Asomafoɔ 2:47 - Apam Foforɔ

⁴⁷ yi Nyankopɔn ayɛ. Na benyaa nnipa he nyinaa anim adom. Na Awurade de bɛ a ɔgyee bɛ he kaa asafo he ho da biaa.

Asomafoɔ 2:47 ပူးပေါင်းရင်းမြစ်များ

Luka 19:48

nso bɛannya kwampa a bɛbɛfa so ayɔ, efiri sɛ nnipa he nyinaa tu taree no tiee no.

Luka 2:52

Na Yesu nyini nyansa ne honam mu, na onyaa Nyankopɔn ne nnipa anim adom.

Asomafoɔ 11:21

Na Awurade nsa ya bɛ so, na nnipa pii bɛyɛɛ agyidifoɔ dane baa Awurade nkyɛne.

Asomafoɔ 11:24

Na ɔyɛ nipa pa na Honhom Kronkron ne gyidie ayɛ no ma. Na nnipadɔm gyee Awurade diiɛ.

Asomafoɔ 13:48

Berɛ a Amanamane mufoɔ tee yei he, bɛ ani gyeeɛ, na bɛhyɛɛ Awurade asɛm animuonyam, na dodoɔ a na Nyankopɔn ayi bɛ ama daa nkwa he bɛyɛɛ agyidifoɔ.

Asomafoɔ 14:1

Saa asɛm korɔ heaa bi sii Ikonium. Berɛ a bɛkɔɔ Yudafoɔ hyiadane mu he bɛkasa maa nnipakuo kɛseɛ bi a befiri Yudafoɔ ne Helafoɔ mu bɛyɛɛ agyidifoɔ.

Asomafoɔ 14:21

Na bɛpae mu kaa asɛmpa he saa kuro he so, na benyaa asuafoɔ bebree he, bɛsane baa Listra, na bɛkɔɔ Ikonium ne Antiokia.

Asomafoɔ 16:5

Nti asafo ahodoɔ he kɔɔ so yɛɛ dene gyidie mu na bɛkɔɔ so dɔree da biaa.

Asomafoɔ 17:12

Na bɛ mu pii bɛgye diiɛ, ne Helafoɔ mmaa ne mmeema atitire a bɛdɔɔso pii nso yɔɔ saa.

Asomafoɔ 2:39

Na bɔhyɛ yi ya hɔ ma ho ne ho mma ne bɛ a bɛya akyirikyiri, a Awurade yɛ Nyankopɔn bɛfrɛ bɛ aba ne nkyɛne nyinaa.”

Asomafoɔ 2:41

Na bɛ a bɛde anigyeɛ gyee n’asɛm he maa bɛbɔɔ bɛ asu, na saa da he akra bɛyɛ mpem mmeɛnsa nso bɛyɛɛ asuafoɔ.

Asomafoɔ 4:21

Na behunahunaa bɛ bio he, begyae bɛ esiane sɛ bɛannya bibiaa a bebegyina so atwe bɛ aso ɔnam nkurofoɔ he nti, efiri sɛ, na nkurofoɔ he nyinaa ɔɔhyɛ Nyankopɔn animuonyam ya nea asi he ho.

Asomafoɔ 4:33

Asomafoɔ he de tumi kɛseɛ dii adanseɛ faa Awurade Yesu wusɔreɛ he ho, na adom kɛseɛ baa bɛ nyinaa bɛ so.

Asomafoɔ 4:4

Na bɛ a bɛtee asɛm a Petro ne Yohane kaeɛ he mu bebree gye diiɛ, na bɛ dodoɔ bɛyɛ mpemnum.

Asomafoɔ 6:1

Na afei nna he mu a na asuafoɔ he ɔɔdɔɔso he, Yudafoɔ na beka Hela kasa a ɔno nti ne bɛfrɛ bɛ Helenifoɔ he nwiinwii tia Hebrifoɔ he, efiri sɛ na bebu bɛ ani gu Helenifoɔ akunafoɔ he daa daa aduane ma dwumadie so.

Asomafoɔ 6:7

Na Nyankopɔn asɛm kɔɔ so trɛeɛ, na asuafoɔ he kɔɔ so yɛɛ dodo ya Yerusalem, na Yudafoɔ som he mu asɔfoɔ mu pii gyee asɛm he diiɛ.

Asomafoɔ 9:31

Saa berɛ heaa mu asafo a ɔyeya Yudea ne Galilea ne Samaria nyinaa nyaa asomdwie, na bɛyɛɛ nam. Na bere a bɛde Awurade suro ne Honhom Kronkron he awerekyekyerɛ nanteeɛ he, bɛkɔɔ so dɔreeɛ.

Asomafoɔ 9:35

Na bɛ a bɛtete Lida ne Saron asaasetam so nyinaa huu no, na bɛdane baa Awurade nkyɛne.

Romafoɔ 14:18

Na nea ɔsom Kristo saa kwane so he ɔno ne sɔ Nyankopɔn ani na nnipa gye no tom.

Romafoɔ 8:30

Na bɛ a oyii bɛ sii hɔ he, ɔfrɛɛ bɛ nso; na bɛ a ɔfrɛɛ bɛ he, buu bɛ bem nso; na bɛ a obuu bɛ bem he, hyɛɛ bɛ animuonyam nso.

Romafoɔ 9:27

Na Yesaia teaa Israel ho sɛ, “Ewom sɛ na Israel mma te sɛ mpoano anwea, nso bɛ a bɛbɛka kakraa bi ne bɛbɛgye bɛ nkwa;

1 Korintofoɔ 1:18

Na asennua he ho asɛm he yɛ nkwaseasɛm ma bɛ a bɛɛyera, na yɛ a bɛɛgye yɛ nkwa he deɛ, ɔyɛ Nyankopɔn tumi ma yɛ;