Adiyisɛm 1:16 - Apam Foforɔ

¹⁶ Na okita nsoromma nson ne nsa nifa mu, na nkrantɛ anofanu nnamnnam firi n’anum baeɛ. Na n’anim hyerɛn sɛ awia a ɔɔhyerɛn dendene.

Adiyisɛm 1:16 ပူးပေါင်းရင်းမြစ်များ

Mateo 17:2

Na ɔsakraa bɛ ani so, na n’anim hyerɛnn te sɛ awia, na ne ntaadeɛ yɛɛ fitafita te sɛ hann.

Asomafoɔ 26:13

Na oduruu awigyina he, me wura Nimuonyamfoɔ, mehuu hann bi a ano ɔdene sene awia sɛ ahyerɛn firi soro atwa me ne bɛ a bɛne me ɔɔkɔ he ho ahyia kwane he so.

Efesofoɔ 6:17

Homfa nkwagyeɛ kyɛ, na homfa Honhom mu sekane a ɔyɛ Nyankopɔn asɛm nkita.

Hebrifoɔ 4:12

Nɔkwasɛm di, nkwa na ahoɔdene ya Nyankopɔn asɛm mu, ano ɔnam sene sekane anofanu biaa, otumi hwire bibiaa mu koduru sɛ ɔpaepae kra firi honhom ho, akwaa firi kyim ho; na otumi bu adwene ne akoma mu nsusuiɛ atɛne.

Adiyisɛm 1:20

Nsoromma nson a wohu no me nsa nifa mu ne sika nkaneadua he nkyerɛaseɛ a ɔyɛ ahintasɛm he di: Nsoromma nson he yɛ asafo nson he abɔfoɔ, na nkaneadua nson he nso yɛ asafo nson he.”

Adiyisɛm 10:1

Afei mehuu bɔfoɔ tumfoɔ bi a ofiri soro oosiane ba fam. Na ɔhyɛ mununkum mu a nyankontɔno bɔ ne ti. Na n’anim te sɛ awia, na ne nane te sɛ gya fadum.

Adiyisɛm 12:1

Afei nsɛnkyerɛnne kɛseɛ bi daa ne ho adi soro. Baa bi pieeɛ a na ofira awia a bosome ya ne nane ase, na nsoromma dummienu ahenkyɛ hyɛ no.

Adiyisɛm 19:15

Afei nkrantɛ nnamnnam a ɔde bedi amane so firi n’anum baeɛ. Ɔde dadeɛ poma ne bedi bɛ so. Obetiatia Nyankopɔn a ɔyɛ adeɛ nyinaa so tumfoɔ he abufuo a ɔdene he nsa-kyi-amena he so.

Adiyisɛm 19:21

Bɛde nkrantɛ a ofiri pɔnkɔkafoɔ he anum kukuu bɛ asraafoɔ, na nnomaa he dii bɛ nam meeɛ.

Adiyisɛm 2:1

“Twerɛ krataa kɔma Efeso asafo mu bɔfoɔ he, na ka kyerɛ no sɛ: Yei ne nsɛm a ofiri nea a okita nsoromma nson ne nsa nifa mu a, ɔnante sika nkaneadua nson he ntam he nkyɛne.

Adiyisɛm 2:12

“Twerɛ krataa yi kɔma bɔfoɔ a ɔya Pergamo asafo mu sɛ: Saa krataa yi firi nea ɔwɔ nkrantɛ anofanu a ɔnam he nkyɛne.

Adiyisɛm 2:16

“Sakra w’adwene firi wo bɔne ho. Anyɛ saa a, ɔɔnkyɛre biaa mɛba wo nkyɛne de nkrantɛ a ofiri m’anum he abɛko atia saa nnipa he.

Adiyisɛm 3:1

“Twerɛ krataa kɔma Sardi asafo he mu bɔfoɔ sɛ: “Yei ne nsɛm a ofiri nea ɔwɔ Nyankopɔn ahonhom nson ne nsoromma nson he nkyɛne. “Menim wo nnwuma; wowɔ dini sɛ wote ase deɛ, nso woawu.