Adiyisɛm 17:4 - Apam Foforɔ

⁴ Na baa he hyɛ ataadeɛ a n’ahosuo yɛ afasebiri ne kɔkɔɔ, afei nso ɔde sikakɔkɔɔ aboɔ ne nhwene pa ahyehyɛ ne ho. Na okita sika kuruwa a afideɛ ne adwamammɔ ho nnoɔma ayɛ no ma tɔ.

Adiyisɛm 17:4 ပူးပေါင်းရင်းမြစ်များ

Adiyisɛm 14:8

Bɔfoɔ a ɔto so mmienu dii akyire kaa sɛ, “Wahwe ase! Babilon kɛseɛ ahwe ase, efiri sɛ waama amanamane nyinaa anom n’adwamammɔ nsa dendene he bi.”

Adiyisɛm 18:12

Biaa ntɔ sikakɔkɔɔ ne dwetɛ, ne aboɔdeneboɔ ne nhwene pa, ne nwera pa ne ntoma afasebiri ne serekye ne ntoma kɔkɔɔ, ne nnua a ohwam nyinaa ne asommɛne adwinnie nyinaa, ne adwinnie a bɛde nnua a ɔwɔ dini ayɔ, ne yaawa ne dadeɛ ne abohemmaa,

Adiyisɛm 18:16

na bɛagyam sɛ, “Due! Due! O! kuro kɛseɛ a ofira nwera pa ne ntoma afasebiri ne ntoma kɔkɔɔ na ɔde sika ne aboɔdenboɔ ne nhwene pa abobɔ mu,

Adiyisɛm 19:2

efiri sɛ, n’atemmuo yɛ nɔkorɛ na ɔtene sɛ obuu dwamanfoɔ kɛseɛ a ɔde n’adwamammɔ asɛe asaase he atɛne, na ɔtɔɔ ne nkoa mogyaa so werɛ ne nsa mu.”

Adiyisɛm 21:21

Na bɛde nhwene pa dummienu ne yɔɔ apono dummienu he. Apono he mu biaa, bɛde ahwene pa baako ne yɔeɛ. Na kuro he abɔntene kɛseɛ yɛ sika mapa, kronkron a ɔte sɛ ahwehwɛ.

Adiyisɛm 9:21

Saa nso ne bɛansakra bɛ adwene amfiri bɛ awudie, bɛ adutoɔ, bɛ adwamammɔ ne bɛ korɔnobɔ ho.