Adiyisɛm 4:4 - Apam Foforɔ

⁴ Na ahennwa aduonu nnan atwa ahennwa he ho ahyia a mpanyimfoɔ aduonu nnan tete so a bɛhyehyɛ ntaadeɛ fitaa na sikakɔkɔɔ abotire bobɔ bɛ ti.

Adiyisɛm 4:4 ပူးပေါင်းရင်းမြစ်များ

Mateo 19:28

Yesu buaa bɛ sɛ, “Nɔkorɛ meeka akyerɛ ho, sɛ Nipa Ba he tena n’animuonyam adwa so a, na nnoɔma nyinaa yɛ foforɔ a, ho a hoadi m’akyi yi nso ho bɛtena ahennwa dummienu so, abu Israel mmusuakuo dummienu he atɛne.

Luka 22:30

na hoadidi anom me pono so m’ahennie mu, na hoatena nhennwa so abu Israel mmusuakuo dummienu he atɛne.

2 Timoteo 4:8

Afei nea aka a ɔsɛ sɛ me nsa ka ne tenenee abotire a Awurade, temufoɔ a ɔtene he de bɛma me Da he, ɔnyɛ me nko na mmom bɛ a bɛdɔ n’ahoyie nyinaa nso.

Adiyisɛm 11:16

Afei mpanyimfoɔ aduonu nnan a bɛte bɛ ahennwa so Nyankopɔn anim he de bɛ anim butubutuu fam, sɔree Nyankopɔn,

Adiyisɛm 14:3

Na bɛtoo dwom foforɔ bi, ahennwa ne ateasefoɔ nnan ne mpanyimfoɔ he anim, na biaa antumi ansua dwom he, gye nnipa mpem ha aduannan nnan a bɛagye bɛ afiri asaase so he nko.

Adiyisɛm 19:14

Soro asraafoɔ a bɛhyehyɛ nwera fitaa a ani te a bɛtete pɔnkɔ fitaa so dii n’akyi.

Adiyisɛm 19:4

Mpanyimfoɔ aduonu nnan ne ateasefoɔ nnan he butubutu Nyankopɔn a ɔte n’ahennwa so he anim somm no. Na bɛteaam sɛ, “Amen, Haleluya!”

Adiyisɛm 2:10

Nsuro haw a ɔɔbɛto wo he. Tie, bɛde ho mu bi bɛto afiase na Bronsam nam so asɔ ho ahwɛ. Na ho haw he bedi dadu. Di nɔkorɛ ma me kosi wuo mu mpo, na mɛma wo nkwa abotire.

Adiyisɛm 20:4

Afei mehuu nhennwa bi ne bɛ a bɛtete so a na bɛama bɛ tumi sɛ bemmu atɛne. Na mesane huu bɛ a Yesu adanseɛ ne Nyankopɔn asɛm nti betwitwaa bɛ ti he kra, ne bɛ a bɛankoto aboa he anaa ne honyini na bɛannye agyinaeɛ he ammɔ bɛ moma ne bɛ nsa so he. Na benyaa nkwa bio, na bɛne Kristo dii hene mfie apem.

Adiyisɛm 3:18

Nti metu wo fo sɛ tɔ sikakɔkɔɔ a bɛabere ho gya mu, firi me nkyɛne sɛnea ɔbɛma woayɛ defoɔ. Afei tɔ ntaadeɛ fitaa hyɛ fa kata w’adagya a ama w’anim agu ase he so. Afei tɔ aniduro sra w’ani so sɛnea wobehu adeɛ.

Adiyisɛm 4:10

Sɛ bɛyɔ saa a, mpanyimfoɔ aduonu nnan he butubutu nea ɔte ahennwa he so he anim sɔre nea ɔte hɔ daa daa he. Betu bɛ ahenkyɛ gu ahennwa he anim ka sɛ,

Adiyisɛm 4:6

Na bibi te sɛ ahwehwɛ po a ɔyɛ krɔgyee sɛ ahwehwɛ da ahennwa he anim. Na ateasefoɔ nnan a ani tuatua bɛ anim ne bɛ akyi atwa ahennwa he ho ahyia.

Adiyisɛm 5:11

Bio mehwɛeɛ, na metee abɔfoɔ mpempem buburugyaa nka. Na bɛatwa ahennwa he ne ateasefoɔ nnan he ne mpanyimfoɔ he ho ahyia

Adiyisɛm 5:14

Ateasefoɔ nnan he gyee so sɛ, “Amen!” Na mpanyimfoɔ he butubutuiɛ, na bɛkoto sɔreeɛ.

Adiyisɛm 5:6

Afei mehuu adwamaa bi sɛ ogyina ahennwa he mfimfini a ateasefoɔ nnan he ne mpanyimfoɔ he atwa ne ho ahyia. Wohwɛ a, na ɔte sɛ nea bɛaku no. Na ɔwɔ mmɛne nson ne ani nson a ogyina hɔ ma Nyankopɔn ahonhom nson a bɛasoma bɛ aba wiase he.

Adiyisɛm 5:8

Ɔyɔɔ saa he, ateasefoɔ nnan he ne mpanyimfoɔ aduonu nnan he butubutuu adwamaa he anim. Na bɛ mu biaa kita sankuo ne sika ayowa a aduhwam, a ɔyɛ ahoteefoɔ mpaebɔ, ahyɛ no ma.

Adiyisɛm 6:11

Bɛmaa bɛ mu biaa ataade tentene fitaa, na bɛka kyerɛɛ bɛ sɛ bɛntwɛne kakra nkosi sɛ bɛ mfɛfoɔ asomfo ne bɛ nuanom a bebekuku bɛ sɛnea bekuu bɛ he bɛba abɛka bɛ ho ama bɛ dodoɔ awie pɛyɛ.

Adiyisɛm 7:11

Na abɔfoɔ he atwa ahennwa he ne mpanyimfoɔ he ne ateasefoɔ nnan he ho ahyia. Afei bebutubutuu ahennwa he anim, sɔree Nyankopɔn

Adiyisɛm 7:9

Yei akyi he, mehwɛeɛ, na mehuu nnipakuo a biaa ntumi nkane bɛ dodoɔ a befiri amane ne mmusuakuo ne nkurofoɔ ne kasa nyinaa mu a begyinagyina ahennwa he ne Adwamaa he anim a bɛhyehyɛ ntaadeɛ fitaa kitakita berɛɛ.

Adiyisɛm 9:7

Ntutummɛ he te sɛ apɔnkɔ a bɛasiesie bɛ ama ko. Bɛwɔ bibi te sɛ sikakɔkɔɔ ahenkyɛ hyɛ bɛ ti. Na bɛ anim te sɛ nnipa anim.