Adiyisɛm 6:1 - Apam Foforɔ

¹ Afei mehuu sɛ adwamaa he ate nsɔano nson he mu nea odi kane he ano, na metee sɛ ateasefoɔ nnan he mu baako de nne a ɔte sɛ apranaa ɔɔka sɛ, “Bra!”

Adiyisɛm 6:1 ပူးပေါင်းရင်းမြစ်များ

Yohane 1:29

Na adeɛ kyeɛ he, Yohane huu sɛ Yesu ɔɔba, na ɔkaa sɛ, “Hwɛ! Nyankopɔn adwamaa a oyi wiase bɔne kɔ he di!

Asomafoɔ 4:20

Na yɛ mmom deɛ, nea yɛate na yɛahu he, yentumi nnyae ho asɛm ka da.”

Adiyisɛm 11:19

Afei Nyankopɔn asɔredane a ɔya soro he bieeɛ ma behuu adaka a apam he ya mu he asɔredane he mu. Afei anyinam ne apranaa paepaeɛ, na asaase wosoeɛ, na asukɔtwea pii nso baeɛ.

Adiyisɛm 13:8

Na bɛ a bɛte asaase so nyinaa bɛkoto no, meekyerɛ bɛ a bɛamfiri wiase ahyɛaseɛ antwerɛ bɛ dini Adwammaa a bekuu no he nkwa nwoma mu he.

Adiyisɛm 14:2

Na metee nne bi firi soro te sɛ nsuworoeɛ a ano ɔdene, na ɔte sɛ apranaa nso. Nne a meteeɛ he te sɛ nnwom a sankubɔfoɔ bi ɔɔbɔ no ne sankuo so.

Adiyisɛm 19:6

Afei metee nne bi te sɛ nnipadɔm nne, ne nsuo nworosoɔ ne apranaa a ɔɔpaepae a ɔɔteam sɛ, “Haleluya! Yɛ Tumfoɔ Awurade Nyankopɔn di hene.

Adiyisɛm 4:8

Na ateasefoɔ nnan he mu biaa wɔ ntabane nsia a ani tuatua akyire ne animu nyinaa. Anadwo ne awia nyinaa bɛto nnwom sɛ, “Kronkron, Kronkron, Kronkron ne Awurade Nyankopɔn Tumfoɔ a na ɔya hɔ tetentredee, na seesei nso ɔya hɔ, na ɔya hɔ daa.”

Adiyisɛm 5:1

Na mehuu nwoma bi ya deɛ ɔte ahennwa so he nsa nifa mu. Na bɛatwerɛ mu ne akyire nyinaa a na bɛde nsɔano nson asosɔ ano.

Adiyisɛm 5:12

a na bɛɛto nnwom dendene sɛ, “Adwamaa a bekuu no he fata sɛ ɔgye tumi, ahonya, nyansa ne ahoɔdene ne anidie ne animuonyam ne nhyira!”

Adiyisɛm 5:8

Ɔyɔɔ saa he, ateasefoɔ nnan he ne mpanyimfoɔ aduonu nnan he butubutuu adwamaa he anim. Na bɛ mu biaa kita sankuo ne sika ayowa a aduhwam, a ɔyɛ ahoteefoɔ mpaebɔ, ahyɛ no ma.

Adiyisɛm 6:3

Na ɔtee nsɔano a ɔto so mmienu he ano, na metee sɛ teasefoɔ a ɔtɔ so mmienu he ɔɔka sɛ, “Bra!”

Adiyisɛm 6:5

Na ɔtee nsɔano a ɔtɔ so mmeɛnsa he ano, na metee sɛ teasefoɔ a ɔtɔ so mmeɛnsa he ɔɔka sɛ, “Bra!” Mehwɛeɛ, na hwɛ, pɔnkɔ tuntum bi di. Na nea ɔte ne so he kita nsania ya ne nsam.

Adiyisɛm 6:7

Afei adwamaa he tee nsɔano a ɔtɔ so nnan he ano, na metee sɛ teasefoɔ a ɔtɔ so nnan he ɔɔka sɛ, “Bra!”

Adiyisɛm 8:1

Berɛ a ɔtee nsɔano a ɔto so nson he ano he, soro nyinaa tam dinn bɛyɛ dɔnhwere fa.