Adiyisɛm 3:14 - Apam Foforɔ

¹⁴ “Twerɛ krataa kɔma Laodikea asafo mu bɔfoɔ he sɛ: Yei ne asɛm a ofiri Amen a ɔyɛ danseni nɔkwafoɔ a ɔyɛ bibiaa a Nyankopɔn bɔeɛ he abɔseɛ nkyɛne.

Adiyisɛm 3:14 ပူးပေါင်းရင်းမြစ်များ

Yohane 1:3

Nnoɔma nyinaa nam ne so ne baeɛ, na bɛankwati no annyɔ bibiaa a bɛyɔeɛ.

Yohane 8:14

Yesu buaa sɛ, “Mpo sɛ medi meaa me ho adanseɛ a, m’adanseɛ he yɛ nɔkorɛ, efiri sɛ, menim baabi a mefiri baeɛ ne baabi a meekɔ. Na ho deɛ honnim baabi a mefiri ne baabi a meekɔ.

2 Korintofoɔ 1:20

Na Nyankopɔn bɔhyɛ nyinaa yɛ nɔkorɛ. Ne saa nti ɔnam Kristo so ne yɛka “Amen” de hyɛ Nyankopɔn animuonyam.

Kolosefoɔ nwoma 1:15

Ɔno ne yɛ Nyankopɔn a benhu no he nsɛso ne abɔdeɛ nyinaa farebae;

Kolosefoɔ nwoma 1:18

Kristo yɛ ne nipadua he (meekyerɛ asafo he) ti; ɔno ne mfitiaseɛ, awufoɔ sɔreeɛ mu farebae, na ama no abɛyɛ adeɛ nyinaa mu kannifoɔ.

Kolosefoɔ nwoma 2:1

Na mepɛ sɛ hohu apereapereɛ dendene a medi no ho ho ne bɛ a bɛya Laodikea ne bɛ a benhuu m’anim honam mu nyinaa nso ho.

Kolosefoɔ nwoma 4:16

Na sɛ hokenkane krataa yi kyerɛ ho ho wie a, homma bɛnkenkane no Laodikeafoɔ asafo he nso mu; na honhwɛ sɛ ho nso hobɛkenkane me krataa a ɔya Laodikea asafo he mu nso.

Adiyisɛm 1:11

Ɔkaa sɛ, “Twerɛ bibiaa a wohu gu nwoma mu, na fa nwoma he kɔma asafo ahodoɔ nson yi: Deɛ ɔya Efeso, Smirna, Pergamo, Tiatira, Sardi, Filadelfia ne Laodikea.”

Adiyisɛm 1:5

ne Yesu Kristo a ɔyɛ danseni nɔkwafoɔ ne wusɔreɛ mu dikanfoɔ ne asaase so ahene sodifoɔ he nkyɛne nka ho. Ɔno a ɔdɔ yɛ, na ɔnam ne mogyaa he so agye yɛ afiri yɛ bɔne mu he

Adiyisɛm 19:11

Afei mehuu sɛ soro abie a pɔnkɔ fitaa ya hɔ. Na nea ɔte ne so he dini de “Ɔseadeɛyɔ ne Nɔkwafoɔ,” na tenenee ne ogyina so bu atɛne ko ne ko nso.

Adiyisɛm 2:1

“Twerɛ krataa kɔma Efeso asafo mu bɔfoɔ he, na ka kyerɛ no sɛ: Yei ne nsɛm a ofiri nea a okita nsoromma nson ne nsa nifa mu a, ɔnante sika nkaneadua nson he ntam he nkyɛne.

Adiyisɛm 21:6

Na ɔkɔɔ so kaa sɛ, “Bɛawie! Mene Ahyɛaseɛ ne Awieeɛ, kyerɛ sɛ, mfitiaseɛ ne awieeɛ he. Biaa a sukɔm de no he, mɛma no nsuo a ofiri nkwa asuti mu anom kwa.

Adiyisɛm 22:13

Mene Alpha ne Omega, kannifoɔ ne kyidifoɔ, mfitiaseɛ ne awieeɛ he.”

Adiyisɛm 22:6

Afei bɔfoɔ he ka kyerɛɛ me sɛ, “Saa nsɛm yi yɛ nɔkorɛ a wode wo ho to so a, ɔyɛ. Na Awurade Nyankopɔn a ɔnam adiyifoɔ so kasaeɛ he somaa ne bɔfoɔ sɛ ɔmmɛkyerɛ ne nkoa adeɛ a ɔbɛba nnansa yiaa he.

Adiyisɛm 3:7

“Twerɛ krataa kɔma Filadelfia asafo he mu bɔfoɔ he sɛ: Yei ne asɛm a ofiri nea ɔyɛ kronkron, a ɔyɛ nɔkwafoɔ a okita Dawid safoa a sɛ obie a, bi ntumi nto mu, na ɔto mu nso a, bi ntumi mmie, he nkyɛne.