Adiyisɛm 5:12 - Apam Foforɔ

¹² a na bɛɛto nnwom dendene sɛ, “Adwamaa a bekuu no he fata sɛ ɔgye tumi, ahonya, nyansa ne ahoɔdene ne anidie ne animuonyam ne nhyira!”

Adiyisɛm 5:12 ပူးပေါင်းရင်းမြစ်များ

Mateo 28:18

Na Yesu ba bɛka kyerɛɛ bɛ sɛ, “Bɛde soro ne asaase so tumi nyinaa ama me.

Yohane 1:29

Na adeɛ kyeɛ he, Yohane huu sɛ Yesu ɔɔba, na ɔkaa sɛ, “Hwɛ! Nyankopɔn adwamaa a oyi wiase bɔne kɔ he di!

Yohane 17:2

sɛnea woama no nnipa nyinaa so tumi, sɛ biaa a wode ama no he ɔmma bɛ daa nkwa.

2 Korintofoɔ 8:9

Na honim yɛ Awurade Yesu Kristo adom he, sɛ na ɔde ne ho adeɛ nyinaa mu deɛ, nso ho nti ɔgyaee ne nyinaa too hɔ, na ama ho abɛyɛ adefoɔ nnoɔma nyinaa mu.

1 Timoteo 1:17

Anidie ne animuonyam nka Nyankopɔn daa daa, mekyerɛ daa mmeresantene Hene a onnwu da, na bennhu no a ɔno nkoaa ne Nyankopɔn trodoo he. Amen!

Adiyisɛm 1:6

ayɔ yɛ ahemmane ne asɔfoɔ ama ne Nyankopɔn a ɔyɛ n’agya. Ɔno ne animuonyam ne tumi nka no daa daa. Amen!

Adiyisɛm 13:8

Na bɛ a bɛte asaase so nyinaa bɛkoto no, meekyerɛ bɛ a bɛamfiri wiase ahyɛaseɛ antwerɛ bɛ dini Adwammaa a bekuu no he nkwa nwoma mu he.

Adiyisɛm 15:3

Na bɛɛto Nyankopɔn akoa Mose nnwom ne Adwamaa he nnwom sɛ, Awurade Nyankopɔn, adeɛ nyinaa so tumfoɔ, wo nnwuma yɛ akɛseɛ na ɔyɛ nwanwa. O! meresantene hene, w’akwane tene na ɔyɛ nɔkorɛ.

Adiyisɛm 19:1

Yei akyi he, metee bibi a ɔte sɛ nnipakuo bebree nne firii soro sɛ: “Haleluya! Nkwagyeɛ ne animuonyam ne tumi yɛ yɛ Nyankopɔn dea

Adiyisɛm 4:11

“Yɛ Awurade ne Nyankopɔn; wofata sɛ wonya animuonyam, anidie ne tumi, efiri sɛ, wo ne wobɔɔ nnoɔma nyinaa, na wo pɛ mu nti na bɛya hɔ, ne bɛbɔeɛ.”

Adiyisɛm 5:13

Na metee sɛ abɔdeɛ a ɔya soro, asaase so, asaase ase, po mu ne dea ɔya wiase nyinaa ɔɔto nnwom sɛ, “Nhyira ne anidie ne animuonyam ne tumi nka nea ɔte ahennwa he so ne adwamaa he daa daa!”

Adiyisɛm 5:6

Afei mehuu adwamaa bi sɛ ogyina ahennwa he mfimfini a ateasefoɔ nnan he ne mpanyimfoɔ he atwa ne ho ahyia. Wohwɛ a, na ɔte sɛ nea bɛaku no. Na ɔwɔ mmɛne nson ne ani nson a ogyina hɔ ma Nyankopɔn ahonhom nson a bɛasoma bɛ aba wiase he.

Adiyisɛm 5:8

Ɔyɔɔ saa he, ateasefoɔ nnan he ne mpanyimfoɔ aduonu nnan he butubutuu adwamaa he anim. Na bɛ mu biaa kita sankuo ne sika ayowa a aduhwam, a ɔyɛ ahoteefoɔ mpaebɔ, ahyɛ no ma.

Adiyisɛm 5:9

Bɛtoo nnwom foforɔ bi sɛ, “Wofata sɛ wofa nwoma he, na wote nsɔano he ano, efiri sɛ, bekuu wo, na bɛde wo mogyaa atɔ nnipa afiri abusua, kasa, mane ne nkurofoɔ ahodoɔ mu ama Nyankopɔn.

Adiyisɛm 6:1

Afei mehuu sɛ adwamaa he ate nsɔano nson he mu nea odi kane he ano, na metee sɛ ateasefoɔ nnan he mu baako de nne a ɔte sɛ apranaa ɔɔka sɛ, “Bra!”

Adiyisɛm 7:12

kaa sɛ, “Amen! Nhyira ne animuonyam ne nyansa ne aseda ne anidie ne tumi ne ahoɔdene yɛ Nyankopɔn dea daa daa! Amen!”