Asomafoɔ 5:16 - Apam Foforɔ

¹⁶ Afei nnipa pii firi nkuro a atwa Yerusalem ho ahyia he mu nso de ayarefoɔ ne bɛ a ahonhom fi ha bɛ baeɛ, na bɛsaa bɛ nyinaa yadeɛ.

Asomafoɔ 5:16 ပူးပေါင်းရင်းမြစ်များ

Mateo 2:16

Na Herode huu sɛ nsoromma mu animdefoɔ he adaadaa no he, ne bo fuu kɛse paa, na ɔsoma maa bekokuu mmɔfra mmeema a benni mmoroo mfie mmienu nyinaa a bɛya Yerusalem ne ne mpɔtamu, sɛnea berɛ a ohu firii nsoromma mu animudefoɔ he hɔ kyerɛ he.

Mateo 4:24

Nti ne ho asɛm trɛɛ Siria nyinaa, na bɛde ayarefoɔ, bɛ a bɛyare yadeɛ ahodoɔ ne bɛ a bɛ honam tutu bɛ, ne bɛ a honhom fi ne twerɛ ya bɛ so, ɔne mmubuafoɔ nyinaa, baa ne nkyɛne. Na ɔsaa bɛ nyinaa yadeɛ.

Mateo 8:16

Saa anwummerɛ he bɛde nnipa bebree a bɛwɔ ahohommɔne braa no; ɔde tumi a ɔya n’asɛm mu tutuu ahohommɔne he, na ɔsaa bɛ a bɛyare nyinaa yadeɛ.

Luka 5:17

Da koro bi, Yesu gu so ɔɔkyerɛkyerɛ he, na Farisifoɔ ne atwerɛfoɔ a befiri nkuraa a ɔya Galilea ne Yudea ne Yerusalem ase aba he nyinaa tete hɔ, na Awurade tumi ya ne so a ɔde bɛsa yadeɛ.

Luka 6:18

Ɔsaa bɛ a honhom fĩ ha bɛ yadeɛ.

Luka 9:11

Nso berɛ a nnipadɔm he huiɛ he, bedii n’akyi. Na ɔgyee bɛ fɛ so firii aseɛ kaa Nyankopɔn ahennie he ho asɛm kyerɛɛ bɛ, na ɔsaa bɛ a bɛyare he yadeɛ.

Yohane 14:12

Meeka akyerɛ ho nɔkorem paa sɛ, nea ɔgye me di he, nnwuma a meyɔ he ɔno nso bɛyɔ bi, na ɔbɛyɔ nnwuma bebree asene yeinom, efiri sɛ, me deɛ meekɔ Agya he nkyɛne.

Asomafoɔ 4:30

berɛ a wotene wo nsa sa yadeɛ, na wonam w’akoa kronkron Yesu dini so yɔ nsɛnkyerɛnne ne anwanwadeɛ yi.”

Asomafoɔ 5:15

Na bɛde ayarefoɔ baa abɔntene bɛtotoo mpa ne kɛtɛ so sɛnea ɔbɛyɛ a anyeyie koraa he, sɛ Petro ootwam a ne sunsum bɛtɔ bɛ mu bi so.

Asomafoɔ 5:17

Na sɔfo panyini he ne bɛ a bɛka ne ho nyinaa, Sadukifoɔ fekuo a na bɛya hɔ saa bere he sɔreeɛ, na ahoɔyea a ahyɛ bɛ ma nti,

1 Korintofoɔ 12:9

Foforɔ nso ɔma no gyidie Honhom korɔ he a mu, bi nso ɔma no ayaresa adom akyɛdeɛ Honhom baako he a,

Yakobo 5:16

Ne saa nti honkeka ho mfomsoɔ nkyerɛkyerɛ ho ho ho ho, na hommɔ mpaeɛ ma ho ho ho ho, na hoanya ayaresa. Teneneeni mpaebɔ a mu ɔdene tumi yɔ nnoɔma bebree.