwamaa he.

Adiyisɛm 21:22

Na manhu asɔredane ya kuro he mu baabiaa, efiri sɛ, na Awurade Nyankopɔn, ade nyinaa so tumfoɔ, ne Adwammaa he ne yɛ n’asɔredane.

Adiyisɛm 21:23

Na kuro he nhia awia anaa bosome hann, efiri sɛ, na Nyankopɔn animuonyam hyerɛn mu, na kuro he kanea ne Dwammaa he.

Adiyisɛm 21:4

Na ɔbɛpepa bɛ aniwa mu nisuo nyinaa. Na wuo nni hɔ bio; na awerɛhoɔ ne su ne yeyaa biaa nni hɔ bio, efiri sɛ, kane nnoɔma he atwam.”

Adiyisɛm 21:6

Na ɔkɔɔ so kaa sɛ, “Bɛawie! Mene Ahyɛaseɛ ne Awieeɛ, kyerɛ sɛ, mfitiaseɛ ne awieeɛ he. Biaa a sukɔm de no he, mɛma no nsuo a ofiri nkwa asuti mu anom kwa.

Adiyisɛm 22:1

Afei bɔfoɔ he kyerɛɛ me nkwa asubɔntene a ani te krɔgyee sɛ ahwehwɛ a ofiri Nyankopɔn ne Dwammaa he ahennwa so

Adiyisɛm 4:11

“Yɛ Awurade ne Nyankopɔn; wofata sɛ wonya animuonyam, anidie ne tumi, efiri sɛ, wo ne wobɔɔ nnoɔma nyinaa, na wo pɛ mu nti na bɛya hɔ, ne bɛbɔeɛ.”

Adiyisɛm 5:6

Afei mehuu adwamaa bi sɛ ogyina ahennwa he mfimfini a ateasefoɔ nnan he ne mpanyimfoɔ he atwa ne ho ahyia. Wohwɛ a, na ɔte sɛ nea bɛaku no. Na ɔwɔ mmɛne nson ne ani nson a ogyina hɔ ma Nyankopɔn ahonhom nson a bɛasoma bɛ aba wiase he.